Daniel 9:24 - Labrador Inuttitut Heritage Bible

²⁴ Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Daniel 9:24 Iomraidhean Croise

II Kronika 29:24

Ajochertuijullo toᴋᴋopait, aungillo ajortoêrutiksauvlune serᴋerartipât Altarib ᴋânganut, Israelitit illuêngarlutik ullapᴋoserlugit. Attannek perᴋojilaungmat tunnergutit ôtaksat, ajortoêrutiksallo tunnilugit, Israelitit illunamasiangit pivlugit.

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Imgerut 45:7

Idluarnek ivlerivat, illuserlungnerillo ômigivâttit; tamanna pivlugo Gûdib, Gûdivit mingoarlaukpâtit ᴋuviasungnerub orksutânut, piluartomik illangnit.

Jesaiase 42:4

Sangêleromângilaᴋ ajuleromânginivoᴋ, nãmaksititserᴋârane erᴋartuijutiksanik nuname, ᴋikkertamiullo mallitsialerᴋârtinagit ajoᴋertûsinginik.

Jesaiase 51:6

Kilak ârlorvigisiuk, nunalo ᴋilaub attânẽtoᴋ ullernairsiuk! Kilak iserluktut nungujomârpoᴋ, nunalo annorâtut sujugomârpoᴋ, inuillo nunamẽtut toᴋojomârivut. Piuliklerviksarale sorairomângilaᴋ issoᴋangitomut, idluarsaiviksaralo asserortaujomângilaᴋ.

Jesaiase 51:8

Kaurulit nerrijomârmagit annorâtut, ᴋoppergut nerrijomârmagit attigeksajatut; idluarsaiviksarale sorairomângilaᴋ issoᴋangitomut, piuliklerviksaralo (sorairomângilaᴋ) kinguvârêt kingordlinginut.

Jesaiase 56:1

Imak oᴋarpoᴋ Nâlegaᴋ: Idluarnermik ivlersivluse idluartullititse, piuliklerviksara ᴋanningmat tikkilerlune, idluarsaiviksaralo saᴋᴋermat.

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Jeremiab Ogguarutigijangit 4:22

Idluitulinivît pidlartauninga nâvok, Zionib pania; aularutijungnainiarpâtit; nelipsaijomârpok idluitulinernik, Edomib pania; ajornitillo sakᴋertitsomârpait.

Hesekiel 28:12

Inûb erninga, Tirusib ataninga pivlugo ogguarit, oᴋautiuglo: Imâk oᴋarpoᴋ Nâlegaᴋ Nâlegaujoᴋ: Naᴋitjuteovotit innersimajoᴋ, ilisimanermik tatadlarlutit, adseᴋangitotit ânanaunerme.

Hesekiel 4:5

Uvanga tâpkoa idluituliningita jâringit adsiotitsomavakka uvlunut ilingnut, tagva uvlut 390; taimak akunertigijomik nangmartuksaulârpotit Israêlib ᴋitorngangita idluininginik.

Hesekiel 4:6

Tamakkoalo nâmaksitijarêrungne, inartuksauvotit talerpingnut, nangmarlutillo Judab ᴋitorngangita idluininginik: uvlut 40, tagva uvloᴋ atauseᴋ jâremut atausermut, ilingatipakka ilingnut.

Leviticus 25:8

Jâriniglo merngoerserviksanik sevenenik kititsijuksauvotit ilingnut, jârit sevenit sevenertorlugit; jâriolârpullo ilingnut jârit merngoerserviksat sevenit uvlunginik, tagva jârinik 49nik.

Leviticus 8:15

Toᴋopâlo; Mosesiblo auk tiguvâ tikerminullo pitipâ tunerguserviub nakjûgingnut avatânut, tunerguservik ivsornaitilugo, auglo kovivâ tunerguserviub tungavinganut, ivsornaitilugo ulapᴋoserlugo.

Saggaria 4:14

Tâmnalo oᴋarpok: Tâpkoa tagva ᴋitorngauvuk orᴋsêjûtik, nunaksûb ilûnane Nâlegangata saniane nangertuk.

Numbers 14:34

Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.

Mattêuse 1:21

Ernermik ernijomarpok; tâmna Jêsusemik atseraraksarivat, inuᴋotine piulijomârmagit ajorninginit.

Mattêuse 11:13

Perᴋojat nalautaujullo ilûnatik nalautsilaungmatta Johannese tikidlugo.

