Daniel 9:16 - Labrador Inuttitut Heritage Bible

¹⁶ Nâlegaᴋ, idluarnit tamât pitjutigivlugo, ningarnît ningaumajârnîllo sangutikiktôᴋ iglugasaksoaᴋotingnit Jerusalimit, ᴋaᴋᴋarnit ivsornaitomit; idluitulinivut, atâtaptalo idluituliningit pivlugit, Jerusalem inuᴋotitillo naggonarsivut avatiptingnêtunut tamainut.

Daniel 9:16 Iomraidhean Croise

Nehemia 9:8

Ommatingalo nertornartok nachvârlaukpat sângne, angerᴋattigilaukpello kinguvângit tunnitsivigijomavlugit, Kanaaniterit, Hetiterillo, Amoriterillo, Feresiterillo, Jebusiterillo, Girgositerillo nunangit; oᴋautsitillo nallautsitilaukpattit, idluartogavit!

Imgerut 143:1

Nalegak tuksiarnera tussalauruk, ᴋennunera tussalauruk mikseᴋârnît pivlugo.

Imgerut 31:1

Nalegak igvit tattigivagit, kangusuktitauᴋoniarnanga issoᴋangitomut; piulilaunga idluarnernut!

Imgerut 41:13

Nertortaule Nâlegak Israelib Gûdinga issoᴋangitomit issoᴋangitomut. Amen. Amen.

Imgerut 71:2

Piulilaunga idluarnernut, ikajorlungalo; siutit manniuk uvamnut, piulilungalo.

Imgerut 79:4

Sillaliptingnut kangusuktitaksangorpogut, mittautiksangorlutalo, allêᴋutiksangorlaptalo avatiptingnêtunnut.

Imgerut 85:4

Mannigortigut, Gûde, piulijivut, saimarveᴋajuinerlo uvaptingnik ipperaruk.

Imgerut 89:51

Omigijivît Nâlegak mamailisaijutigijanginnik, mamailisaijutigijanginik mingoarlauktavit tuminginnik.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Jesaiase 5:25

Taimaimat Nãlegaᴋ katsungaitomik ningalerpoᴋ inuᴋotiminut, agganelo issakpait tâpkonunga, pattakpaillo, ᴋaᴋᴋat sajukpiluktillugit timingillo toᴋungajut aktarlukkutitut egidlugit apᴋosinermut.

Jeremia 24:9

Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 32:31

Iglugasaksuit makkoa ningarsautigênarpakka ᴋaningaumajârsautigênarpakkalo sanajautainarninginit uvlome tikidlugo; pêjaiᴋovlunga tâpkoninga kênama sânganit;

Jeremia 32:32

Israelib ᴋitorngangita Judablo ᴋitorngangita idluituliningit ilûnaita pitjutigivlugit, piniarnerijangit uvanga ningarsâromavlunga, tâpkoa, ataningitalo angajoᴋângitalo, ajoᴋertuijungitalo, nalautaijungitalo, Judablo angutingita Jerusalemiblo inungita.

Hesekiel 22:4

Auk ilipsingne kovijoᴋ pivlugo pidlaraksautipose, ivsornartitauvoselo gudingoarnut senajapsingnut; taimaidluse uvluse ikitlitipase, jâriselo nâlertipase; tamanna pivlugo allêkutiksangortipapse inôᴋatigêksoarnut, mitautiksangortiluselo nunane ilûnaine.

Hesekiel 5:14

Nungunikungortitsomârpagit naggonartungortilutillo inôᴋatigêksuit avatingnêtut akorngane, tamaunârtut ilûnatik takoane.

Daniel 11:45

Tupinilo inornadlartut napartitsomârpait imarbîk akorngangni, ᴋaᴋᴋab alianartub ivlinartublo tungâni; sullili naggatiksaminut tikiutilârpoᴋ, ikajoromajoᴋaromângilarlo tâpsominga.

Daniel 9:20

Oᴋartilunga, tuksiartilungalo, kigligiutjitilungalo ajornimnik inuᴋotimalo Israêlitit ajorninginik, manijitilungalo tuksiutjinimnik Nâlekab Gudima sânganut, Gudima ᴋaᴋᴋanga ivsornaitoᴋ pivlugo;

Joel 3:17

Taimak ᴋaujilârpose uvangaugama Nâlegaᴋ Gudise, Zioneme ᴋaᴋᴋamne ivsornaitome ineᴋartunga: Jerusalem tagva ivsornaijomârpoᴋ, takorngartallo apᴋutigijungnairomârpât.

Saggaria 8:3

Imâk oᴋarpok Nâlegak: Utersimavunga Zionemut, Jerusalemelo inigijomavara: Jerusalemelo taijaujomârpok, iglugasaksoarnik mikseᴋârnelingnik; Nâlekablo Zebaotib ᴋaᴋanganik, ᴋaᴋarmik ivsoarnaitomik.

II Tessalônikamiunut 1:6

Idluarmat Gûdeme, kappiasârtise kappianartomik akkiniaromavlugit.

I Johannesib 1:9

Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.

I Samuel 2:7

Nalegak aklutitsivok, akluititsilunelo, miklilertitsivok, angijorortitsilunelo.