Deuteronomy 1:1 - Labrador Inuttitut Heritage Bible

¹ Tamadja oᴋautsit Mosesib oᴋauserijangit Israêlikunut tamainut Jordanib ungatâne, sunaᴋajuitome, naᴋsarsoarme Sufib nelâne, Pâraniblo, Tôfeliblo, Lâbaniblo, Hâzarotiblo, Di-zahâbiblo akorngane.

Deuteronomy 1:1 Iomraidhean Croise

Genesis 21:21

Inuᴋangitorlo Paran nunagivâ, anânangatalo Egiptenemit nuliaᴋartipâ.

I Atannit 11:18

Aularpullo Midianemit, tikkilutiglo Paranemut, neksarpullo inungnik Paranemit, tikkilutiglo Egiptenemut Faraomut Egiptenemiut atanninganut. Tapsoma tunnitsivigiva iglomik, inugutiksamiglo, nunamiglo.

Habakûb 3:3

Gûde tikipoᴋ Têmanemit, ivsornaitorlo Pâranib ᴋaᴋanganit. (Sela.) Ânanauningata ᴋilait ulikpait, nunalo nâmavoᴋ nertornautinganik.

Numbers 10:12

Israêlikullo aularput ingergartuksaunitik maliklugit sunaᴋajuitomit Sinaimit; nuvujarlo aᴋᴋarpoᴋ sunaᴋajuitome Pâraneme.

Numbers 11:35

Ikligudlartullo iluvinginit inugiartoᴋsuit aularpat Hazarotemut; Hazarotemelo noᴋangavut.

Numbers 12:16

Kingornganelo inugiartoᴋsuit nûput Hazarotemit, tangmârterpullo sunaᴋajuitome Pâraneme.

Numbers 13:26

Ingergalutiglo tikiput Mosesemut Aronemullo Israêlikullo ilagêktoᴋsoanginut, sunaᴋajuitomut Pâranemut, Kadesemut; unipkarvigivaillo tâpkoalo ilagêktoᴋsoangillo, takotilugillo nunab paunganginik.

Numbers 13:3

Mosesiblo tilivait sunaᴋajuitomit Pâranemit Nâlekab perᴋojanga maliklugo; ilûnatik angajoᴋauvut Israêlikune.

Numbers 32:19

Kingormgujiᴋatigijomanginaptigik Jordanib ungatâne, kangianelônêt, kingormgujiviksaᴋarapta Jordanib miksiptingne, unane.

Numbers 32:32

Sakkolijarluta ikâromavogut Nâlekab sângane nunamut Kanaanemut, kingormgutijaksavullo pigijaksasiarijomavavut Jordanib miksâne.

Numbers 32:5

Oᴋarpullo: Saimaneᴋsigupta ijîkpit sângangne, nuna tamanna tunijaule kivgarnut perᴋutauᴋovlugo; ikârᴋoniaratigut Jordanemik.

Numbers 33:20

Rimmon-pêrezemillo aularput tangmârlutiglo Libname.

Numbers 33:21

Libnamillo aularput tangmârlutiglo Rissame.

Numbers 34:15

Kinguvârêt magguit abvalo pisimajarêrput kingormgutijaksamingnik Jordanib miksâne Jerikome unane, seᴋerngûb nuiviata nelâne.

Numbers 35:14

Tunitjijuksauvose iglugasaksoarnik pingasunik Jordanib miksâne mattomane, amalo iglugasaksoarnik pingasunik nuname Kanaaneme tunitjijuksauvose; iglugasaksoangolârput saputjauviksanik.

Deuteronomy 2:8

Taimaglo ᴋatangutivut Esauib ᴋitorngangit Seireme nunalit ᴋângiutivavut, naᴋsarsûb apᴋutâ ᴋemaklugo, Elatelo Ezion-geberelo ᴋemaklugik. Sangulutalo Moabib sunaᴋajuitungata apᴋutâ ingergarvigivavut.

Deuteronomy 27:1

Mosesiblo Israêliblo angajoᴋângita inuit perᴋovait, oᴋarlutik: Perᴋojat tamaita perᴋojijutigijakka ilipsingnut uvlome malitsiarsigik.

Deuteronomy 29:1

Tamadja angerᴋatigêngnerûb oᴋausertangit, Nâlekab Mosesemut âᴋiksoraksauᴋojangata Israêlib ᴋitornganginut nuname Moabeme, angerᴋatigêngnerûb âᴋiksortanga tâpkonunga Hôrebeme aipanga.

Deuteronomy 31:1

Mosesiblo oᴋautsit makkoa oᴋâlautigijartorpait Israêlekunut tamainut.

Deuteronomy 33:2

Oᴋarporlo: Nâlegak Sinaimit tikipok, Seiremit tâpkonunga nuisimavlune; issagutârpok Pâranib ᴋakᴋanganit, tikiporlo ivsornaitut ten tausendit ilagilugit; talerpiane perᴋojaᴋarpok ikomaujârtunik tâpkonunga.

Deuteronomy 4:46

Jordanib ungatâne, naᴋsarme Bet-peorib nelâne, Sihonib, Amorikut ataningata, Hesboneme ineᴋalauᴋtûb, nunangane, tâmna Mosesib Israêlikullo sâlagivât Egiptenemit pigamik;

Deuteronomy 5:1

Mosesiblo Israêlikut tamaita ᴋaiᴋovait, oᴋautilugillo: Ilipse, Israêlikut, perᴋojat maligaksallo, oᴋautigijakka uvlome siutipse sângane, tusarsigik ilinialugillo, puigorniarasigiglo, tamakkoa maliklugit piniarᴋovluse.

Josua 22:4

Nalekab Gudipse manna ᴋattangutise merngoêrservingmut âtsarêrmagit sorlo okarvigilaungmagit, tagva sanguleritse manna, ailuselo iglupsingnut, kingormgutijapse nunanganut, Mosesib Nalekab kivgangata tunnilauktanganut illipsingnut Jordanib akkiane.

Josua 22:7

Mosesib kinguvarêt Manassekut ketterᴋangit tunnitsivigilaukpait Basaneme, ketterᴋangillo aipaingit Josuab tunitsivigivait ᴋattangutingita akkorngane Jordanib miksâne kangiane. Aularᴋolaungmagillo iglunginut, saimarlauᴋârlugillo,

Josua 3:16

Tagva imek timânit kôktok nokᴋarpok ᴋallerêktilunelo, ungasidlartomik, iglugasaksoarnit Adamemik attelingnit Zarthanib sanianetomit; immerle attânut pijok imânut, imânut tarriolingmut kêtaulerpok nungulunelo. Taimak innugasaksuit iᴋârput Jericho sâlugo.

Josua 9:1

Manna attannit, Jordanib ungatane ᴋaᴋᴋane naksanallo, imârbiksublo siksangane nunaᴋalauktut, tapkoatauk ᴋaᴋᴋab Libanonib sanianelauktut, imaitut, Hethiterit Amoriterillo, Kanaaniterillo, Feresiterillo, Heviterillo, Jebusiterillo, tamattominga tussaramik;

Josua 9:10

Tamaitalo pinniarnerilauktangit Amoriterit attanningangnut maggungnut Jordanib ungatanetungnut, Sihonemut Hesbonib attanertanganut, Ogemullo Basanib attannertanganut, Astharotheme nunaᴋalauktomut.

I Samuel 25:1

Samuelelo toᴋᴋovok, Israelitillo illunamasiatik kattimalerput oggorilugolo, illijartorlâllo iglungane Ramamêtome. Davidele parngnailerpok, attersarlunelo Paranib sunaᴋajuitunganut.