Daniel 9:15 - Labrador Inuttitut Heritage Bible

¹⁵ Mânalo, Nâlegaᴋ Gudivut, inuᴋotitit aularutivatit nunamit Egiptenimit aggangnut pitsartudlartunut, tusaumajaujungortilutillo sorlo uvlomi ingmat; uvagut idluitulidlarpogut nâmangitulivlutalo.

Daniel 9:15 Iomraidhean Croise

I Atannit 8:51

Inuᴋutaungmatta perᴋutaulutiglo illingnut, aularutilauktatit Egiptenemit kiaksaumit kikkiangmit;

II Atannit 21:15

Tamanna pivlugo, pinniarlaungmatta idluigijamnik, ningaksarlaukpângalo uvlormit taipsomangamit atâtagilauktangit Egiptenemit aularlaungmatta uvlok tamanna tikkilugo.

II Kronika 6:37

Omamiutarilerpatsuglo nuname parngnanairsimavigijamingne, sâlerpattalo, ᴋennulerpattalo illingnut, nuname parngnanairsimavigijamingne, oᴋarlutiglo: Idluitullilaukpogut; tammarlauklutalo, innorlulaukpogut;

Nehemia 1:10

Ilâle kivgarivattit inuᴋotigilugillo, piulilauktattit pitsartunersoarnut, aggangnullo sôngojunut.

Nehemia 1:6

Siutikik kamatsiarliktôk, ijikiglo uitalerlîk, Tussarᴋovlutit kivgaᴋotivit tuksiarninganik, tuksiarutigijamnik mânna sângne uvlotilûgo unnuamelo, Israelitit kivgaᴋotitit pivlugit; ᴋanorlo Israelib ᴋitorngangita idluitulliningit, pinniarlauktavut ilingnut, kigligiutigigapkit; uvangalo atâtamalo iglomioᴋatangit idluitullilaurivogut.

Nehemia 9:10

Nallonaiᴋuteᴋartitsilaukpotit tattamnartullilutillo Faraome, kivgaᴋotinginelo ilûnaine, nunangatalo inugasaksoangine ilûnaine; igvit illitarksilauravit perajarlugvigingmagit; ateᴋartilaukpotillo sôrlo uvlome îmat.

Imgerut 106:8

Ikᴋajulaukpaillo attinne pivlugo, sôngonine sakᴋertitsomavlugo.

Exodus 13:14

Mattomalo kingorngagut ernerpit aperikpatit, oᴋarlune: ᴋanok tukkeᴋarᴋâ tamanna? Oᴋautijaksarivat: Aggangnut pitsartujunut Nâlekab anitilauᴋpâtigut Egiptenemit, iglomit kipalûtitauvigijaptingnit:

Exodus 13:16

Nalunaikutauniarporlo aggangne, erᴋaijutauniarlarmelo ijîkpit akorngangne; tagva aggangnut pitsartujunut Nâlekab anitingmatigut Egiptenemit.

Exodus 13:3

Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Exodus 13:9

Nalunaikutauniarporlo ilingnut aggakkut, erᴋaijutauniarlarmelo ijîkpit akorngangne, Nâlekab maligaksaurᴋojangit ᴋanernêrᴋovlugit: Aggangnut pitsartujunut Nâlekab anitingmatit Egiptenemit.

Exodus 14:18

Egiptenemiullo misigijuksauvut uvangaugama Nâlegak, nertortauniksarsimaguma Faraokut, ᴋamutingitigullo aksaloaliktigut unatautiktigut, horsenelo ikimajungitigut.

Exodus 32:11

Mosesiblo Nâlegak Gûdine ᴋenuvigidlarpâ, oᴋarlunelo: Nâlegak, suna pivlugo ningaumajârnît ônarsivâ inuᴋotingnut, tikiutijarnut nunamit Egiptenemit pitsartunermut angijomut, aggangnullo sôngodlartunut?

Exodus 6:1

Nâlegarle oᴋarpok Mosesemut: Mânna takojomârpotit, ᴋanok Faraomut ilioromârama, aggangnut pitsartujunut (aksorôtjauvlune) aularᴋojomârmagit, aggangnut pitsartujunut (aksorôtjauvlune) ᴋenugijomârmagit aglât nunaminit.

Exodus 6:6

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Exodus 9:16

Tamanna pivlugole inûlivagit, pitsartunera takuksautitsomavlugo ilingnut, ateralo oᴋautigijaurᴋovlugo nuname ilûnâne.

Jesaiase 55:13

Keblariktut peroromârput ukpigait kakkilautiggit innangerlugit, mirtillo perornerdluktut kakkilautiggit innangerlugit; Nâlekamullo tamanna nertornautiksaujomârpoᴋ nallunaikutaksaularmelo asserojuitoᴋ nâksaungitomut.

Jesaiase 64:4

Itsaᴋsoarnit tussartoᴋangimat, missigijoᴋaranele takojoᴋaranelo ijikut Gûdemik assingnik, piniutjijomik tattigijiminik.

Jeremia 14:20

Nâlagaᴋ, kigligiksarpogut idluitoᴋsôniptingnik, atâtagilauᴋtaptalo idluitulinerilauᴋtanginik, idluitulivigilauᴋpaptigit.

Jeremia 32:10

Aglaillo nalonaijaijut aglavigilauᴋpakka attimnik nalonaikuserlugillo, kigligiutjijuksallo najûtiᴋovakka, kênaujallo kiktitautingne ôktorpakka.

Jeremiab Ogguarutigijangit 3:42

Uvagut tappalaukpogut akkerartorlutalo; igvit issumagijungnainilungilatit.

Hesekiel 5:6

Inatsinikkale mumilauᴋpait idluitulinersauvlune inôᴋatigêksoarnit, perᴋojakkalo angiluartomik nunaᴋatigêksoarnit avatânêtunit; tâpkoa inatsinikka ajaktormagit, arvertalungimattalo perᴋojakka maliklugit.

Daniel 9:5

Idluitulidlarpogut takormôrlutalo, nitornangitomik piniarpogut oᴋautsarêdlutalo, sanguvluta aglât piᴋojarnit idluarijarnillo;

Lukase 15:21

Erningatale oᴋautivâ: Atâtak, idluitulilaukpunga Gûdemut ᴋilangmêtomut ilingnullo; mattoma kingorngane ernernik taijaunermik nelopᴋotivunga.

Lukase 18:13

Pimaklertele ᴋaninane nangerpok, ᴋilangmullônêt ârloromangitok; sagvingminulle patiksimajok oᴋarlune: Gûde, nâpkigilaunga idluitoksôjunga.

II Korintemiunut 1:10

Toᴋomit taimaitomit tâpsoma piulilauᴋpâtigut, sullelo mâna piulivâtigut: tattigivavullo mattoma kingorngaguttauᴋ piulijomârmatigut,

Deuteronomy 5:15

Erᴋaijuksauvotillo kivgaulauravit nuname Egipteneme, Nâlekablo Gûdivît tikiutivâtit tagvangat aggangnut pitsartujunut tallermullo issamijomut; tamanna pivlugo Nâlekab Gûdivît perᴋovâtit uvloᴋ sabbateojok ivlerijaksarigangne.