Daniel 6:8 - Labrador Inuttitut Heritage Bible

⁸ Mâna, ataniᴋ, initirijutiksaᴋ palangairlauruk, aglaillo nalonaikusikit, soᴋosirungnaiᴋovlugit, Medenimiut Persiamiullo piᴋojangit soᴋosirungnangitut maliklugit.

Daniel 6:8 Iomraidhean Croise

Ester 1:19

Atanniub nâmagikpago, tagva perᴋojamik atannersiumik Annijoᴋarle tapsomangat, aglaktaujoᴋarlelo Persiamiut Medenmiullo malligaksangit tappagijaujuksaulungitut, malliklugit, Vasthi atanniub Ahasverosib sânganut tikkitsungnaikovlugo, atanniublo taipsoma atannioningata illinganinga tunniliuk, taipsoma inûᴋattinganut idluariᴋejanganut;

Ester 3:12

Tagva atanniub aglakpaktoᴋotingit ᴋaiᴋojauvut takᴋit sivurlingata uvlungita 13 ingane; aglaktaulerporlo taimâluatsiak sôrlo Haman perᴋojingmat, atanniub angajoᴋâksoaᴋotinginut, aulatsijunullo nunanik, nunane sunatuinarne, inûᴋattigêksuillo attunît nunane angajoᴋaunerôjunginut, inûᴋattigêksuit attunît aglaningit oᴋausingillo malliklugit, atanniub Ahasverosib atingane, atanniublo ᴋetterdlermêᴋotinganut nâkkitertauvlutik.

Ester 8:10

Aglakporlo (Mardachai) atanniub Ahasverosib atingane, nakkiterpaillo atanniub ᴋetterdlermêᴋotinganut. Aglaillo tillikliutivait tillijattigut horseojartut inutsût ᴋângine ablangajutigut.

Ester 8:3

Esterelo ama oᴋarivok atanniub sângane, pamakterlunelo ittiggangita sânganut ᴋennuvigivâlo pêjaiᴋovlugo Hamanib Agagitereôjub kassêninganik, kajusimaninganiglo. Jûdit akkerartorlugit issumagilauktanginik.

Ester 8:8

Tagva mânna illiptik aglaleritik atanniub atingane Jûdit pivlugit nâmagijaptingnik, nâkkiterlugillo atanniub ᴋetterdlermêᴋotinganut. Aglait atanniub atingane aglaksimajut, atanniublo ᴋetterdlermêᴋotinganut nâkkitersimajut pitsartuêrotitaujungnangimatta.

Imgerut 94:21

Kippalilutik kattimalerput idluartub tarninga akkerartoromavlugo, auglo passijaksaungitok passijaksaunerarpât.

Jesaiase 10:1

Kappianarmek illusernik piungitunik illuseᴋarᴋojijut, aglangnik siorniûtiksaujunik aglakpaktut,

Daniel 5:28

Peres; ataniovît avgortauvoᴋ tunijauvlunilo Mediamiunut Persiamiunullo.

Daniel 6:12

Kaivut tagva, oᴋarlutiglo ataniub sângani ataniub initirijutinga pitjutigivlugo: Initirijutiksaᴋ nalonailingikiûk, angutit naliallônêt ᴋinulipat gudit inuillônêt nalianit, igvit assingnit, ataniᴋ, uvlut 30 nâvlugit, igitaksaungmat loivit itisâluanût? Kiovlunilo ataniᴋ oᴋarpoᴋ: Tamanna, nalautsivoᴋ, Medenimiut Persiamiullo piᴋojangit soᴋosirungnangitut maliklugit.

Daniel 6:15

Tagva angutit tâpkoa ilagêklutik kativut atanimut, oᴋautilugolo: Nalungilatit, ataniᴋ, Medenimiut Persiamiullo piᴋojangit imaingmatta, initirijutit piᴋojallo naliallônêt ataniub palangairtanga soᴋosititaujungnangimat.

Mattêuse 24:35

ᴋilaglo nunalo nungujomârpuk, oᴋausikkale nungujomângilat.