Daniel 6:20 - Labrador Inuttitut Heritage Bible

²⁰ Itisâlublo pânganut Danielimut tikigami, ᴋaigarsukpoᴋ nippimut ârusuktomut; niplilunilo ataniub Danieli oᴋautivâ: Daniel, Gudib ômajub kivganga, Gudivît kivgartutsainartavît piulijungnarᴋâtît loivinît?

Daniel 6:20 Iomraidhean Croise

Genesis 18:14

Nâlekamut sumiglônêt ajornartoᴋarᴋâ? Achâgo nalliutikpat tikkitsomârivunga illingnut, tagva Sara erneᴋaromârpoᴋ.

I Kronika 16:11

Nalegak, apperᴋutigisiuk, pitsartuningalo, kênanga ᴋenitsainarsiuk.

Imgerut 119:112

Omattiga sangutipara, idluarijattit malliklugit piniatsainaromavlunga issoᴋangitomut.

Imgerut 146:2

Nâlegak nertoromavara inôtsima sivitûningane tamât, Gûdigalo nertorlugo imgervigijomavara înimne.

Imgerut 73:23

Sulle illingnêtuatsainalaukpunga; igvit tigumilauramga aggangnut tallerpingnut.

Jeremia 32:17

Nâlagaᴋ Gudik! Ahâk, ᴋilaᴋ nunalo pingortilauᴋpakik pitsartunersoarnut talingnullo issangmijomut; ajornartoᴋangilaᴋ ilingnut;

Daniel 3:15

Takuitsi, atuinaugupsi ᴋangaugaloarpat tusartuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktiromavlusi opigilugolo inungoaliarimajara, nâmakpoᴋ; opigosulungikupsili, tagva tagvainaᴋ igitaujuksauvosi kiaksautiâlub ikomaliksûb ᴋiᴋânut; kinauvâlo Gudeojoᴋ piulijungnartisi aggamnit?

Daniel 3:17

Taimaigiaᴋarpat, Gudivut kivgartortavut sapilungilaᴋ piuliluta kiaksautiâlungmit ikomaliksoarmit; piulijomavâtigullo aggangnit, ataniᴋ.

Daniel 6:16

Ataniᴋ piᴋojivoᴋ tagva, Danielilo ᴋaipât igilugolo loivit itisâluanut. Ataniublo nipliluni Danieli oᴋautivâ: Gudivît soraijuitomik kivgartortavît piuliniarpâtit.

Daniel 6:19

Uvlârarsukut tagva ataniᴋ makipoᴋ, tuavidlunilo loivit itisâluanut aivoᴋ.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Daniel 6:27

Piuliklipoᴋ saputjivlunilo, nalonaikutanik tatamnartuniglo piniarpoᴋ ᴋilangmilo nunamilo; tâpsomalo Danieli piulivâ loivit pitsartuninginit.

Hosea 12:6

Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.

Numbers 11:23

Nâlekablo Mosese oᴋautivâ: Nâlekab aggangit nailisimavât? Mâna takolârpotit oᴋausera nelautsimangât ilingnut, nelautsingimangâllônêt.

Lukase 1:37

Gûdeme ajornartoᴋangimat.

Lukase 18:1

Adsiujomigle oᴋautivait, soraijuitomik tuksiariaᴋarnivut pitjutigilugo, inertuinata.

Apostelit Piniarningit 6:4

Uvagulle sorairata tuksiarlutalo oᴋâlajomavogut oᴋautsinik tusarnertunik.

Rômiunut 2:7

Imâgle: ᴋenuersârlutik ajungitulinermut pinasuartut nertornartomiglo nâlangnartomiglo soᴋosijuitomiglo taipkoa inôgumik nungusuitomik tunisivigijomârpait;

II Korintemiunut 1:10

Toᴋomit taimaitomit tâpsoma piulilauᴋpâtigut, sullelo mâna piulivâtigut: tattigivavullo mattoma kingorngaguttauᴋ piulijomârmatigut,

Kolossamiunut 4:2

Soᴋosijuidluse tuksiaritse, taimailiorluselo pigâritse ᴋujalivluse.

II Timôteusemut 1:12

Tamannatauk pivlugo taimâk kappiasuktitauvunga; kangusûtigingilarale tamanna; okpervigijara ᴋaujimagapko, nalutsanginivaralo, tâpsoma pigumitâk piksara saputijungnarmago uvluksak imna tikidlugo.

Ebrêerinut 7:25

Taimaimat tâpsomûna Gûdemut pijut, tâpsoma piulijungnarpait soraijunane; inôtsainarlarmelo tuksiarutivait.

Jâkobusib 1:25

Ullernairsitsiartorle perᴋojamik nâmamariktomik kivgaujungnaititsijomik, tâpsomanêdlunelo sorairane; tâmna puigorsârane tussatuinangilak, nâleklugole piniarpok; tamailiornermine tâmna piloringniarpok.

Jûdasib 1:24

Tâmnale ilipsingnik sapputsijungnartoᴋ passijaksaunase, pidlaraksaunaselo saᴋᴋertitsijungnartoᴋ ilipsingnik ᴋuviasukluse;