Daniel 9:4 - Labrador Inuttitut Heritage Bible

⁴ Tuksiarpungalo Nâlekamut Gudimnut, kigligiksarlungalo oᴋarlunga: Nâlegaᴋ, Gudeojotit angijoᴋ sivôranartoᴋsôjorlo, angirutigijarnik nâpkiningnimiglo nalautsititsijotit nagligijingnut piᴋojarniglo nâliktunut;

Daniel 9:4 Iomraidhean Croise

I Atannit 8:23

Oᴋarlunelo: Nâlegak Israelib Gûdinga, illiktut Gûdeᴋangilak, takpânelonêt ᴋillangme, atânelonêt nuname soᴋosijuititsijomik angernermik napkiningnermiglo kivgaᴋotingnut agvertarlauktunut sângne omamut tamânut.

II Kronika 7:14

Innuᴋotikkalo attera malliklugo atserarsimajut nikkanarsarpatta, tuksiarpattalo, kênaralo ᴋennerlugo pikpatta, sagiarlutiglo apᴋotigijamingnit idluitomit; tagva ᴋillangmit tussaromavunga, issumagijungnailugillo ajorningit, nunangallo innulilugo.

Esra 10:1

Esralo taimak tuksiartillugo, kigligiksarlunelo ᴋêavlunelo pamangatillugo Gudib iglungata sângane, kattimalerput tapsomunga Israelitinit illagêt unnuktoksuit, angutit arnallo, sorutsillo, innugasaksuit ᴋêavaksoadlarmatta.

Nehemia 1:5

Oᴋarlungalo: Nâlegak ᴋilaub Gûdinga, Gûdeôjoksôjotit, sivuranartoksôlutillo, angersimanermik, napkiningnermiglo torᴋorsijok tapᴋonunga naglingniktunut tapsominga, perᴋojanginiglo Nâlektunut;

Nehemia 9:32

Mânnalo Gûdivut, Gûdeojoksôjotit, sôngojotit kappianadlartotillo, nallautsititsijotit angerᴋattigêngnermik, napkiningnermiglo, siorniornartut tamaita tikkitautigijavut, atannivullo, angajoᴋaunerôjovullo, ajoᴋertortivullo, nallautaijovullo, atâtavullo, inuᴋotitillo tamaita, Assiriamiut atanningita nalliuninginit uvlok tamânna tikkidlugo, mikkijonasugitailikittôk.

Imgerut 32:5

Tagva ajornimnik kigligiksarvigilaukpagit, idluitullinikkalo angiaritailivakka. Oᴋalauktunga: Nâlegak tappanimnik kigligiksarvigijomavara; tagva issumagijungnaivigilaukparma ajornima idluitoksôninginit, Sêla.

Exodus 20:6

Nâpkiningnermigle sakᴋertitsivunga tausendeoᴋatartune nagligijimne perᴋojamniglo nâlaktune.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Daniel 6:10

Danielilo ᴋaujilirami aglait nalonaikusitauninginik, majuarpoᴋ iglominut, (igalângit taima iglominêtut Jerusalimut sângajut upkoêrput) siᴋortorporlo pingasuitorluni uvloinaᴋ, tuksiarlunilo Gudine ᴋujagivâ, sorlo sivorngani ilusiᴋarami.

Daniel 9:3

Tagva kênara sâtipara Nâlekamut Gudemut, tuksiarlunga ᴋinuvlungalo, nirritailivlunga, pôᴋsajamik attisivlunga, argjanullo sauvlunga.

Lukase 1:72

Nâpkigosungnermiglo sakᴋertitsilune angajoᴋâptingnut, angerninelo hailigiojok erᴋaumavlugo,

Rômiunut 8:28

Kaujimavogulle Gûdemik nagligosuktut ᴋanoelinganerit tamaita idluarᴋutigingmagit, (Gûdib) issumasimaninganut ᴋaiᴋojaumajut.

Deuteronomy 5:10

Nâpkiningnermigle saᴋᴋertitsivunga tausendeoᴋattartune nagligijimne perᴋojamniglo nâlektune.

Deuteronomy 7:12

Imailarporlo, idluarsautiksat makkoa tusârangne, kamagilugillo, piniarlugillo, Nâlekab Gûdivît angerutigijane nâpkiningninelo oᴋautigimariktane atâtagijarnut, nelautsitilârivait;

Deuteronomy 7:21

Kapiasûtigijaksaringilatit; Nâlekab Gûdivît akunapsingnêngmat, Gûde angijok ileranadlartorlo.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

Jâkobusib 2:5

Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?