Daniel 9:2 - Labrador Inuttitut Heritage Bible

² Tâpsoma atanioningata jâringita sivorlipângani, uvanga Danieli aglangnit tukkisivunga jârit, Nâlekab oᴋautigijangita nalautaijomut Jeremiamut, unurninginik Jerusalimib assirotauniksangita nâmaksititauninganut, tagva jârinik 70nik.

Daniel 9:2 Iomraidhean Croise

II Kronika 36:21

Nallautsilerᴋovlugit Nalekab oᴋausingit Jeremiab ᴋanningagut, nunab Sabbatingit namaksilerᴋârtinagit. Nalliutok tamna illunât nuna asserorsimatillugo Sabbateôlaungmat, Jarit 70 it nâlerᴋârtinagit.

Esra 1:1

Koresib Persiamiut attanningata Jaringita sivurlingane, nallautsilerᴋovlugit Nalekab oᴋausingit, oᴋauserilauktangit Jeremiab ᴋanningagut, Nalekab Koresib Persiamiut attanningata annerninga tuppaksarpa, akpautigijauᴋojiᴋovlugo attanniovingmine illunane, aglaktigullotauk, oᴋarᴋojilunelo:

Imgerut 119:24

Ilâ kigligiutsinitit alliagivakka, attannertortigivakkalo.

Jesaiase 64:10

Iglugasaksoaᴋotitit ivsornaitut asserorsimavut, Zione inuᴋarungnairtitaumavoᴋ, Jerusaleme igloᴋarungnairtitaumavoᴋ.

Jeremia 1:1

Tamadja Jeremiab, Kilkiab erningata ajoᴋertuijut Anatôtemêtut Benjaminib nunangane, ilangata oᴋauserijangit.

Jeremia 25:18

(Imaitut): Jerusalem, Judablo iglugasaksoangit, tâpkoalo ataningit angajoᴋâᴋsoangillo, serᴋomakungortitsomavlugit, ᴋoaᴋsângajutiksangortilugillo, mitautiksautilugillo, ôminarsitiksautilugillo; sorlo uvlome ilingangmat;

Jeremia 26:18

Migga Môrasemioᴋ nalautailauᴋpoᴋ Hiskiab Judab ataningata naliuningane, Judablo inungit ilûnaita oᴋarvigilauᴋpait, oᴋarlune: Imâk oᴋarpoᴋ Nâlagaᴋ Zebaot: Zion perorsêviktut poagijartaujomârpoᴋ, Jerusalemelo ᴋiggutuinaujomârpoᴋ, iglublo oma ᴋaᴋᴋanga napârtoliksûb poᴋtoningititut.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 27:7

Inôᴋatigêksuillo ilûnatik kivgartortuksauvut tâpsominga, erninganiglo, erningatalo erninganik, tâpsoma nunangata naliuninga tikerᴋârtinago; taipsomanalo tagva inôᴋatigêksuit unuktut atanersuillo kivgartortautilârput nangminermingnik tâpsomunga.

Jeremia 29:10

Imâk Nâlagaᴋ okarmat: Jârit 70it Babilonemut nâmaksikpatta, nalipsaromavapse, oᴋauserijaralo ajungitoᴋ ilipsingnut nâmaksititsomavara, utertitsomavluse tamaunga.

Jeremia 7:34

Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Jeremiab Ogguarutigijangit 1:1

Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!

Hesekiel 29:11

Inuillônêt nergjutillônêt itigangit tagvûna ingerartuksaungilat, jârillo 40 nâvlugit inuᴋartuksaungilaᴋ.

Daniel 9:3

Tagva kênara sâtipara Nâlekamut Gudemut, tuksiarlunga ᴋinuvlungalo, nirritailivlunga, pôᴋsajamik attisivlunga, argjanullo sauvlunga.

Migga 3:12

Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.

Saggaria 1:12

Tagva Nâlekab engelinga kiovok oᴋarlunelo: Nâlegak Zebaot, ᴋanok sivitutigijomik sulle nâpkigosuktaililârᴋêt Jerusalemik Jûdablo iglugasaksoanginik, ningarvigijarnik jârit ukkoa 70 nâvlugit?

Saggaria 7:5

Nunab inungit tamaita ajoᴋertuijullo oᴋarvigikit, oᴋarlutit: Jârit makkoa 70 nâvlugit, nerritaililaurapse kiksarluselo takᴋit tallimangane 7-inganelo, uvanga pivlunga nerritaililaukisê?

Mattêuse 24:15

Nungutsiviub maᴋojungnarninga takoniarupsiuk, oᴋautigijaumajok nalautaijomut Daniêlemut, ivjornaitovingmut pingmat (tamakkoninga atuarsijub kamagilerligit):

Markuse 13:14

Nungutsiviuble maᴋojungnarninga takogupsiuk, oᴋautigijaumajoᴋ nalautaijomut Daniêlemut, inigijaksaringitaminêtoᴋ, (tamattominga atuarsijub kamagilerligit!) taimaipat, Jûdêamêtoᴋ ᴋemâlerle ᴋakᴋanut.

Apostelit Piniarningit 8:34

Tagva pimaklertib Filippuse kiovâ oᴋarlunelo: Kenuvigivagit, oᴋautilaunga, nalautaijub kina oᴋautigivaûk? nangminerminiglônêt asiminiglônêt oᴋarᴋâ?

I Timôteusemut 4:13

Ataruililerille aglangnik atuarsilutit, ᴋaiblailutillo ajoᴋertuilutillo tikitsiarilunga.

Takotitaunermik 1:3

Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.