Daniel 9:18 - Labrador Inuttitut Heritage Bible

¹⁸ Gudiga, siutît manilauruk tusarlutillo; ijikik uitikik, takolutillo assirotaumaniptingnik iglugasaksoarniglo attinut taijaumajunik; ᴋinuniptingnik ᴋaitsigapta sângnut idluarnivut pivlugo-ungitoᴋ nâpkigosungnilli angijoᴋsoaᴋ maliklugo.

Daniel 9:18 Iomraidhean Croise

I Atannit 8:29

Ijikik uitatsainarᴋovlugik uvlotillugo unnuarmelo iglomut omunga, innemut oᴋautigilauktarnut: Atera tagvanêtuksauvok; tusarᴋovlutit tuksiarnernik kivgavit tuksiarnerijanginik mâne inneme tamattomane;

II Atannit 19:16

Nâlegak siutikik mannikik tussalaurillo, ijikik uitilaukik takkolutillo, tussarlauᴋillo Sanherib oᴋausingit, tillikliutilauktangit tamaunga, Gûde omatsainartok mittautigijomavlugo.

Imgerut 116:1

ᴋuviasutigivara Nâlekab nippiga ᴋennunikkalo tussarmagit;

Imgerut 25:6

Nâlegak nâpkoarnît, pitsiarnîllo erᴋaumakik, issoᴋangitomit pingmanik.

Exodus 3:7

Nalegarlo oᴋarpok: Inuᴋotima siorniorningit Egipteneme takovakka tusarpakkalo, angajoᴋâtik kivgartorlukatitsijut nipliajutigingmagit, kapiasungningit nalungilakka.

Jesaiase 37:17

Nâlegaᴋ, siutîkik manikik tussarlutillo; Nâlegaᴋ, ijîkik uitilaukik takkolutillo; Sanheriblo oᴋausingit tamaita tussalaukit tillikliutijangit, Gûde ômajoᴋ mittautigijomavlugo.

Jesaiase 43:7

Illũnaita attimnik taijaumajut, pingortitakka nertortaujutiksamnut, âᴋiksortakka, sanajakka.

Jesaiase 64:12

Taimailingatillugo ᴋikkaromavêt, Nâlegaᴋ, nippangeromavlutillo okkungadlartilluta?

Jesaiase 64:6

Illûnamatsiata ivsornaitutitut-ipogut, idluarnivullo tamât annorâtut-ipoᴋ salumaitotut; millukataᴋtitut ᴋunorlerpogut illũnata, idluitulliniptingnullo tiktauvogut sôrlo aᴋᴋonamut.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 14:9

Sôᴋ inuktut tataminiartotut ilingavêt, inuktut sôngojotut piuliklerungnangitotullê? Igville, Nâlagaᴋ, akunapting nêpotit, atternullo atserartauvogut; ᴋemangniaratiguttôᴋ.

Jeremia 15:16

Oᴋautsitit nagvârtaulauᴋput, nerrilauᴋpakkalo; oᴋautsitillo ᴋuviasûtaulauᴋput serrijûtauvlutiglo ômatimnut; atserartaugama atternut, Nâlagaᴋ, Gude Zebaot.

Jeremia 25:29

Tagva ahâk, iglugasaksoarne attimnut taijaujune pidlarniᴋarpunga, ilipselo pidlartaungituksauvisê?

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 37:20

Mânalo nâlalaungatoᴋ, nâlagara ataniojotit, ᴋenunera nâmagijaulauletôᴋ sângne; utertitsiᴋonak uvamnik Jônatab aglakpaktub iglunganut, toᴋoᴋonanga tagvane.

Hesekiel 36:22

Tamanna pivlugo Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ilipse pivluse, Israêlib ᴋitorngangit, tamanna pinialungilara, aterale ivsornaitoᴋ pivlugo, ivsornartitase inôᴋatigêksuit aivigijapse akorngane.

Hesekiel 36:32

Ilipse pivluse taimailiolungilanga, oᴋarpoᴋ Nâlegaᴋ Nâlegaujoᴋ, tamanna ᴋaujijaksarivase; iktôdlaritse kangusukluselo iluserijase pivlugit, ilipse Israêlib ᴋitorngangit.

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Numbers 6:27

Taimâk attera pitilârpât Israêlikunut, saimarsaromavakkalo.

I Korintemiunut 1:2

(Aglakpoguk) Gûdib ilagêktoᴋotinginut Korintemêtunut, ivjornaititaumajunut Kristûse Jêsuseme, ᴋaiᴋojaumajunut ivjornaitunit, tamainullo ilûnâne tuksiartunut Nâlegapta Kristûsib atingane, tâpkoa Nâlegangata uvagullo Nâlegapta (atingane).