Daniel 9:25 - Labrador Inuttitut Heritage Bible

²⁵ Kaujilirit taimaimat, tukkisilutillo, piᴋojab Jerusalem sanajauᴋovlugo âᴋiksortauᴋovlugolo anininganit Messiasib angajoᴋâᴋsoangojûb tikininganut, vôgit 7 pijuksauvut, vôgillo 62 ilagilugit; sanajaulârpoᴋ apᴋosineâluᴋarluni tassiᴋtârtausimavlunilo avatâgut, naliunini siorniornartuni.

Daniel 9:25 Iomraidhean Croise

II Samuel 15:25

Attanniuble Zadoke oᴋautiva: Gudib iklervinga iglugasaksoarnut âlaungmiuk. Saimaneksiniaruma Nalekab sângane, tagva ainiarivânga, takkoᴋoniarpângalo ominga iglominiglo.

Esra 4:24

Tagva sullijaksak Gudib iglungane Jerusalemêtome noᴋᴋarpok, taimailingalunelo Dariusib Persiamiut attanningata Jaringita aipanga tikkilugo.

Esra 7:1

Pijoᴋalauktut tamakkoa Arthasasthab Persiamiut attanningata attanniovinganêlauktut kingorngane majorarlune takpaungarpok Babelemit Esra, Serajab erninga, Asarjab erningata, Hilkiab erningata,

Esra 7:8

Tikkipullo Jerusalemut taᴋᴋit tallimangane, tagva attanniub Jaringita 7 ingata.

Nehemia 3:1

Ajuᴋertuijersoarlo Eliasibe parngnailerpok ᴋatangutine ajuᴋertuijut ilagellugit, sanalutiglo saugat itterviksoanganik; tuksiarulugolo ivsornaitipât, upkoagiglo illivakit, ivsornaitipâlle nuvugusek Meamik atelik, tagva Hananeelib nuvugusinga tikkilugo.

Nehemia 4:2

Oᴋarlunelo ᴋatangutiminut, pitsartunelingnullo Samariamêtunut: Judit nukkeᴋangitut sunaliorᴋat? Taimailingaᴋojautsainarniarᴋat? Tunnergutinik Tunnijiniarᴋat? Uvlut ilangane innerniaralloarᴋatsuk? Ujargat omartiniarpattigik patsalungavlutik ᴋallerêktisimajut ikkitaumajullo?

Nehemia 4:8

Angerᴋattigêklutiglo tikkitsomavlutik, Jerusalemelo sorsuklugit agviaromavlugillo.

Nehemia 6:15

Avaloksuillo pijarêrlaukput takᴋib Elulemik atigub uvlungita 25ingane, uvlune 52ine.

Imgerut 71:10

Omigijikka oᴋarmatta akkerartorlunga, tarnimniglo pinasuartut, ᴋachimioᴋattigêkput,

Okaluktok 3:3

Tokᴋotsinek, inûliklernek nelliuneᴋarpok; serᴋomitsinek, igluliornek nelliuneᴋarpok.

Jesaiase 55:4

Ahâk, taimna (Dâvide) kigligiudsijungortipara (uvamnik) inungnut, angajoᴋângortillugolo attaningortipara nunaᴋatigêksoarnut.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Daniel 8:11

katimgajoᴋsuit nâliganganut aglât angijorortipoᴋ, aᴋsârpâlo tunigutinik nokᴋajuitunik, iningalo ivsornaitovik oggotitauvoᴋ.

Daniel 8:25

Silatuniminullo pingitsitorniᴋ sulidlartilarpâ; angijorortitsomavorlo nangminiminik ômatimini: unuktullo ilimasungimariktut assiroromârpait; makitaliromârpoᴋ aglât nâlikat Nâliganganut; siᴋomitaujomârporli aggangmu-ungitoᴋ.

Daniel 9:23

Tuksiarnivît pigiarningani piᴋojaᴋ anilauᴋpoᴋ, tikipungalo oᴋautijartorlutit; angijomik nâpkigijaugavit; taimaimat tamanna issumaksarsiorutigiuk, takotitjullo tukkisiniarlugo.

Migga 5:1

Mana katititaksatit katitikit, katititaksat paningat; tâpsoma ilumavâtigut; Israêlib idluarsaijunga issaᴋajomârpât ulloangagut issaᴋautemut.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Mattêuse 13:23

Ivjoriktomulle karngautigimajok, tâmnauvok, oᴋautsinik tussartok tukkisivlunalo, sulugainertârlunalo perorsiaksatalingnik; ilangat 100 lingnik, ilangalle 60 lingnik, ilangat 30 lingnik.

Mattêuse 24:15

Nungutsiviub maᴋojungnarninga takoniarupsiuk, oᴋautigijaumajok nalautaijomut Daniêlemut, ivjornaitovingmut pingmat (tamakkoninga atuarsijub kamagilerligit):

Markuse 13:14

Nungutsiviuble maᴋojungnarninga takogupsiuk, oᴋautigijaumajoᴋ nalautaijomut Daniêlemut, inigijaksaringitaminêtoᴋ, (tamattominga atuarsijub kamagilerligit!) taimaipat, Jûdêamêtoᴋ ᴋemâlerle ᴋakᴋanut.

Johannese 1:41

Tâpsoma angajune Sîmon naiperᴋârpâ, oᴋautivlugolo: Messîase naipipavut (imaipok: Kristûse, ubvalo: mingoarsimajok).

Johannese 4:25

Arnab oᴋautivâ: ᴋaujimavunga, Messîase tikitsomârmat, Kristûsemik atilik; tâpsoma tikikune, tamainik oᴋautiniarpâtigut.

Apostelit Piniarningit 3:15

Inôtsible Nâleganga toᴋolaukpase; tâmna Gûdib tupaktilaukpâ toᴋungajunit, uvagut tamattominga kigligiutsijiovogut.

Apostelit Piniarningit 5:31

Tâmna Gûdib talerpingmigut Nâlegangortilaukpâ piuliklertungortilâllo, Israêlitit ᴋaᴋialerneᴋartitauᴋovlugit isumangnarungnaitoᴋartitauᴋovlugillo ajortunit.

Apostelit Piniarningit 8:30

Filippusible akpangerdlune tikinamiuk, tusâvâ nalautaijub Jesaiasib aglanginik atuarsijok, aperivâlo: Atuartatit tukisigalloarpigît?

Efêsusemiunut 5:16

Atutsiarlugolo nelliutoᴋ, (angijomik) ajormatta uvlut.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.