Daniel 6:10 - Labrador Inuttitut Heritage Bible

¹⁰ Danielilo ᴋaujilirami aglait nalonaikusitauninginik, majuarpoᴋ iglominut, (igalângit taima iglominêtut Jerusalimut sângajut upkoêrput) siᴋortorporlo pingasuitorluni uvloinaᴋ, tuksiarlunilo Gudine ᴋujagivâ, sorlo sivorngani ilusiᴋarami.

Daniel 6:10 Iomraidhean Croise

I Atannit 8:30

Taimâk tagva tusalaurit kivgavit inuᴋotivillo Israelitit ᴋenuninginik ᴋenuneriniartanginik mâne; tusalerit tamattominga inneme, innigijarne ᴋillangme, tusalaurit isumagijungnailugillo ajornerit.

I Atannit 8:38

Tuksiartut ᴋenujullo tamaita, inuit nellîllonêt, inuᴋotitit Israelitillonêt, tukkisilerpatta attunît omatimik pagvinarninganik, aggatiglo issangniarpatigik iglomut omunga;

I Atannit 8:44

Inuᴋotitit aularniarangatta unatadlarnermut omigijitik sorsugvigilugit apᴋome tilliklerutigijarne tapᴋoninga; tuksiarniaraikpatta Nâlekamut, iglugasaksuit annerilauktatit sâdlugit, iglolo aternut igloliolauktara sâdlugo.

I Atannit 8:54

Salomoblo tuksiarnerit ᴋenunerillo tamakkoa tamaita nâgamigit Nâlekab sângane, tagva makkipok Nâlekab Altareᴋotinganit, serᴋortornermit aggane issangmilugit ᴋillangmut.

II Kronika 6:13

Salomoble ikkovrak kannujaujok sannalaukpa, nappartilaukpâlo inniub avaluliorsimajub ᴋerᴋânut, tallitut tallimatut tukkimutotigijok, sannimutotigijorlo, tallitullo pingasotut poktotigijok; tapsoma ᴋânganut nangeriartorpok, serᴋortorlunelo illagêt Israelitit illunamasiatik sângine, agganelo issangmivait ᴋillangmut,

II Kronika 6:38

Taimaglo sâlerpatta illingnut omamut tamânut, nuname parngnanairsimavigijamingne, parngnanairsortauvlutik aulartitauvigijamingne, tuksiarpattalo sâlutik nunagijamingnut atâtagijanginut tunnilauktarnut, iglugasaksoarnullo annerilauktarnut, iglomullo igloliorlauktamnut atternut;

Esra 9:5

Tunnergutiblo unnuksiutib tunnijauviane nikkovipunga paksarnimnit annoralijarlunga, ullilijarlungalo alliksimajunik, serᴋortorpungalo aggakkalo issangmilugit Nalekamut Gudimnut,

Nehemia 6:11

Uvangale oᴋarpunga: Angut uvaptun-îtok ᴋemâjuksauva? Angullo taimaitok uvaptut Tempelemut aijuksaunajarᴋa Inoᴋojomavlune? Kamungaromalungitunga.

Imgerut 34:1

Nalegak nakorijomavara nalliutunne tamaine, nertortauninga ᴋanimnêtsainartuksauvok sorairane.

Imgerut 5:7

Uvangale iglungnut itteromavunga pitsiartoksônît pivlugo, tuksiaromalungalo Tempeleᴋotit ivsornaitok sângalugo sivuranerme illingnik.

Imgerut 55:17

Unnuktillugo uvlangotillugolo ᴋetterartillugolo ârusugomavunga ᴋêajomalungalo; tagva nippiga tussarniarpâ.

Imgerut 86:3

Nâlegak saimarviginga; uvlut tamaita nipliavigigapkit.

Imgerut 95:6

ᴋaititse, opigosukta, sêrkortorlutalo, pâmakterlutalo Nâlekab sannajipta sângane.

Daniel 6:13

Tâpkoalo kiovut oᴋarlutiglo ataniub sângani: Danielib ipsoma, Judit aularutijaujut ᴋitorngangita ilangata, kamagingilâtit, ataniᴋ, initirijutiksarlônêt nalonaikusilauᴋtat, uvloinarli pingasuitorluni tuksiarsôngovoᴋ.

Daniel 9:4

Tuksiarpungalo Nâlekamut Gudimnut, kigligiksarlungalo oᴋarlunga: Nâlegaᴋ, Gudeojotit angijoᴋ sivôranartoᴋsôjorlo, angirutigijarnik nâpkiningnimiglo nalautsititsijotit nagligijingnut piᴋojarniglo nâliktunut;

Jona 2:4

Oᴋarpungalo: Pingujartauvunga ijîkpît sângangnit; takosaromârpungale sulle katimavingnut ivsornaitomut.

