Deuteronomy 1:10 - Labrador Inuttitut Heritage Bible

¹⁰ Nâlekab Gûdipse unuksitisimavâse, ahâglo, uvlome ᴋilaub uvloriangititut unuktigivose.

Deuteronomy 1:10 Iomraidhean Croise

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

I Kronika 27:23

Davidiblo tapkoa jâreᴋartut 20 inik ikkinersaniglo kittiᴋasiutitauᴋolaungilait, Nalegak oᴋalaungmat, Israelitit unuksivalliatitsomavlugit uvloritsatitut ᴋilangmêtutitut.

Nehemia 9:23

ᴋitorngangillo unnuksivalliatilaukpattit uvloritsetitut ᴋilangmêtutitut, âlaukpattillo nunamut atâtagijanginut oᴋarutigilauktarnut, ittervigilugo nangmineliutilugolo pijuksaungmatta.

Imgerut 107:38

Pitsartutipaillo unnuksivalliadlarᴋovlugit, nergjutingillo ikkitôtilungilait;

Exodus 12:37

Israêlikullo ingergalerput Ramesesemit Suggotemut, angutainait pisuktut 600,000, sorrutsit kitinagit.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Jesaiase 51:2

Abraha takonârsiuk atâtagijase, Sâralo illipsingnik ernijoᴋ! Attausiotillugo ᴋairᴋovara saimauserlugolo ᴋitorngaᴋartillugolo unuktunik.

Hesekiel 16:7

Unuksivaliatilauᴋpagit ᴋuglungajotut natername, unuksilauᴋpotillo angijororlutillo, pinnarnarsilutillo; iviangîkik angijororpûk, nujatillo perorput; usingalauᴋpotille kangunarlutillo.

Numbers 1:46

Kititaujut tâpkoa katillugit 603,550olauᴋput.

Numbers 10:36

Noᴋarmallo oᴋarpoᴋ: Utilaurit, Nâlegaᴋ, Israêlikut tausendoᴋattarningita ten tausendeoᴋattarninginut.

Deuteronomy 1:11

Nâlekab atâtapse Gûdingata unuksivaliatilise tausendêrtortomik mânamit, saimartiliselo sorlo angervigilaungmase.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.

Deuteronomy 26:5

Kiovlutillo oᴋartuksauvotit Nâlekab Gûdivît sângane: Atâtaga Siriamiongolauᴋpok nuktartok, atersârporlo Egiptenemut, tagvanelo tujormiangovok, ikitunik ilaᴋarlune; tagvanele inôᴋatigêksoangolerpok angijut, pitsartujut, unuktôvlutiglo.

Deuteronomy 28:62

Ikitôvluselo amiakojomârpose, sivorngane ᴋilaub uvloriangititut unuktigilauraloarapse, Nâlekab Gûdivît nippinganik nâlalaunginapse.

Deuteronomy 7:7

Nâlekab ungagilaungilâse annerilaungilâselônêt ununersaugapse inôᴋatigêksoarnit assipsingnit tamainit; ikinerpaulaurapse inôᴋatigêksoarnit;