Daniel 6:26 - Labrador Inuttitut Heritage Bible

²⁶ Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Daniel 6:26 Iomraidhean Croise

Esra 1:3

Kina mana akkunapsingne tapsoma innuᴋotinginut illingajok, tamna Nalekab Gudingata aipariliuk, takpaungarlunelo Jerusalemut Judamêtomut, igloliorlunelo Nalekab Israelib Gudingata iglunganik. Gudeôvok tamna Jerusalemêtok.

Esra 7:21

Uvanga attanniôjunga Arthasastha, tamanna perᴋoᴋauvara pimaklertunut illunainut kôksub ungatânetunut, sunamik Esrab, ajochertuijub, aglangniglo illissimajub ᴋillaub Gudingata perᴋojanginik, ᴋaitauᴋojanginik illipsingnit, tammakkoninga attaruilivluse pinniarᴋovluse;

Imgerut 119:120

Erksigapkit ᴋêungomivunga idluarijatillo kakkilârutigivakka.

Imgerut 146:10

Nâlegak attaniôvok issoᴋangitomut, Gûdeotsainarpok illingnut Zion sorairane. Hallêluja.

Imgerut 2:11

Nâlegak kivgartorsiuk sivôraluse, ᴋuviasuleritselo sajukluse.

Imgerut 29:10

Nâlegak iksivalaukpok ullitornivaksoaᴋartillugo, Nâlegarlo attanniovlune iksivajomârpok issoᴋangitomut.

Imgerut 42:2

Tarniga ᴋêlerpok Gûdemut, Gûdemut ômatsainartomut. Kakkugo tagvunga tikkitsomârᴋik Gûdib kênangata sângane saᴋᴋijârlunga perᴋovlunga?

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 3:29

Tamanna pivlugo piᴋojivunga imaitomik, inôᴋatigêt, nunaᴋatigêlônêt, oᴋausiᴋatigêllônêt nallit oᴋarnilutjijut Sâdrakib, Mîsakiblo, Abednigoblo Gudinganik avgortaulârput, iglungillo atsiviksangortitaulârput: tâpsoma assianik gudiᴋangimat taimak piuliklirungnartomik.

Daniel 4:3

Nalunaikutangit angijôdlarput, tatamnartuliningillo pitsartudlarput! Nâlegauvinga issoᴋangitomut itsainarpoᴋ, atanioningalo kinguvârênit kinguvârênut ipok.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 6:20

Itisâlublo pânganut Danielimut tikigami, ᴋaigarsukpoᴋ nippimut ârusuktomut; niplilunilo ataniub Danieli oᴋautivâ: Daniel, Gudib ômajub kivganga, Gudivît kivgartutsainartavît piulijungnarᴋâtît loivinît?

Daniel 7:14

Tunitjiviovorlo nâlegaunimik, ânanaunimiglo, ataniovingmiglo, inôᴋatigêt, nunaᴋatigêllo, oᴋausiᴋatigêllo ilûnatik kivgartorᴋovlugit tâpsominga; nâligauninga nâligauniovoᴋ issoᴋangitoᴋ, sorairniangilaᴋ, atanioningalo assirotauniatsangilaᴋ.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Hosea 1:10

Israêlib ᴋitorngangit imarbiub siorangititut ôktortaujungnangitutitut kititaujungnangitutitullo unuktigijomârmatta, pijomârporle, inine oᴋautijauvigilauᴋtangine: Inuᴋutaulungilase uvamnut; tagvane oᴋautijaujomârput: Kitorngauvose Gudemut ômatsainartomut.

Mâlaki 3:6

Uvanga Nâlegaᴋ soᴋosijuigama; taimaimat ilipse Jâkob ᴋitorngangit nungutaungilase.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Lukase 1:33

Jâkoblo iglunganut ataniojomârpok issoᴋarniangitomut, atanioningalo naggateᴋaromângilak.

Lukase 12:5

Sivôragijaksapsingnigle oᴋautijomavapse: Tâmna erᴋsigisiuk, toᴋotsijarêrune, pitsartuneᴋarmijok egitsinermik ânianartovingmut. Ilâ oᴋaupapse, tâmna erᴋsigisiuk.

Apostelit Piniarningit 17:25

Inuit agganginuttauk kivgartortaujariaᴋangilak, sumik ajoᴋsartotut; nangminek tamaita inôtingmagit anerneᴋalertilaitalo, piksanginiglo tamainik tunitjivigingmagit.

Rômiunut 9:26

Imaitsomârivoᴋ: Tâpkoa oᴋautjauviane: Inuᴋotigingilapse, tagvane Gûdib ômajub ᴋitornganginik taijaujomârput.

Deuteronomy 5:26

Kinauvâ uvinilingnit tamainit tusarimajok Gûdib ômajûb nippinganik oᴋâlajomik ikomab iluanit uvaptitut, inôgannerlunelô?

I Tessalônikamiunut 1:9

Nangmineᴋ taipkoa oᴋautigingmase, ᴋanoᴋ angitigijomik nâlekaptigut; ᴋanorlo Gûdemut sâgiarapse, tunudlugit Gûdeungitut, kivgartoromavlugo Gûde ômajoᴋ mikseᴋârtorlo;

Ebrêerinut 12:29

Gûdivut ikomaungmat nungutsijoᴋsoaᴋ.

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 4:10

Angajoᴋaunerôjut 24 it pâmaktervigivât iksivautaᴋsoarme iksivajok, tuksiarvigivlugo issoᴋangitomit issoᴋangitomut inôjok, niaᴋôtitiglo ilivait iksivautaᴋsûb sânganut, oᴋâlavlutik:

Takotitaunermik 5:14

Omajullo sitamat oᴋarput: Amen. Angajoᴋaunerôjullo 24 it pâmakterdlutik tuksiarvigivât issoᴋangitomit issoᴋangitomut ômatsainartok.

I Samuel 17:26

Tagva Davide angutinut nangerᴋattigijaminut oᴋarpok: Sunamik tamna pinniarvioniarᴋa Filisteremik ominga ullimarniktok, kangusuktitaunermiglo tamattominga pejaijok Israelemit? Kinauvâle Filistere kippisimangitok una, Gudib omatsainartub sorsuktuksaksoaᴋotingit mittautigingmagit?

I Samuel 17:36

Taimak kivgavit tamarmik Loewelo aklarlo annaulaukpak. Taimaglo manna Filistere tamna kippisimangitok îtuksauvok taipkoa illangatut; Gudib omatsainartub sorsuktuksaksoaᴋotingit mamailisarlaungmagit.