Daniel 7:27 - Labrador Inuttitut Heritage Bible

²⁷ Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Daniel 7:27 Iomraidhean Croise

Imgerut 145:13

Nâlegauvît nâlegauviôvok issoᴋangitok, attanniôtinillo îtsainarpok sorairane.

Imgerut 22:27

Erᴋaijomârput, sâleromârlutiglo Nâlekamut sillaksub issunginêtut, sângnelo tuksiaromârput nallojut kinguvârêngit illunatik.

Imgerut 72:11

Attannît illunatik tuksiarvigijomârpât, nallojullo illunatik kivgartoromârpât.

Imgerut 86:9

Nallojut illunatik pingortilauktattit tikkitsomârput, tuksiaromârlutiglo sângne Nâlegak, attîllo opigilugo;

Jesaiase 14:2

Nunaᴋatigêksuillo tigujomârpait aitillugillo nunagijaksangannut, Israêlikkullo kivgarijomârpait taipkoa angutillo arnallo Nâlekab nunangane; pititigijatiglo parngnanairsimavingmut pititsomârpait parngnanairsimavingmut, attaniojomârpullo attanerijamingnut.

Jesaiase 54:3

Tallerpivit tungânut saumivillo tungânut sivumuaromâravit; kinguvâksavillo nallojut kingormgutijaksarijomârmagit, iglugasaksuillo asserorsimajut inuᴋartillugit.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Daniel 7:14

Tunitjiviovorlo nâlegaunimik, ânanaunimiglo, ataniovingmiglo, inôᴋatigêt, nunaᴋatigêllo, oᴋausiᴋatigêllo ilûnatik kivgartorᴋovlugit tâpsominga; nâligauninga nâligauniovoᴋ issoᴋangitoᴋ, sorairniangilaᴋ, atanioningalo assirotauniatsangilaᴋ.

Daniel 7:18

Kotsingnipângojûbli ivjornaitoᴋotingita ataniovik pigilârpât, piᴋutigitsainarlugolo, ilâ, issoᴋangitoᴋsoarmut aglât.

Daniel 7:22

Uvlut inuᴋoartungat tikerᴋârtinago, ᴋotsingnipângojûb ivsornaitungit idluarsartauvut; naliutivorlo ivsornaitut ataniovik pigilimatsuk.

Obadia 1:21

Piuliklertuksallo majuaromârput Zionib ᴋaᴋᴋanganut idluarsaromavlugit Esauib ᴋaᴋᴋanganêtut, nâlegauviglo Nâlekab pigilârpâ.

Saggaria 14:9

Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.

Lukase 1:33

Jâkoblo iglunganut ataniojomârpok issoᴋarniangitomut, atanioningalo naggateᴋaromângilak.

Johannese 12:34

Tagva inuit kiovât: Perᴋojanit tusarpogut Kristûse isoᴋangitomut-itsainarmat. ᴋanorlo oᴋarᴋât: Inûb Erninga ᴋangatartitaujariaᴋarpôᴋ? Inûb Erninga tâmna kinauvâ?

I Korintemiunut 15:24

Tamattoma kingorngagut naggatiksak, nâlegauvik pititsomârpago Gûdemut Atâtamut nâlegaunerillo, ataniotinerillo pitsartunerillo tamaita atorungnairᴋojomârunigit.

Takotitaunermik 11:1

Tunitsiviovungalo suvlolingmik ajaupiatun-itomik, oᴋautjauvlungalo: Nikovidlutit ôktoruk Gûdib Tempelinga, Altârelo, taᴋamanelo tuksiartut.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.