Deuteronomy 1:11 - Labrador Inuttitut Heritage Bible

¹¹ Nâlekab atâtapse Gûdingata unuksivaliatilise tausendêrtortomik mânamit, saimartiliselo sorlo angervigilaungmase.

Deuteronomy 1:11 Iomraidhean Croise

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 49:25

Atâtavit Gûdinganit tamanna pivoᴋ: Tâpsoma ikajorlitit, ajugaᴋangitublo saimauserlitit pikuminartunik pângat ᴋilangmit pijunik, pikuminartuniglo kanangat ittinermit pijunik, pikuminartunik amâmamit igliamillo pijunik!

II Samuel 24:3

Joabe attannermut oᴋarpok: Nalegak Gudit illautitsilerle innugatoksoarnut tapkonunga, sorlo manna illingangmatta 100 deêrtortunik unnurnersanik sulle, nalegara attannek, ijingme ᴋuviasutiksanganik takkoᴋovlugo tapkonane; kissiane sôg nalekama attanniub tamanna ᴋuviasutigivaûk?

I Kronika 21:3

Joabe oᴋarpok: Nalegak ilautitsilerle inuᴋotiminut sorlo mânna illingangmatta 100 deêrtortunik unurnersanik sulle; kisianele nalegâk atannek, ilûnaita, nalekama kivgaringilait? Sôgle nalekama tamânna apperᴋutigivauk? Sôg patsitiᴋartuksaulerᴋa Israelitinut?

Imgerut 115:14

Nâlekab pitsartutipallialerlise, illipse ᴋittorngaselo.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Hesekiel 16:7

Unuksivaliatilauᴋpagit ᴋuglungajotut natername, unuksilauᴋpotillo angijororlutillo, pinnarnarsilutillo; iviangîkik angijororpûk, nujatillo perorput; usingalauᴋpotille kangunarlutillo.

Numbers 22:12

Gûdiblo Bâlaam oᴋautivâ: Ilaujuksaungilatit tâpkonunga; inuit tâpkoa ôminarsijauᴋojaksaringilatit; saimartitaungmatta.

Numbers 6:27

Taimâk attera pitilârpât Israêlikunut, saimarsaromavakkalo.

Deuteronomy 1:10

Nâlekab Gûdipse unuksitisimavâse, ahâglo, uvlome ᴋilaub uvloriangititut unuktigivose.

Deuteronomy 1:12

ᴋanok uvanga kissimetôvlunga erᴋsugungnarᴋingâ siarklerutigijapsingnik, oᴋumainipsingniglo, akkerartortigêngnipsingniglô?

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.

Deuteronomy 28:62

Ikitôvluselo amiakojomârpose, sivorngane ᴋilaub uvloriangititut unuktigilauraloarapse, Nâlekab Gûdivît nippinganik nâlalaunginapse.