Daniel 9:27 - Labrador Inuttitut Heritage Bible

²⁷ Tâmnalo unuktunut angisimaniliolârpoᴋ aulangitomik vôgi atausiᴋ nâvlugo; vôgiblo ᴋitiᴋangani tunigutit toᴋotaksat tunigutillo niᴋiksat sorairtitsomârpait; maᴋojungnartulinirublo nuvugusingani assirosaijoᴋsoaᴋalârpoᴋ; nâmaksititauninga kajusijutaujoᴋ tikidlugo ningarnisoaᴋ kovijaulârpoᴋ assirosaijunut.

Daniel 9:27 Iomraidhean Croise

Jesaiase 28:15

Imâk oᴋarapse: Toᴋo angeᴋatigivavut kappianartoviglo issumaᴋatigivavut; issaᴋautiksoaᴋ nungutsijoᴋ aulajâralloarpat, pijauniangilagut, saegloneᴋ ᴋemâvigigaptigo, uivêriklerneᴋ sappudjauvigigaptigo.

Jesaiase 28:22

Taimaimat mãna mittautiksaᴋarungnairitse, ᴋellarutigijase sugaluluarᴋonagit, nungutsiviksoaᴋ kajusimajutaujoᴋ tussaumagapko Nâlekamit, ᴋilangmiugasaksuit Nâlegangannit sillaᴋsoarmut illũnânut pijomârtuksaᴋ.

Jesaiase 42:6

Uvanga Nâlegaujunga ᴋairᴋovagit, idluartomik illiorlunga, aggatit tiguvakka, sapputivagit, angerutigijaujotut illingatipagit inungnut, ᴋaumaksaijuksatut nallojunut.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Jesaiase 55:3

Siutise mannivlugit ᴋaititse uvamnut, tussaleritse, tarnise tagva ômajomârput, angervigijomârpapselo issoᴋangitomut illingajuksanik, saimanartunik pilliutigijamnik Dâvidemut soraijuitomik.

Jeremia 7:30

Judab ᴋitorngangit idluitulilaungmatta ijîngma sângangne, Nâlagaᴋ oᴋarpoᴋ; maᴋojungnartoᴋotitik ililaungmagit iglomut attimnut taijaujomut, ivsornartitsomavlugo.

Daniel 11:31

Sakkolijartullo ililitoromârpât, sujuijomârpullo ivsornaitovingmik taluksoarniglo; soraititsijomârpullo tunigutinik ôtaksanik noᴋajuiᴋojaujunik nungutsiviublo maggojungnarninga âᴋiksoromârpât.

Daniel 11:36

Atanilo pijomajani maliklugo piniaromârpoᴋ; pimariutitsomârporlo nangminiminik, anginisautitsomârporlo nangminiminik gudinit tamainit, gudillo Gudingat oᴋarnilutigijomârpâ tatamnartunik; sulidlaromârporlo ningaumajârnirub naliuninga nâmaksiᴋârtinago; kajusijutaujoᴋ nalautsilârmat.

Daniel 12:11

Naliunimillo tunigutit ôtaksat nokajuiᴋojaujut soraititauvianit, nungutsiviublo maggojungnartut âᴋiksortauninganit, uvlut 1,290 nâlârput.

Daniel 7:25

Tâpsomalo ᴋotsingnipângojoᴋ oᴋarnilutigijomârpâ, ᴋotsingnipângojûblo ivsornaitungit unangmidlarlugit; issumaᴋalârporlo naliunirit piᴋojallo ablatsangortitsomavlugit, tâpkoalo tunijaujomârput tâpsoma agganginut naliutoᴋ, naliutullo, naliutûblo abvanga nâvlugit.

Daniel 8:13

Ivsornaitullo ilangat oᴋartoᴋ tusarpara; ivsornaitorlo tâpsoma assia oᴋarpoᴋ tâpsomunga oᴋartomut: Kanoᴋ sivitutigilârᴋâ takotitjut tunigutit noᴋajuitut pivlugit, idluinilo assirosaijoᴋ pivlugo, ivsornaitovik katimgajoᴋsuillo tullirajârtaungmattâ?

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Numbers 7:62

Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

Mattêuse 24:15

Nungutsiviub maᴋojungnarninga takoniarupsiuk, oᴋautigijaumajok nalautaijomut Daniêlemut, ivjornaitovingmut pingmat (tamakkoninga atuarsijub kamagilerligit):

Mattêuse 26:28

Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.

Mattêuse 27:51

Ahâglo, tagva katimaviksûb upkoᴋsoanga alikpok maggolivlune, pikangat ununga tikidlune.

Markuse 13:14

Nungutsiviuble maᴋojungnarninga takogupsiuk, oᴋautigijaumajoᴋ nalautaijomut Daniêlemut, inigijaksaringitaminêtoᴋ, (tamattominga atuarsijub kamagilerligit!) taimaipat, Jûdêamêtoᴋ ᴋemâlerle ᴋakᴋanut.

Lukase 21:20

Jerusalemible avatâ sorsuktuksarsoarnik illumajok takogupsiuk, tagva ᴋaujimaniarpose asserortauniarvia naliutilermat.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.

Rômiunut 11:26

Taimaglo Israêlitit ilûnaita piulijauᴋovlugit; sorlo aglaksimangmat: Zionemulle piuliklerte tikitsomârpoᴋ sâgiartunullo tapatonermit Jâkokune;

Rômiunut 5:15

Idluitulinerle tunergullo saimanartoᴋ adsigêngilâk. Unuktut toᴋungmatta atautsib idluitulininganut, anginersamik unuktut Gûdib saimarsautâniglo tunergutâniglo pititaumaluarput, inûb atautsib Jêsusib Kristusib saimarsautânut.

Rômiunut 5:19

Sorlo inûb atautsib nâlangininganut unuktut ajorneᴋartitaulermatta, taimaktauᴋ atautsib nâlangninganut unuktut idluarsititaulerput.

Ebrêerinut 9:28

Taimaktauᴋ Kristuse atausiardlune tunergutautitaumavoᴋ unuktoᴋsuit idluituliningit pêjarlugit. Aipânigle saᴋᴋeromârpoᴋ ajortolionane neriuktunut tâpsominga, piulijaujutiksauvlune.