Daniel 9:5 - Labrador Inuttitut Heritage Bible

⁵ Idluitulidlarpogut takormôrlutalo, nitornangitomik piniarpogut oᴋautsarêdlutalo, sanguvluta aglât piᴋojarnit idluarijarnillo;

Daniel 9:5 Iomraidhean Croise

II Atannit 18:12

Tamanna pivlugo Nâlekab Gûdimik nippinga nâlelaungimatsuk, angerningalo; tamaitalo Mosesib Nâlekab kivgangata perkolauktangit tappagilaungmattigik, nâlelaungimattigiglo, pinniarlaungimattigiglonêt.

II Atannit 21:15

Tamanna pivlugo, pinniarlaungmatta idluigijamnik, ningaksarlaukpângalo uvlormit taipsomangamit atâtagilauktangit Egiptenemit aularlaungmatta uvlok tamanna tikkilugo.

Esra 9:6

Oᴋarlungalo: Gudiga, kangusukpunga, illerasuklungalo uilunga illingnut Gudiga; idluitullinivut aglisimangmatta niaᴋupta ᴋollangittigut, passijaksaunivullo angijovaksôvok ᴋillangmut toklune.

Imgerut 106:6

Ajortullilaukpogut atâtagilauktavut illagilugit; namangitullilaukpogut, Gûdeᴋangitôlauklutalo.

Imgerut 119:102

Nûlungilanga idluarijarnit; igvit ajochertoramga.

Imgerut 119:176

Sanguerpunga saugaktut assiomajotut, kivgait ᴋennilauruk; perᴋojattit puigorlunginapkit.

Imgerut 18:21

Uvanga Nâlekab apᴋosiningit attorapkit, idluiluklungalo nûlungilanga Gûdimnit.

Jesaiase 53:6

Illũnatale saukkatitut tammarpogut, ingmikôrluta apᴋutigijomajavut kamagituinarlugit. Nâlekable idluinivut illũnamatsiatik pitipait tâpsomunga.

Jesaiase 59:13

Nâlegaᴋ tunnugaptigo missiarutigivlugolo, nâlegungnairlugolo Gûdivut, taisinerdlukluta aksorôtjijomanermik tappatojomanermiglo, oᴋautsit uivêriklernartut illumiutarivlugit annitillugillo õmatiptingnit.

Jesaiase 64:4

Itsaᴋsoarnit tussartoᴋangimat, missigijoᴋaranele takojoᴋaranelo ijikut Gûdemik assingnik, piniutjijomik tattigijiminik.

Jeremia 14:20

Nâlagaᴋ, kigligiksarpogut idluitoᴋsôniptingnik, atâtagilauᴋtaptalo idluitulinerilauᴋtanginik, idluitulivigilauᴋpaptigit.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 3:25

Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 30:14

Ungagijivit ilûnatik puigorpâtit; ᴋenilungilâtit; killersimagapkit ômisuktûb nâpkigosungneᴋangitûb sugiarninganut; idluitulinivit angininga pivlugo, ajornitit unuksisimangmatta.

Jeremia 44:3

Idluinitik piniarnerijatik ningarsârlunga pitjutigilugit, isserluanititsijartormatta tipigiksautinik, kivgartorlutiglo gudingoanik assimnik ilitaringitamingnik, tâpkoalônêt, ilipselônêt, atâtagilauᴋtapselônêt ilitaringitanginik.

Jeremiab Ogguarutigijangit 1:18

Nâlegak idluarpok; tâpsoma perᴋojangit tapagilaurapkit; tusalauritse, inôᴋatigêngojose ilûnase, kapiasungneralo ulernairtorsiuk: uigasukka angutikkalo inôsuktut aularutijaumavut.

Jeremiab Ogguarutigijangit 1:20

Takosalaurit, Nâlegak, kapiasudlarama; ergavikka aulajadlarput; ômatiga mumikpok ilumne; angijomik tapalaurama; silame saviksoak arᴋtaivok, toᴋo iglomêpok.

Jeremiab Ogguarutigijangit 3:42

Uvagut tappalaukpogut akkerartorlutalo; igvit issumagijungnainilungilatit.

Hesekiel 5:6

Inatsinikkale mumilauᴋpait idluitulinersauvlune inôᴋatigêksoarnit, perᴋojakkalo angiluartomik nunaᴋatigêksoarnit avatânêtunit; tâpkoa inatsinikka ajaktormagit, arvertalungimattalo perᴋojakka maliklugit.

Hesekiel 6:9

Tâpkoalo anigoijigijapse erᴋaumajomârpânga inôᴋatigêksuit aularutijauvigilârtangita akorngane, allaigama ômatinginik ajortulilauᴋtunik ᴋemaijuniglo uvamnik, ijinginiglo ajortuligosuktunik gudingoaliarimajanginik: ingmingniglo maᴋojugilârput idluitulinitik piniarnerijatik maᴋojungnartulinermingne tamiane pivlugit.

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Daniel 9:15

Mânalo, Nâlegaᴋ Gudivut, inuᴋotitit aularutivatit nunamit Egiptenimit aggangnut pitsartudlartunut, tusaumajaujungortilutillo sorlo uvlomi ingmat; uvagut idluitulidlarpogut nâmangitulivlutalo.

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Hosea 1:2

Nâlegaᴋ Hoseamut oᴋaᴋârame, Nâlekab Hosea oᴋautivâ: Ailerit, anguniarpaktomiglo, anguniarpaktut ᴋitorngangita ilanganik, nulianingnialerit, nuna assiniarmat angijomik, Nâlegaᴋ ᴋemaklugo.

Mâlaki 3:7

Atâtapse uvlunginit aglât sanguvose maligaksauᴋojamnit, nâlengnagillo. Uteritse uvamnut, uvangalo uteromagivunga ilipsingnut, oᴋarpoᴋ Nâlegaᴋ Zebaot. Oᴋarposele: ᴋanoᴋ ilivluta utertuksauvitâ?

Ebrêerinut 3:12

Udjertoritse ᴋatangutikka, nelise ilipsingne ômateᴋartailile ajortomik, okpingitomik, Gûde ômajoᴋ nâlegungnairlugo pijomik.