Daniel 8:3 - Labrador Inuttitut Heritage Bible

³ Ijîkkalo arlortipâka takolungalo, ahâglo, kôb nalâni saugaᴋ parngniᴋ maggungnik nakjulik nangipoᴋ; nakjuglo poᴋtovuk; aipâli poᴋtoluarpoᴋ aipaminit, poᴋtonisarlo kingorliovluni nuitavoᴋ.

Daniel 8:3 Iomraidhean Croise

I Kronika 21:16

Davidelo takkosarpok, takkovâlo Nalekab Engelinga nangertillugo ᴋilaub nunablo akkorngangne, saviksoarmiglo kenailitaᴋangitomik tigumiartillugo aggangmine, issautjitillugolo tapsominga Jerusalemut. Tagva Davide angajoᴋaunerôjullo pôngnut ulliksimavlutik pamakterput kênatik pûvlugit.

Esra 1:2

Imâk Korese Persiamiut attanningat oᴋarpok: Nalekab ᴋillaub Gudingata tunnitsivigilaukpânga attanniovingnik tamainik nunane, perᴋolaukpângalo, iglomik igluliorlugo Jerusaleme Judame.

Esra 4:5

Kaiᴋojivullo attannertuijunik, kajusimaninginiglo agviarput Kores Persiamiut attanningat innotillugo, Dariusib Persiamiut attanningata attanniotininga tikkilugo.

Ester 1:3

Atanniotinime Jahringita pingajuane nerrimartitsivok Angajoᴋâᴋotiminut kivgaminullo ilûnainut, tagva pitsartunelingnut Persiame, Medenemelo, erᴋanarnerpânullo aulatsijunullo nunamine,

Jesaiase 13:17

Ahâk, Mêderit taipkonunga akkerartorᴋovakka, silberemik erᴋasungitut goldemiglõnêt kamangitut.

Jesaiase 21:2

Takkotitjumik sivoranartomik takkotitauvunga: Arᴋtaijoᴋ arᴋtaivoᴋ, asserorsaijoᴋ asserorsaivoᴋ. Paungaleritse Elamiôjose, illumasiuk Mêdiamiôjose! anersaumititsiningit tamaita sorairtitsomavakka.

Jesaiase 44:28

Korassemut oᴋartunga: Tâmna pairᴋsijungortipara, pijomajaralo tamât nãmasititaksarivâ, Jerusalemut oᴋarᴋovlugo: Igluᴋalerit! Kattimaviksûblo tungaviksangit illijaulit!

Jeremia 51:11

Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Daniel 10:5

Arlorpunga takosarlungalo, ahâglo, angut miᴋoᴋangitomik ᴋaᴋortamik annorâlik, makitimigullo tapsirutilik goldiojomik Ufazemit pijomik;

Daniel 2:39

Kinguninilo ataniovikpît assia nuijomârpoᴋ ilingnit pitsakiluartomik; kingornganilo ataniovingmik pingajuangnik ᴋaᴋorliojomik, nunaᴋsoarmi ilûnâni nâligauviojomârtomi.

Daniel 5:31

Dariusiblo Medenimiub ataniovik pigilipâ, jâriᴋarluni 62nik.

Daniel 6:28

Danielilo tâmna pilluangolipoᴋ Dariusib atanioningani, Korasiblo Persiamiojub atanioningani.

Daniel 7:5

Ahâglo, ômajub tâpsoma assia, tuglia, nanoᴋtun-itoᴋ, nikovipoᴋ, sigguminilo kigutimi akorngani tôgâᴋarpoᴋ pingasunik: tâpkoalo oᴋautivât: Nikovigit niᴋitorlutillo angijomik.

Daniel 8:2

Takotitjumilo takovunga; takogamalo imailingavoᴋ, igluᴋsoarmêpunga Susami, nunami ingmikôrtomi Elamamik attilingmi; takotitjumilo takovunga, kôblo Ulaimik attiliub sinânêpunga.

Daniel 8:20

Saugaᴋ parngniᴋ takojat maggungnik nakjulik, tagva Medenimiut Persiamiullo atanîgik.

Saggaria 1:18

Ijikkalo arlortipâka takolungalo, ahâglo, nakjuit sitamat.

Saggaria 2:1

Ijikkalo arlortipâka takolungalo, ahâglo, angut noᴋakserpalautemik tigumiartok.

Saggaria 5:1

Amalo ijîkka arlortipâka takolungalo, ahâglo, aglarait immûmajut tingijut.

Saggaria 5:5

Engeliblo oᴋaᴋatigijima pigannerlune oᴋautivânga: Ijîkik arlortikik takolutillo una anijoᴋ sunaumangât.

Saggaria 5:9

Ijîka arlortipâka tagva tautuklungalo, ahâglo, arnâk maggûk anivûk, anorelo esarunginêpok; esaroᴋarpuglo siggorᴋortojûb esarungititut: ôktûtelo efa kivikpâk nunab ᴋilaublo akorngangnut.

Saggaria 6:1

Ijikka arlortilerivâka ama tautuklungalo, ahâglo, ᴋamutit unatautit sitamat allakarput ᴋaᴋaksoâk maggûk akorngangnit; ᴋaᴋaksoâglo ᴋaᴋorliovûk.

Numbers 24:2

Takosarlunelo, Israêlikut takovait tangmârsimavlutik kinguvârêngit maliklugit, Gûdiblo anerningata tupvigivâ.

Josua 5:13

Pijoᴋalaukporlo Josua Jerichub ᴋannitanganêdlune, ijingminut takkosarlaurame, mallugosulerporlo nangertoᴋangmat sakᴋamine angumik, tigumiartomik aggangminut saviksoarmik poksimangitomik. Josuablo aivigivlugo oᴋautiva: Uvaptingnut illingavît, omigijiptingnullonêt?

Takotitaunermik 13:11

Nergjutiblo asianik nunab iluanit nuijomik takogivunga, maggûngnik nakjuᴋartomik saugârsutut, oᴋauseᴋartomik ᴋuglugiaksoarâluktut.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.