Daniel 8:27 - Labrador Inuttitut Heritage Bible

²⁷ Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.

Daniel 8:27 Iomraidhean Croise

Daniel 10:16

Ahâglo, inûb, ᴋitorngangatut adsiᴋartûb ᴋangasinâka aktorpâk; ᴋanira aitarpara tagva, okarlungalo oᴋautivara sâmni nangitoᴋ: Nâlegara, takotitjut tamanna pitjutigillugo, kiksautigijakka utiput uvamnut, nukiᴋarungnaipungalo.

Daniel 10:8

Inutôvlunga ᴋimaktauvunga tagva, takotitjullo tamanna angijoᴋ takovara, nukingêrutivungalo; nukiᴋarnira assirotaumarikpoᴋ, pitsartuniᴋarungnaipungalo.

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 5:14

Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.

Daniel 7:28

Tamakkoa tagva nâvut tamâni. Uvangali Danieli, issumama ulapidlarpânga, tautugalo ablatsangolipoᴋ; tamannali torᴋorpara ômatimni.

Daniel 8:17

Nangivingma ᴋanitanganôrpoᴋ tagva; tikingmallo iᴋsilipunga, pâmaklungalo kênara pûlugo; oᴋautivângali, Tukkisilirit, inûb ininga, naggatiksab naliuniksanganut ilingangmat takotitjut tamanna.

Daniel 8:2

Takotitjumilo takovunga; takogamalo imailingavoᴋ, igluᴋsoarmêpunga Susami, nunami ingmikôrtomi Elamamik attilingmi; takotitjumilo takovunga, kôblo Ulaimik attiliub sinânêpunga.

Daniel 8:7

Takovaralo sauᴋab ᴋanitanganut tikitoᴋ, ômigidlarlugolo saugaᴋ aporpâ nakjûgik tamarmik naplorlugik; saugarlo nukkiᴋangilaᴋ sângani nangiluni, tâpsomali nunamut igipâ tullirajârlugolo; piuliklituksaᴋangilarlo saugarmik tâpsoma agganginit.

Habakûb 3:16

Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.

I Samuel 3:15

Samuelelo innangavok uvlâk tikkidlugo, upkuarlo Nalekab iglungane upkoêrpa. Samuelele sivuravok takkotitsuk tamanna oᴋautigilugo Elimut.