Daniel 8:13 - Labrador Inuttitut Heritage Bible

¹³ Ivsornaitullo ilangat oᴋartoᴋ tusarpara; ivsornaitorlo tâpsoma assia oᴋarpoᴋ tâpsomunga oᴋartomut: Kanoᴋ sivitutigilârᴋâ takotitjut tunigutit noᴋajuitut pivlugit, idluinilo assirosaijoᴋ pivlugo, ivsornaitovik katimgajoᴋsuillo tullirajârtaungmattâ?

Daniel 8:13 Iomraidhean Croise

Imgerut 74:10

Gûdîk ᴋanok sivitutigijomik akkerartorte suartuksauvâ, ômisuktiblo attit taimak oᴋarnerlotigijaksarivaûk?

Imgerut 74:9

Nellunaikutavut takkolungilavut; nallautaijoᴋarrungnaipok; kinaᴋangilarlo uvaptingne ᴋaujimajomik namût.

Imgerut 79:5

Nâlegak ᴋannok sivitutigijomik ningaromamariᴋît, illungertornîllo ikkomatut ikkoalaᴋojomaviûk?

Jesaiase 28:18

Angeᴋateᴋarnise toᴋomik nungutaujomârpoᴋ, issumaᴋateᴋarnise kappianartovingmik suksaujungnairomârpoᴋ. Issaᴋautiksoaᴋ nungutsijoᴋ aulajârpat, nungutaujomârpose tamattomunga.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jesaiase 63:18

Inuᴋotivit ivsornaitut annikitotuinarmik (nuna) perᴋutigivât: akkerartortipta ivsornaitoviksoaᴋotit tullerpât.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Jeremia 12:10

Mianersijut unuktut asseroisimavut perorsêvimnik vaineliksatalingmik, perorsêviga tullerajârsimavât, perorsêviga ânanaudlartoᴋ sunaᴋarungnaitungortisimavât.

Daniel 11:31

Sakkolijartullo ililitoromârpât, sujuijomârpullo ivsornaitovingmik taluksoarniglo; soraititsijomârpullo tunigutinik ôtaksanik noᴋajuiᴋojaujunik nungutsiviublo maggojungnarninga âᴋiksoromârpât.

Daniel 12:11

Naliunimillo tunigutit ôtaksat nokajuiᴋojaujut soraititauvianit, nungutsiviublo maggojungnartut âᴋiksortauninganit, uvlut 1,290 nâlârput.

Daniel 12:8

Tusarpungalo tukkisinangali; tagva oᴋarpunga: Nâlegara, ᴋanoᴋ tamakkoa maliktoᴋalârᴋât?

Daniel 4:10

Imailauᴋput niaᴋuma takotitjutigijangit iglimnêtilunga: Takovunga, ahâglo, napârtoᴋ nunab ᴋiᴋâni, poᴋtojoᴋsôdlarporlo.

Daniel 4:13

Inangatilungalo iglimni niaᴋuma takotitjutigijangagut takovunga, ahâglo, pigârtuksaᴋ ivjornaitorlo aᴋᴋarpuk ᴋilangmit.

Daniel 4:23

Ataniublo takungmagik pigârtuksaᴋ ivjornaitorlo ᴋilangmit aᴋᴋartuk, oᴋarlutik: Napârtoᴋ kipisiuk, assirolugolo; amângitali miminangit nunamêtuarlit, avaluᴋarlutik kikiangmik ᴋaᴋorlimiglo, natinaub iviksukangini nutaijoᴋtuni; ᴋausititaulillo ᴋilaub mitsuksoanganut, nigjutillo piksarsioᴋatigiligit nunab iviksukangini, naliunirit 7nit ᴋângiutiᴋârtinagit tâpsomunga;

Daniel 7:16

Najornikpunga tagvani nangitut ilanganik, ᴋinuvigivlugolo ᴋaujititaujomavlunga tamakkoa ilûnatik ᴋanoᴋ tukkiᴋarmangâta. Oᴋautivânga tagva, nalonaijaivigivlungalo tukkigijanginik.

Daniel 7:23

Imâk oᴋarpoᴋ: Omajut sitamangat tagva ataniovît nunami sitamaksangat, ataniovît assingit tamaita adsigingilait, nunaᴋsoarlo ilûnât êjomârpâ, tullirajârlugolo, sikalilugolo.

Daniel 9:27

Tâmnalo unuktunut angisimaniliolârpoᴋ aulangitomik vôgi atausiᴋ nâvlugo; vôgiblo ᴋitiᴋangani tunigutit toᴋotaksat tunigutillo niᴋiksat sorairtitsomârpait; maᴋojungnartulinirublo nuvugusingani assirosaijoᴋsoaᴋalârpoᴋ; nâmaksititauninga kajusijutaujoᴋ tikidlugo ningarnisoaᴋ kovijaulârpoᴋ assirosaijunut.

