Daniel 6:28 - Labrador Inuttitut Heritage Bible

²⁸ Danielilo tâmna pilluangolipoᴋ Dariusib atanioningani, Korasiblo Persiamiojub atanioningani.

Daniel 6:28 Iomraidhean Croise

II Kronika 36:22

Koresible Persiamiut attanningata Jaringita sivurlingane, nallautsilerᴋovlugit Nalekab oᴋausingit, oᴋauserilauktangit Jeremiab ᴋanningagut, Nalekab Koresib Persiamiut attanningata annerninga tuppaksarpa, akpautigijauᴋojiᴋovlugo attanniovingmine illunane, aglaktigullotauk, oᴋarᴋojilunelo:

II Kronika 36:23

Imâk Korese Persiamiut attanningat oᴋarpok: Nalekab ᴋillaub Gudingata tunnitsivigilaukpânga attanniovingnik tamainik nunane, perᴋolaukpângalo iglomik igloliorlugo Jerusaleme Judame. Kina manna akkonapsingne tapsoma innuᴋotinginut illingajok, tamna Nalekab Gudingata aipariliuk, takpaungarlunelo.

Imgerut 77:15

Igvit innugasaksoaᴋotitit piulilaupâttit tallermut pitsartudlartomut, Jakob Josefiblo ᴋittorngangit, Sêla.

Jesaiase 44:28

Korassemut oᴋartunga: Tâmna pairᴋsijungortipara, pijomajaralo tamât nãmasititaksarivâ, Jerusalemut oᴋarᴋovlugo: Igluᴋalerit! Kattimaviksûblo tungaviksangit illijaulit!

Jeremia 32:20

Nalunaikutanik tatamnartuniglo pititsilauᴋtotit nuname Egipteneme uvloᴋ tamanna tikidlugo, Israêleme tâpkoalo assingita akorngane; tusaumajautilutillo sorlo uvlome;

Daniel 1:21

Danielilo tagvanêpoᴋ ataniub Koresib jâringita sivorlipângat tikidlugo.

Daniel 10:1

Koresib, Persiamiut ataningata, jâringita pingajuani oᴋausiᴋ nalonaijartauvoᴋ Danielimut, Beltesasarimik atsirataujomut; oᴋausilo miksiᴋârtôvoᴋ, tamadja sorᴋsungnisoarmik; tâpsomalo oᴋausiᴋ tukkisilugo takotitjut ipaksigivâ.

Daniel 3:29

Tamanna pivlugo piᴋojivunga imaitomik, inôᴋatigêt, nunaᴋatigêlônêt, oᴋausiᴋatigêllônêt nallit oᴋarnilutjijut Sâdrakib, Mîsakiblo, Abednigoblo Gudinganik avgortaulârput, iglungillo atsiviksangortitaulârput: tâpsoma assianik gudiᴋangimat taimak piuliklirungnartomik.

Daniel 5:28

Peres; ataniovît avgortauvoᴋ tunijauvlunilo Mediamiunut Persiamiunullo.