Daniel 9:14 - Labrador Inuttitut Heritage Bible

¹⁴ Tamanna pivlugo Nâlekab idluitoᴋ kamagivâ tikiutilugolo uvaptingnut; Nâlegaᴋ Gudivut idluarpoᴋ piniarnimini suliarijamini tamaini, uvagullo nippinga nâlilungilavut.

Daniel 9:14 Iomraidhean Croise

II Kronika 12:6

Tagva angajoᴋaunerôjut Israeleme, attannerlo mannigotitilerput, oᴋarlutiglo: Nalegak idluarpok.

Esra 9:15

Nalegak, Israelib Gudinga, igvit idluarpotit, uvagut amiakogapta, annigoimavlutalo, sorlo uvlorme tamattomane illingangmat. Ahâk, nangerpogut sângne passijaksauniptingne; tamannale pivlugo nangertoᴋarungnangilak sângne.

Nehemia 9:33

Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Imgerut 111:7

Aggangita pinniarningit mikseᴋârniôvut, idluarneôlutiglo, perᴋojangit illûnatik soᴋᴋosijuiput.

Imgerut 116:5

Nâlegak saimarveᴋarpok idluarlunelo; Gûdivullo nâpkoarosukpok.

Imgerut 119:137

Nâlegak igvit idluarpotit, idluarsainitillo idluarput.

Imgerut 51:14

Piulilaunga akkiliksaᴋarnermit aungmik, Gûde, Gûdigijagit, piulijigijagillo, oᴋara idluarnernik nakorsarᴋovlugo.

Exodus 9:27

Tagva Farao tiliklerpok, Moseselo Aronelo ᴋairᴋovlugik, oᴋautivlugiglo: Tamattomane idluitulivunga; Nâlegak idluartôvok, uvangale inuᴋotikkalo idluitoksôvogut.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremia 31:28

Pijoᴋalârporlo, sorlo kamagilaurapkit nusugomavlugit serᴋomitsomavlugillo, oggotitsomavlugit asseroromavlugillo, kapiasuktitsomavlugillo; taimaluatsiaᴋ kamagijomagivakka âᴋiksoromavlugit ilijomavlugillo, oᴋarpoᴋ Nâlagaᴋ.

Jeremia 4:17

Avatâgut ilumavât, sorlo udjertortut perorsêvingmik; ᴋepêservigingmanga, Nâlagaᴋ oᴋarpoᴋ.

Jeremia 44:27

Ahak, kamagijomavakka idluitomut, ajungitomu-ungitorlo; Judablo inungit ilûnaita nuname Egipteneme nunaᴋartut nungutaujuksauvut saviksoarmut kângnartoᴋsoarmullo nungumariᴋârtinagit.

Jeremiab Ogguarutigijangit 1:5

Akkerartortingit angajoᴋângorsimavut, ômigijingillo piblingaidlarput; Nâlekab kapiasuktingmagit idluituliningit unuktoᴋsuit pivlugit: ᴋitorngârsungit aularutijauvut ômigijinginut.

Hesekiel 16:43

Inôsungnivit uvlungit erᴋaumalunginangne, ningartinamgale tamakkonane tamaine; tamanna pivlugo, ahâk, apᴋutigijatit tikiutijomârpakka niaᴋungnut, oᴋarpoᴋ Nâlegaᴋ Nâlegaujoᴋ: kangunartulineᴋ tamanna piniarnerilaunginangnê maᴋojungnartulinerijarnit tamainît?

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.