Daniel 9:13 - Labrador Inuttitut Heritage Bible

¹³ Sorlo aglaᴋsimangmat Mosesib piᴋojangini, idluinirub tamattoma angijoᴋsûb tikipâtigut; sullili Nâlegapta Gudipta saimaninga ᴋinuarilungilavut, sâgiaromavluta idluituliniptingnit, miksiᴋârnilo tukkisijomavlugo.

Daniel 9:13 Iomraidhean Croise

II Atannit 22:16

Imâk Nâlegak oᴋarpok: ᴋanoêtomik ᴋaitsijomavunga iglugasaksoarnut makkonunga, innunginullo, perkojat Judakut atanningata attuarlauktangita oᴋausertanginik tamainik.

Hiobe 36:13

“Takkomôrtulle ningarnermik ᴋallerêktitsivut, avâlalungilello, tâpsoma ᴋellaksorpagit.

Imgerut 119:18

Ijîkka uitâtikik takkoᴋovlunga malligaksauᴋojavît tattamnartullininginik.

Imgerut 119:27

Illisalaunga piniartauᴋojavît apᴋosininginnik; tagva tattamnartullinitit oᴋautigijomavakka.

Imgerut 119:73

Aggakpît sannalaukpânga âᴋilungalo; illisalaunga perᴋojarnik illiniarᴋovlunga.

Imgerut 85:4

Mannigortigut, Gûde, piulijivut, saimarveᴋajuinerlo uvaptingnik ipperaruk.

Jesaiase 31:1

Kappianarmek attâlertut Egiptenemut ikajortaujomamut, horsit tattigivlugit, ᴋammutillo sungertûtigivlugit, unudlarmatta, sorsuktuksallo horselijartut, pitsartudlarmatta; ivlernartitorle Israêlikkune ârlorvigingilât Nâlegarlo apperᴋutiginago.

Jesaiase 42:9

Ahâk, oᴋautigilauᴋtakka sivorngagut nallautsivut, pijomârtuksanik oᴋâlavunga, pilerᴋârtinagit tussartaurᴋovakka illipsingnut.

Jesaiase 43:22

Igville, Jâko, tuksiarvigilungilarma, illungertorlungilatit (tuksiarvigivlunga), Israêle.

Jesaiase 64:6

Illûnamatsiata ivsornaitutitut-ipogut, idluarnivullo tamât annorâtut-ipoᴋ salumaitotut; millukataᴋtitut ᴋunorlerpogut illũnata, idluitulliniptingnullo tiktauvogut sôrlo aᴋᴋonamut.

Jesaiase 64:7

Attit taivlugo tuksiartoᴋalungilaᴋ pinasuartomiglõnêt tigujomavlutit, kênat ijerangne uvaptingnut, pitilluta idluinipta pitsartuningannut.

Jesaiase 9:13

Nunaᴋatigêlle sâgiatsengilat sugiartimingnut, ᴋilangmiugasaksuillo Nâlegangat ᴋennilungilât.

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 30:14

Ungagijivit ilûnatik puigorpâtit; ᴋenilungilâtit; killersimagapkit ômisuktûb nâpkigosungneᴋangitûb sugiarninganut; idluitulinivit angininga pivlugo, ajornitit unuksisimangmatta.

Jeremia 31:18

Efraim tusarsimavara oggorilune nangminerminik, imailivlune: Sugialauᴋparma, tâvalo sugiartaulauᴋpunga, noggaᴋtut nangmautemik sungiusimangitotut; sâgiartilaunga, tâvalo sâgiarsimaniarpunga; Nâlagaugavit Gudigijara.

Jeremia 44:23

Tipigiksautinik isserluanititsilaurapse, Nâlagarlo idluitulivigigapsiuk, nâlalunginapselo Nâlakab nippinganik, arvertalunginapselo tâpsoma maligaksauᴋojangit perᴋojangillo kigligiutsiningillo maliklugit; tamanna pivlugo idluitûb tamattoma nalaupâse, sorlo uvlome pingmat.

Jeremia 44:27

Ahak, kamagijomavakka idluitomut, ajungitomu-ungitorlo; Judablo inungit ilûnaita nuname Egipteneme nunaᴋartut nungutaujuksauvut saviksoarmut kângnartoᴋsoarmullo nungumariᴋârtinagit.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremiab Ogguarutigijangit 5:21

Utertilauktigut ilingnut, Nâlegak utersimaniarpogut tagva; uvluvullo natângortilaukit sorlo itsarsoarme.

Hesekiel 16:43

Inôsungnivit uvlungit erᴋaumalunginangne, ningartinamgale tamakkonane tamaine; tamanna pivlugo, ahâk, apᴋutigijatit tikiutijomârpakka niaᴋungnut, oᴋarpoᴋ Nâlegaᴋ Nâlegaujoᴋ: kangunartulineᴋ tamanna piniarnerilaunginangnê maᴋojungnartulinerijarnit tamainît?

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Hosea 7:10

Israêliblo pingijaininga kigligiutjivoᴋ kênangata sângane; sullele utilungilat Nâlekamut Gudimingnut, ᴋenilungilâllônêt taimaigaloartilugo.

Hosea 7:14

Omatimingnullo ᴋaigarsugvigilungilânga, inangavingmingne ᴋaggudlaraloartilugit; katimavut senaugaksat vainelo pivlugit, pikablâvigivângale.

Hosea 7:7

Ilûnatik niaᴋojiorviktut ônartigigamik erᴋartuijitik nungupait; ataningit ilûnatik oggovut; atautsemiglônêt akornganêtoᴋangilaᴋ uvamnut ᴋaigarsuktomik.

Lukase 24:45

Tagva nalojungnaitipait, aglangnik tukkisilerᴋovlugit.

Johannese 10:35

Taipkoa Gûdinik taikpagit, Gûdib oᴋausinginik oᴋarviojut (aglaillo akkerartortaujungnangilat);

Johannese 6:45

Nelautaijut aglangine aglaksimavok: Ilûnnatik ajoᴋertortaumajôjomârput Gûdemut. Atâtamillo tamattominga tusartoᴋ ilinniarlugolo, tâmna ᴋaijungnarpok uvamnut.

Johannese 8:32

Mikseᴋârnerlo ilitariniarpase. mikserᴋârnerublo kivgaujungnaitiniarpâse.

Efêsusemiunut 4:21

Tâpsominga tussarluse tâpsomanelo ajoᴋertortaujomavluse pilaurupse: tagva, sorlo mikseᴋârneᴋ Jêsusemêngmat,

Deuteronomy 29:4

Uvlomele tikidlugo Nâlekab tunitjivigingilâse ômamik missigijomik, ijiniglo tautuktunik, siutiniglo tusâjunik.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.