Daniel 5:27 - Labrador Inuttitut Heritage Bible

²⁷ Tekel; kiktitautingni ôktortauvotit, oᴋiluarlutillo naipitauvotit.

Daniel 5:27 Iomraidhean Croise

Hiobe 31:6

Tagva kiktitartaulanga kiktitautingnut idluartûngnut, tagva Gûdib idluitailinera tukkisiniarpâ.

Imgerut 62:9

Innuille ᴋittorngangit sunaungimarikput; Inuit pijariaᴋortojut saglopakputtauk; kiktitautingne oᴋinersauvut sunaungitomit unnuktôgalloarlutik.

Salomob Okâl 16:2

Ilûnatik attunît apᴋotigijatik ivsornainasugivait, Nâlekable annernerit nautsertorpait.

Salomob Okâl 21:2

Ilûnatik apᴋotigijatik idluarasugivait; Nâlekable ommatit nautsertorpait.

Jeremia 6:30

Inuit tainiarpait silberemik egitaumajomik, Nâlakab ajaktolaungmagit.

Hesekiel 5:1

Igvillo, inûb erninga, tigusigit saviksoarmik ipiktomik, umêjautitut atoraksarivat ilingnut, tâpsomungalo nujaᴋtit umitillo salikit; kiktitautiniglo tigusigit nujaᴋtillo avilugit.

Nahum 1:14

Pivlutillo Nâlegak perᴋojisimavok, ilingnut ateᴋartunik kingorliksaᴋarungnaiᴋovlugo; gudingoaᴋotivît iglunganit kipijomavakka inungoaliarimajatit saviksimajut inungoallo kovisimajut; iluviksalioromavagit suksaujungnairavit.

I Korintemiunut 3:13

Ilûnatik sananingit nalonaromâtsangilat; uvlub (tikitsomârtub) sakᴋertitsomârmagit; ikomamut nalonaititaujomârmatta, ilûnatiglo sananingit ᴋanok ilingangmangâta, ikomab ôktoromârpait.