Daniel 7:2 - Labrador Inuttitut Heritage Bible

² Danielilo niplipoᴋ oᴋarlunilo: Unnuarmi takotitjutipkut takovunga, ahâglo, ᴋilaub anoringit sitamat imarbiksoarmut tikiput.

Daniel 7:2 Iomraidhean Croise

Jesaiase 17:12

Kappianarmêk nunaᴋatigêt unuktovaksuit ukkoa! Iktullijârput, sôrlo imarbik iktullijârmat, inuillo ᴋuᴋudlarningat nipallâvoᴋ, sôrlo imaᴋsuit nipallângmatta.

Jeremia 49:36

Elamemullo tikiutitsomavakka anorit sittamat ᴋilaub issunginit sittamanit, anorinullo tâpkonunga tamainut siamartitsomavakka; inôᴋatigêksoaᴋarniangilarlo tikitaulungitunik Elamemit ᴋemâtitaujunut.

Jeremia 51:42

Imarbik majuarpoᴋ Babilonemut; uliktauvoᴋ malliksoangita unurninginut.

Daniel 11:4

Nikovisimalerpalli ataniovinga siᴋomitaujomârpoᴋ, avgorlugo ᴋilaub anoringinut sitamanut; kinguvânginu-ungitorli, atanioninilônêt atanionirilauᴋtani maliklugo-ungitoᴋ; ataniovingali tigujaujomârmat, tâpkoa assinginut pijaksauvluni.

Daniel 2:19

Tagva nalonadlartoᴋ tamanna nalonaijartauvoᴋ Danielimut takotitjutikut unnuarmi. Danieliblo ᴋilaub Gudinga nakoridlarpâ.

Daniel 7:13

Takotitjutini unnuarmi takovunga, ahâglo, ᴋilaub nuvujangini ᴋaijoᴋarpoᴋ inûb iningatun-itomik, tikiporlo uvlut inuᴋoartunganut, âpâllo tâpsoma sânganut.

Daniel 7:7

Mattoma kingorngani takotitjunik takovunga unnuarmi, ahâglo, ômajut sitamangat, takominaidlartoᴋ iᴋsinadlarlarmelo, sangijoᴋsôdlarlarmilo; kigutiâluᴋarpoᴋ kikiangnik: nirridlarpoᴋ siᴋalitsilunilo, amiakôjullo tullirajârpait itikaminut; ômajullo sivorlini adsigilungimarikpait; nakjuᴋarporlo 10nik.

Daniel 8:2

Takotitjumilo takovunga; takogamalo imailingavoᴋ, igluᴋsoarmêpunga Susami, nunami ingmikôrtomi Elamamik attilingmi; takotitjumilo takovunga, kôblo Ulaimik attiliub sinânêpunga.

Daniel 8:8

Tuktungajorlo parngniᴋ nitortipoᴋ nangminiminik angijoᴋsoarmik; nukkiᴋaluangotilugolo, nakjuksoaᴋ nakarpoᴋ; tâmnali inangilugo nakjut pirosimatsiartut sitamat nuiliput ᴋilaub anoringit sitamat sângalugit.

Saggaria 6:5

Engeliblo akivânga oᴋarlunelo: Makoa tagva ᴋilaub anoringit sitamat, noᴋangaᴋârlutik nunaksûb ilûnane Nâlegangata sângane anilertut.

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Takotitaunermik 17:15

Engeliblo oᴋarvigivânga: Imeksuit takojatit, anguniartub iksivavigijangit, tagga inugasaksuit, katimajoksuillo, nelojullo, ingmigôlingajuniglo oᴋausilit.

Takotitaunermik 7:1

Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.