Daniel 9:11 - Labrador Inuttitut Heritage Bible

¹¹ Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Daniel 9:11 Iomraidhean Croise

II Atannit 18:12

Tamanna pivlugo Nâlekab Gûdimik nippinga nâlelaungimatsuk, angerningalo; tamaitalo Mosesib Nâlekab kivgangata perkolauktangit tappagilaungmattigik, nâlelaungimattigiglo, pinniarlaungimattigiglonêt.

II Atannit 22:16

Imâk Nâlegak oᴋarpok: ᴋanoêtomik ᴋaitsijomavunga iglugasaksoarnut makkonunga, innunginullo, perkojat Judakut atanningata attuarlauktangita oᴋausertanginik tamainik.

Jesaiase 1:3

Tuktuvaub pairijine illitarivâ, siuterᴋortojublo perᴋutigijime nerrititsivia illitarivâ, Israêlitille illitarᴋsilungilat inuᴋotikkalo kamalungilat (uvamnik pairijimingnik).

Jesaiase 43:28

Tamanna pivlugo angajoᴋaujut ivsornaitovingme ivlernarungnairtipakka, Jâkokkut ôminartillugit Israêlikkullo mittautaunartillugit.

Jeremia 16:11

Oᴋautijaksarivatit: Atâtagilauᴋtapse ᴋemalaungmanga, Nâlagaᴋ oᴋarpoᴋ, malilaungmattalo assimnik gudingoanik, kivgartorlugit, tuksiarvigivlugillo, ᴋemalaungmangalo, perᴋojakka piniarnagit;

Jeremia 2:29

Suna pivlugo ᴋenuvigivisingâ? Ilûnase idluitulivigilauᴋpapsinga, oᴋarpoᴋ Nâlagaᴋ.

Jeremia 30:14

Ungagijivit ilûnatik puigorpâtit; ᴋenilungilâtit; killersimagapkit ômisuktûb nâpkigosungneᴋangitûb sugiarninganut; idluitulinivit angininga pivlugo, ajornitit unuksisimangmatta.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 40:3

Nâlakablo tikitisimavâ, piniarlune sorlo oᴋalaurame; Nâlagaᴋ idluitulivigilaurapsiuk, nâlalugaselo nippinganik, tamanna pivlugo tamattoma tikipâse.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 44:23

Tipigiksautinik isserluanititsilaurapse, Nâlagarlo idluitulivigigapsiuk, nâlalunginapselo Nâlakab nippinganik, arvertalunginapselo tâpsoma maligaksauᴋojangit perᴋojangillo kigligiutsiningillo maliklugit; tamanna pivlugo idluitûb tamattoma nalaupâse, sorlo uvlome pingmat.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremia 9:26

Egipten, Judalo, Edomelo, Ammoniblo ᴋitorngangit, Moabelo, ilûnaitalo salimajunik nujalit ulloangmingne, sunaᴋajuitome nunaᴋarpaktut; inôᴋatigêksuit ilûnatik kipimangitôngmatta, Israêliblo ᴋitorngangit ilûnatik kipimangitongmatta ômatimikkut.

Daniel 9:13

Sorlo aglaᴋsimangmat Mosesib piᴋojangini, idluinirub tamattoma angijoᴋsûb tikipâtigut; sullili Nâlegapta Gudipta saimaninga ᴋinuarilungilavut, sâgiaromavluta idluituliniptingnit, miksiᴋârnilo tukkisijomavlugo.

Daniel 9:5

Idluitulidlarpogut takormôrlutalo, nitornangitomik piniarpogut oᴋautsarêdlutalo, sanguvluta aglât piᴋojarnit idluarijarnillo;

Saggaria 1:6

Oᴋausimale kajusijutigijamalo, perᴋolauktama kivgamnut nalautaijunut, atâtase angulaungilagît? Tâpkoalo sâput oᴋarlutiglo: Sorlo Nâlegak kajusilaurame ᴋanok piniarvigijomavluta apᴋutigijavut piniarnerijavullo maliklugit, taimak piniarvigivâtigut.

Saggaria 7:12

Ilâ, ômatitik aligoᴋtut ilingatipait, tusarᴋonagit perᴋojanik oᴋautsiniglo Nâlekab Zebaotib tilijanginik anernermigut nalautaijutigut sivorlertutigut; tamanna pivlugo ningarnek angijok tikipok Nâlekamit Zebaotemit.

Saggaria 8:13

Imaitsomârporlo, sorlo ômisautiksaulaurapse inôᴋatigêksuit akorngane, ilipse Jûdab Israêliblo ᴋitorngangit, taimak piulijomavapse, saimarsautiksangolârposelo: sivôraniarase, aggaselo pitsartutisigik.

Deuteronomy 8:20

Inôᴋatigêksoatitut, Nâlekab nungutautitangititut sâpsingne, taimak nungutaulârivose, Nâlekab Gûdipse nippinga nâlagomanginapsiuk.