Markuse 3:3

Inungmullo toᴋungajunik aggalingmut oᴋarpoᴋ: Tamaunga pît!

Lukase 14:26

Uvamnut tikitub, atâtane, anânanelo, nulianelo, ᴋitornganelo, ᴋatangutinelo, nangminerlo inôtsine ômigingipagit, tâmna ilinniartigijungnangilara.

Lukase 22:41

ᴋemakpait tagva millûtib tupvingatun ᴋanitigijomut, sêrᴋortorlunelo tuksiarpok.

Apostelit Piniarningit 10:9

Uvlub aipangane, tâpkoa apᴋomêtilugit, iglugasaksuillo ᴋaglilermatigik, Pêtruse iglut ᴋolerpânganut majorarpok tuksiaromavlune, uvlub standingita 6 ingane.

Apostelit Piniarningit 2:15

Talangilat tâpkoa talanganasugijase, uvlâk stundinga 9 otuinarmat.

Apostelit Piniarningit 20:24

Tamakkoale tamaita sivôragingilakka, inôseralo nangminek ivleringilara, ᴋuviasuklunga nunamênera nâniaromavlugo, kivgartorneralo Nâlekamut Jêsusemut perᴋojaumanera, oᴋautigivlugo Gûdib saimarsautâ oᴋautsinut tusarnertunut.

Apostelit Piniarningit 20:36

Taimaglo oᴋarêrame sêrᴋortulerpok tuksiaᴋatigilugillo tamaita.

Apostelit Piniarningit 21:5

Uvlullo tâpkoa nângmatta, aularpogut ingergavluta ilûnatiglo ᴋanilârpâtigut, nuliatiglo ᴋitorngatiglo ilagilugit iglugasaksuit silatânut; sêrᴋortorpogullo imab kiglingane tuksiarlutalo.

Apostelit Piniarningit 3:1

Pêtrusele Johanneselo majoraᴋatigêkpuk katimaviksoarmut, stundit 9 ingane, tuksiarviovaktok naliutitilugo.

Apostelit Piniarningit 4:29

Mânalo Nâlegak, silungninginik takusarit, kivgatillo sivôranatik oᴋâlatikit oᴋausernik.

Apostelit Piniarningit 5:20

Aileritse, sakᴋerluselo katimaviksoarme, oᴋautsiniglo ômanartunik ukuninga tamainik oᴋâlatitse inungnut.

Apostelit Piniarningit 5:29

Pêtrusible kiovait Apostelillo oᴋarput: Gûde nâlengnarnersauvoᴋ inungnit.

Apostelit Piniarningit 7:60

Sêrᴋortolerporle nipliadlarlunelo: Nâlegak idluitulininganit tamattomangat isumagijungnairvigikit! Tamattomingalo oᴋarêrame sinisilerpok.

Apostelit Piniarningit 9:40

Pêtrusiblo tamaita anitinamigit, sêrᴋortorlune tuksiarpok, timelo tagva sâdlugo oᴋarpok: Tabêa, makitit! Uipok tagva; Pêtruselo takogamiuk, makilune ingipok.

Efêsusemiunut 3:14

Tamanna pivlugo Nâlegapta Jêsusib Kristusib Atâtanga sêrᴋortorvigivara,

Filippimiunut 1:14

Katangutillo Nâlekame unuktut ᴋelarutimnut tatiksarsivut, sivôranatik oᴋauseᴋ oᴋautigivlugo ilerasugatik.

Filippimiunut 1:20

Taimâk utakᴋivlunga ᴋilanâdlarlungalo neriukama, kangusuktitaunianginama sunalônêt pivlugo; (nerriukpungale) ilerasuktinanga, ilusiptut tamât mânatauᴋ aglât Kristuse angijomik timipkut nertortauniarmat, inôgumalônêt toᴋogumalômêt.

Filippimiunut 4:6

Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.

Ebrêerinut 4:16

Taimaimat sivôralugata iksivautaᴋsoaᴋ saimarvigijauvik nellipsarlavut, nâpkigijaulerᴋovluta, saimarsaumiglo nagvârᴋovluta piulijaujariaᴋarniptingne.

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.

Takotitaunermik 2:13

Sulijatit ᴋaujimavakka, nunaᴋarnîllo nane, Sâtanasib iksivautaᴋsoangata ininganek ateralo atavigigangne, okpernerlo uvamnut misiarutiginago uvlune ipkonane aglât, Antipase ataruilivlune uvamnik kigligiutsijok toᴋotaungmat ilipsingne, Sâtanasib ineᴋarviane.