Mattêuse 4:5

Tagva Sâtanasib aularutivâ iglogasaksoarnut ivsornaitunut, âlâllo katimaviksûb nuvugusinganut,

Markuse 1:24

Adjai! suliniarpitâ ilingnut, Jêsuse Nazaremiôk? asseroriartorpaptigut; kinaujotit ᴋaujimagapkit, Gûdib ivsornaitoᴋotigingmatit.

Lukase 1:35

Engelib kiovlune oᴋautivâ: Anernerub ajunginerub ᴋolangiarniarpâtit, ᴋotsingnermêtublo pitsartuningata ulingniarpâtit; tamanna pivlugo ivsornainek erniarijaksat Gûdib Erninganik taijaujomârpok.

Lukase 21:22

Tamakkoa kiglungniub uvloringmagit, aglaksimajut tamaita nalautserᴋovlugit.

Johannese 1:41

Tâpsoma angajune Sîmon naiperᴋârpâ, oᴋautivlugolo: Messîase naipipavut (imaipok: Kristûse, ubvalo: mingoarsimajok).

Johannese 3:34

Gûdib tilijangata Gûdib oᴋausingit oᴋautigingmagit; Gûdib Anerneᴋ tuningmago ôktûmut ôktornago (amigangitomigle).

Apostelit Piniarningit 3:14

Ilipsele ajungitotuaᴋ idluartotuarlo misiarutigilaukpase, tuksiarluselo inuartok pijomavlugo;

Apostelit Piniarningit 3:22

Môsese oᴋalaungmat atâtagijaptingnut: Nâlekab Gûdipse tunitijivigijomârpâse nalautaijomik ᴋatangutipsingnit uvaptunitomik; tâpsoma oᴋausingit ilipsingnut tusagôaksarivase tamaita.

Apostelit Piniarningit 4:26

Nunab atanivingit katilerput, atanersuillo ᴋaggimiolerput akkerartoromavlutik Nâlekamut Kristusinganullo.

Rômiunut 5:10

Gûdemut ulapirsarsimagapta Erningata toᴋunganut, sulle ômisuktiluta, anginersamik tagva piulijaujomârpogut inôsinganut, mâna ulapirsartaugapta.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

Filippimiunut 3:9

Tâpsomane naipitaujomavlunga, idluarsineᴋarᴋonanga perᴋojanit pijomik, okpernermille Kristusemut pijomik, idluarsinermik Gûdib ilingatitanganik okpernermut;

Kolossamiunut 1:20

Tâpsomûnalo ilûnaita ullapᴋosertauᴋovlugit ingminut nunametullo ᴋilangmêtullo, saningajolingme aunganut, saimarsaijomavlune nangminerminut.

Kolossamiunut 2:14

Aglaillo pivluta pijut iluserᴋortoᴋojijut, uvaptingnik erᴋartuijut atorungnaitilugit pêjalaukpait, saningajolingmut kikiaktoramigit.

Ebrêerinut 10:14

Tunergumut atausênarmut nâmaksitilauramigit issoᴋangitomut ivsornaititauniartut.

Ebrêerinut 2:17

Tamanna pivlugo ᴋatangutine ilûnâne adsigijariaᴋalauᴋpait, nâpkigosulerdlune, nelâgortomiglo ajoᴋertuinerôlerdlune Gûdib sângane, inuit ajorningit issumagijaujungnairᴋovlugit.

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

Ebrêerinut 9:26

Taimaikune âniatitauᴋattarajalauᴋpoᴋ silaᴋsûb pigiarninganit. Mânale silaᴋsûb naggatâne atausiardlune saᴋᴋerpoᴋ, ajornerit pêjariartorlugit, ingminik tunivlune.

II Pêtrusib 1:1

Simon Pêtruse, Jêsusib Kristûsib kivganga Apôstelingalo. okpernermik pivianartomik uvaptitut pimaᴋatiptingnut idluarnerme, Gûdipta piulijiptalo Jêsusib Kristûsib pititsininganut.

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;

Takotitaunermik 3:7

Illagêt Filadelfiamiut Engelingat aglagvigiuk: Imâk oᴋarpok Hailigeojok, mikseᴋârtok, Dâvidib pêrutânik peᴋartok; palangairutjârsijorlo naliata palangairungnangitanganik; palangairsijorlo naliata palangairutjârungnangitanganik.