Daniel 9:7 - Labrador Inuttitut Heritage Bible

⁷ Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Daniel 9:7 Iomraidhean Croise

Esra 9:13

Tamakkoalo tamaita tikkitautigijapta, pinniarniâluvut, passijaksaudlarnivullo pivlugit, kingorngane, igvit Gudivut pitlarnikinersarilaukpaptigut pijuksauniptingnit idluitullinivut pitjutigellugit, piulijauneᴋartilaukpaptigullo, sorlo mana imat.

Esra 9:15

Nalegak, Israelib Gudinga, igvit idluarpotit, uvagut amiakogapta, annigoimavlutalo, sorlo uvlorme tamattomane illingangmat. Ahâk, nangerpogut sângne passijaksauniptingne; tamannale pivlugo nangertoᴋarungnangilak sângne.

Nehemia 9:33

Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Imgerut 119:137

Nâlegak igvit idluarpotit, idluarsainitillo idluarput.

Imgerut 44:15

Uvlok nâlugo mittautaunera samnêpok kênaralo ulliksimavok kangusungnermut.

Imgerut 51:14

Piulilaunga akkiliksaᴋarnermit aungmik, Gûde, Gûdigijagit, piulijigijagillo, oᴋara idluarnernik nakorsarᴋovlugo.

Imgerut 51:4

Illingnut kissiane ajortullilaukpunga, idluitullilarmalo sângne, igvit idluatsainarᴋovlutit oᴋauserne ivsornaitsiarᴋovlutillo erᴋartortauguvit.

Jesaiase 11:11

Nâlekablo nalliutome taipsomane amma aggane issagomârpait, inuᴋotime amiaᴋungit pissiarijomavlugit, amiaᴋôjut Assiriamit Egiptenemillo Patrosemillo Etiopiamillo Elamimillo Sinearemillo Hamatemillo ᴋikkertanillo imarbingmẽtunit.

Jesaiase 45:16

Gûdingoaliortut illũnatik sillasiortuksauvut kangusuktuksauvlutiglo, illũnamatsiatik illerasuktuksauvut.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 24:9

Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremia 3:25

Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 32:32

Israelib ᴋitorngangita Judablo ᴋitorngangita idluituliningit ilûnaita pitjutigivlugit, piniarnerijangit uvanga ningarsâromavlunga, tâpkoa, ataningitalo angajoᴋângitalo, ajoᴋertuijungitalo, nalautaijungitalo, Judablo angutingita Jerusalemiblo inungita.

Jeremia 33:16

Uvlune tâpkonane Juda piulijaujomârpoᴋ, Jerusalemelo terligomârpoᴋ; tamannalo attinga atserartaujutigijomârtanga: Nâlagaᴋ idluarsijutigijavut.

Jeremia 4:17

Avatâgut ilumavât, sorlo udjertortut perorsêvingmik; ᴋepêservigingmanga, Nâlagaᴋ oᴋarpoᴋ.

Jeremia 7:19

Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?

Hesekiel 16:63

Erᴋaiᴋovlutit kangusuᴋovlutillo, oᴋausiksairutiᴋovlutit kangusungnit pivlugo; issumagijungnaivigigupkit tamainik piniarnerijarnik, oᴋarpoᴋ Nâlegaᴋ Nâlegaujoᴋ.

Hesekiel 36:31

Tagva erᴋaumalârpose apᴋotipsingnik idluitunik, piniarnipsingniglo idluangitunik; maᴋojugilârposelo ilipsingnik takojapsingne idluitulinerilauᴋtase maᴋojungnartulinerilauᴋtaselo pivlugit.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Hesekiel 6:12

Ungasiktoᴋ toᴋojomârpoᴋ nûsilingnartomut; ᴋanitoᴋ toᴋojomârpoᴋ saviksoarmut; amiakôjorlo piulimajaujoᴋ toᴋojomârpoᴋ perlernermut; taimak ningaumajârnera nâmaksititsomârpara tâpkonunga.

Daniel 9:14

Tamanna pivlugo Nâlekab idluitoᴋ kamagivâ tikiutilugolo uvaptingnut; Nâlegaᴋ Gudivut idluarpoᴋ piniarnimini suliarijamini tamaini, uvagullo nippinga nâlilungilavut.

Daniel 9:18

Gudiga, siutît manilauruk tusarlutillo; ijikik uitikik, takolutillo assirotaumaniptingnik iglugasaksoarniglo attinut taijaumajunik; ᴋinuniptingnik ᴋaitsigapta sângnut idluarnivut pivlugo-ungitoᴋ nâpkigosungnilli angijoᴋsoaᴋ maliklugo.

Daniel 9:8

Nâlegaᴋ, uvagut, atanivullo, angajoᴋâᴋsoavullo, atâtagijavullo kangusudlartuksauvogut idluitulivigigaptigit.

Amos 9:9

Tagva ahâk, perᴋojijomavunga, Israêliblo ᴋitorngangit aulajârtitsomârpakka inôᴋatigêksuit ilûnatik akorngane, sorlo sanaugaksat aulajârtitaungmatta killapatâme, atausiarsuglônêlle nunamut katangniangilak.

Rômiunut 6:21

Taipsomane taipkonangat ᴋanoêtunik piksarsivisê? Mâna kangusutigijapsingnik; toᴋomik taipkoa naggateᴋarmatta.

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Deuteronomy 4:27

Nâlekablo siamartitsomârpâse inôᴋatigêksuit akorngane, amiakojomârposelo inuit ikitut inôᴋatigêksoarne Nâlekab aularutjauviotitangane ilipsingnut.