Daniel 5:23 - Labrador Inuttitut Heritage Bible

²³ Angijorortipotilli ᴋilaub Nâliganganut; tâpsomalo iglungata ᴋajûtangit sângnut âtauvut, igvillo nâligarijatillo nuliatillo panervgatillo vainitorposi tâpkonangat, nitordlipotillo gudingoarnik silbirimit, goldimillo, ᴋaᴋorlimit, kikiangmillo, ᴋijungmit, ujarᴋanillo sinamajunik, tautulungitunik, tusângituniglo, ᴋaujimangituniglo; Gudelo, aggangmini anininik apᴋotigijarniglo piᴋartoᴋ, nitulungilat;

Daniel 5:23 Iomraidhean Croise

Genesis 14:19

Saimauserpâlo oᴋarlune: Saimausertaule Abra Gûdemut ᴋotsingnerôjomut, ᴋilangmiglo nunamiglo perᴋutetalingmut.

Genesis 2:7

Gûdelo Nâlegaᴋ ivjomit, nunab ilanganit, inuliorpoᴋ, supporlugolo anernermik ômanartomik ᴋingâkikkut. Taimaglo inuk tarnelingorpoᴋ ômajomik.

II Atannit 14:10

Edomiterit salagilaukpattit, tamanna omattivit piojorijutigiva. Nertornaut tamanna pigiuk, nunangnêtuarlutillo, sôg ᴋanoêtoksiorkît, ochoᴋovlutit Judialo ilagillutit?

Hiobe 12:10

Aggangminêtoliub inôjut tamaita tarninginnik, uviniggillo tamaita attunit annerninginnik?

Hiobe 31:4

Apᴋosinikka takkungilait, kittilungilaillo ablornikka ilûnaita?

Imgerut 104:29

Kênait ijerungne tagva ᴋoaksârput; annerningit pêrpâttit, tagva nungulerput, saningormilutiglo.

Imgerut 115:16

ᴋillait tamaita Nâlekab perᴋutigivait, nunale tunnilaukpâ Inuit ᴋittornganginnut.

Imgerut 139:3

Pissugangama inangajarangamalonêt illumavarma; apᴋotigijakkalo tamaita illitarivâttit.

Imgerut 146:4

Innub annerninga nûleriaᴋarmat, îvjungortuksaumilunelo; tagva ᴋajusimaningit tamaita assiovut.

Salomob Okâl 20:24

Ilûnâmassiatik attunit arvertarningit. Nâlekamit pivut; ᴋanorlo inûb apᴋosinerivaktane ipaksijungnarᴋauk?

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Jesaiase 14:13

Omatikkut issumaᴋaralloarpotit imâk: Kilangmut ᴋongmuaromavunga, iksivautaᴋsoaᴋotiga Gûdib uvloriangita ᴋollãne tungaviᴋartitsomavara ingidlungalo ᴋaᴋᴋamut kattimaviojomut apsoma ungatânut.

Jesaiase 2:12

Kilangmiugasaksuit Nâlegangata uvlunga pijomârmat illũnainut piojorijunut pingijaitunullo angijunullo illũnainut, piojorijungnairtitaurᴋovlugit,

Jesaiase 33:10

Mãna parngnaililanga! oᴋarpoᴋ Nâlegaᴋ, mãna nikovilanga, mãna ᴋotsiktomut pilanga!

Jesaiase 37:19

Gûdingillo egipait ikkomamut, Gûdeongimatta taipkoa, inuille aggangita sanajangit, ᴋejungovlutik ujarauvlutiglo; taipkoa nungutipait.

Jesaiase 37:23

Kina mittautigiviûk oᴋarnerlûtigivlugolo? kinamut nippeᴋadlarᴋêt? Arlorpotit, ivlernartitoᴋ Israêlikkune akkerartorlugo.

Jesaiase 42:5

Imâk oᴋarpoᴋ Gûde Nâlegaᴋ, ᴋilangmik pingortitsijoᴋ tassiterijorlo, nunamik issivitsijoᴋ perortunginiglo, inungnut ᴋânganẽtunut inôtsemik tunidjijoᴋ, anernermiglo tunidjijoᴋ arvertartunut tagvane:

Jeremia 10:23

Kaujimavunga, Nâlagaᴋ, inuk aulalungimat nangminerminik; inuk pisuktoᴋ aulatsijungnangilaᴋ ablornerminik.

Jeremia 48:26

Talatisiuk, angijorortingmat nangminerminik Nâlakamut; