Daniel 9:12 - Labrador Inuttitut Heritage Bible

¹² Nalautsitipaillo oᴋausini uvaptingnut idluarsaijiptingnullo uvaptingnik idluarsaijuksanut, oᴋautigijani, tikitauᴋongmatigut idluitomut angijomut; ᴋilaub ilûnarsoangata atâni piniarutaujoᴋalaungimat sorlo Jerusalimut piniarutaungmat.

Daniel 9:12 Iomraidhean Croise

I Atannit 3:9

Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?

II Atannit 22:16

Imâk Nâlegak oᴋarpok: ᴋanoêtomik ᴋaitsijomavunga iglugasaksoarnut makkonunga, innunginullo, perkojat Judakut atanningata attuarlauktangita oᴋausertanginik tamainik.

Hiobe 12:17

Tâpsoma sillatôjut tessiorpait, aksârnigaujotut, erᴋartuijullo ᴋaujimangojârtipait.

Imgerut 148:11

Attanersoangojôse nuname, inôjoselo illûnase; attaniôjut, idluarsaijullo nuname tamaita;

Imgerut 2:10

Tagva manna attanniojose sillatoleritse, tannersartaukolerluselo erᴋartuijose nuname!

Salomob Okâl 8:16

Uvapᴋut angajoᴋâksuit angajoᴋâjallo aulatsivut, atannillo ilûnatik nunamêtut.

Jesaiase 43:28

Tamanna pivlugo angajoᴋaujut ivsornaitovingme ivlernarungnairtipakka, Jâkokkut ôminartillugit Israêlikkullo mittautaunartillugit.

Jesaiase 44:26

Kivgamale oᴋausinginik nallautsititsijunga, tillijamalo kajusimautigijanginik nãmaksititsijunga, Jerusalemullo oᴋartunga: Inuᴋalerit! Jûdablo iglugasaksoanginut: Igloᴋaleritse! asserorsimajuniglo tagvane âᴋiksoivunga.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 39:16

Oᴋariartorit Ebed-mêlekemut Etiopiamiomut, oᴋarlutit: Ahâk, oᴋausikka nalautsititsomavakka iglugasaksoarnut ukkununga idluiᴋutiksamut idluarᴋutiksamu-ungitorlo; sulilârpullo sângne uvlorme tâpsomane.

Jeremia 44:23

Tipigiksautinik isserluanititsilaurapse, Nâlagarlo idluitulivigigapsiuk, nâlalunginapselo Nâlakab nippinganik, arvertalunginapselo tâpsoma maligaksauᴋojangit perᴋojangillo kigligiutsiningillo maliklugit; tamanna pivlugo idluitûb tamattoma nalaupâse, sorlo uvlome pingmat.

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Jeremiab Ogguarutigijangit 2:13

Sunamik kigligiutjuteᴋartuksauvingâ ilingnût? Sunamut adsiutitaksarivagît, igvit, Jerusalemib paningâ? Suna adseᴋartok ilingnut oᴋautigijaksarivigô, manigoiᴋovlunga ilingnik, Zionib paninga uigasôjotît? Asserorsimanît imarbiktut angitigingmat; kia inûlijungnarpâtît?

Jeremiab Ogguarutigijangit 2:17

Nâlekab kajusijutigilauktane piniarpâ; oᴋausine, itsaksoarme oᴋautigilauktane, nâmaksitipâ; asseroivok naiperᴋutigosulugane; ômisuktorlo ᴋuviasuktilaukpâ pivlutit, ômigijivît nakjunga ᴋagvertipâ.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Hesekiel 13:6

Uivêrinartunik takovut, saglovlutiglo nelautaivut, oᴋarlutik: Nâlegaᴋ oᴋarpoᴋ; tilijaunatiglo Nâlekamut: inuillo okpertipait oᴋausingit nelautsititaulârmatta.

Hesekiel 5:9

Ilingnullo piniaromavunga piniarnerilauᴋsimangitamnik, kingornganelo taimaitunik piniaromângitamnik, maᴋojungnartulinivit unurningit pivlugit.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Joel 2:2

Uvloᴋ tâᴋtoᴋ niptaidlartorlo, uvloᴋ nuvujalik ᴋaujuitorlo, sorlo uvlub tâvliganga issivisimajoᴋ ᴋaᴋᴋane; inôᴋatigêksuit sôngojut aᴋtornartullo, sivorngane taimaitoᴋalauᴋsimangilaᴋ, kingornganelo taimaitoᴋaromângilaᴋ kinguvârêt unuktut jâringinut aglât.

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Saggaria 1:6

Oᴋausimale kajusijutigijamalo, perᴋolauktama kivgamnut nalautaijunut, atâtase angulaungilagît? Tâpkoalo sâput oᴋarlutiglo: Sorlo Nâlegak kajusilaurame ᴋanok piniarvigijomavluta apᴋutigijavut piniarnerijavullo maliklugit, taimak piniarvigivâtigut.

Saggaria 1:8

Unnuarme takotitjutikut takovunga, ahâglo, angut ikimajok horsemut aupaluktamut, tâmnalo nangerpok ukpigait tipitsiariktut taggalinermêtut akorngane; tâpsomalo tunuane horseᴋarpok aupaluktanik, milaktaniglo, ᴋaᴋortaniglo.

Saggaria 7:12

Ilâ, ômatitik aligoᴋtut ilingatipait, tusarᴋonagit perᴋojanik oᴋautsiniglo Nâlekab Zebaotib tilijanginik anernermigut nalautaijutigut sivorlertutigut; tamanna pivlugo ningarnek angijok tikipok Nâlekamit Zebaotemit.

Mattêuse 24:21

Uvlunele taipkonane kappiasugviksaᴋaromârpok nelleᴋangitomik, silaksûb pigiarninganit tamanna tikidlugo taimaitoᴋalaungilak, kingornganalo taimaitoᴋarnianginivok.

Mattêuse 5:18

Âhamarik oᴋautivapse: ᴋilaglo nunalo nungoᴋârtinagik, perᴋojane (aglaksimajune) mingnek, tittârsuglônêt nunguniangilak, tamakkua ilûnaita nâmakserᴋârtinagit.

Markuse 13:19

Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.

Lukase 21:22

Tamakkoa kiglungniub uvloringmagit, aglaksimajut tamaita nalautserᴋovlugit.

Rômiunut 15:8

Oᴋarpungale: Jêsuse Kristuse kivgaulauᴋpoᴋ kipineᴋartunut, Gûdib mikseᴋârninga pivlugo angersimaneᴋ atâtanut pijoᴋ soᴋosijuerᴋovlugo.