Saggaria 1:19

Engelelo oᴋaᴋatigijiga oᴋautivara: Ukkoa suvât? Akkivângalo: Ukkoa nakjuit siamartitsilauktut Jûdamik, Israêlemiglo, Jerusalemiglo.

Saggaria 14:5

ᴋemâjomârposelo ᴋaᴋaksoama naksangagut; ᴋaᴋaᴋsûb naksanga Azelemut kigleᴋaromârmat; ilâ, ᴋemâjomârpose sorlo ᴋemâlaurapse nunab sajukpiludlarninganit Usiab Jûdab ataningata uvlungine; Nâlegarlo Gudît tikitsomârpok, ivsornaitullo tamaita ilagijomârpatit.

Mattêuse 11:27

Tamaita Atâtab tunilaukpait uvamnut. Ernermiglo ilitarsijokangilak, Atâtab kissime ilitarivâ; Atâtamiglo ilitarsijokanginivok, Ernerub kissime, Ernerublo nalojungnaititsomajangita ilitarivât.

Mattêuse 24:15

Nungutsiviub maᴋojungnarninga takoniarupsiuk, oᴋautigijaumajok nalautaijomut Daniêlemut, ivjornaitovingmut pingmat (tamakkoninga atuarsijub kamagilerligit):

Markuse 13:14

Nungutsiviuble maᴋojungnarninga takogupsiuk, oᴋautigijaumajoᴋ nalautaijomut Daniêlemut, inigijaksaringitaminêtoᴋ, (tamattominga atuarsijub kamagilerligit!) taimaipat, Jûdêamêtoᴋ ᴋemâlerle ᴋakᴋanut.

Lukase 10:22

Tunitjiviovunga tamainik Atâtamnut. Ernerublo kinauninganik ᴋaujimajoᴋangilak, Atâta kisSîme ᴋaujimavok; Atâtablo kinauninganik ᴋaujimajoᴋanginivok, Erneᴋ kisSîme, Ernerublo nelojungnaititsomajangit nelunginivut.

Lukase 21:20

Jerusalemible avatâ sorsuktuksarsoarnik illumajok takogupsiuk, tagva ᴋaujimaniarpose asserortauniarvia naliutilermat.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Deuteronomy 33:2

Oᴋarporlo: Nâlegak Sinaimit tikipok, Seiremit tâpkonunga nuisimavlune; issagutârpok Pâranib ᴋakᴋanganit, tikiporlo ivsornaitut ten tausendit ilagilugit; talerpiane perᴋojaᴋarpok ikomaujârtunik tâpkonunga.

I Tessalônikamiunut 3:13

Omatise nakoᴋsititauᴋovlugit, pidlaraksautaililutik ivjornailinerme Gûdib Atâtaptalo sângane, Nâlegapta Jêsusib Kristûsib tikiviane, ivjornaitoᴋotine illagilugit.

Ebrêerinut 10:29

Imaᴋâ, sugaluluartoᴋsoarmik pidlartaujutiksarsiniarasugivase (inuk) tullertoᴋ Gûdib erninganik, ivsornautigilugolo Testamentib aunga ivsornaijutigilauᴋtane, mitauteᴋartorlo Anernermik saimarsautaujomik.

I Pêtrusib 1:12

Taipkoa nelojungnaititaulauᴋput, ingmingnut ilingangitut uvaptingnulle ilingajuksat oᴋautigigamigit; tamakkoa mâna oᴋautigijaumavut ilipsingnut, oᴋautsinik tussarnertunik ilipsingnut oᴋâlajunut, Anernikut ajunginikut ᴋilangmit tilijaumajokut; tamanna Engelittauᴋ tukkisijomavlugo kajungilârivut.

Jûdasib 1:14

Enogele aglât, Adamemit 7 iojoᴋ, nelautailerivoᴋ tâpkoninga, oᴋarame: Ahâk, Nâlegaᴋ aggerpoᴋ ivjornaitut unuktoksuit tausendeoᴋattartut illagilugit,

Takotitaunermik 11:2

Tempelible silatânêtok egidlugo ôktorniangilat, nelojunut tunijaungmat, iglugasaksuillo ivjornaitut tullerajaromârpait takᴋit 42 it nâvlugit.

Takotitaunermik 6:10

Nippersoarmut nipliadlarput oᴋarlutiglo: Nâlegak, hailigiojotit mikseᴋârtôvlutillo, ᴋanok akkunêrtoksoarmik erᴋartuingilatît, auvut akkiniarutiginago taipkonunga nunamêtunût?

Idluarsaijut 13:18

Nâlekable Engelingata oᴋautiva; Sôg attera pivlugo apperivinga, tattamnadlaralloartok?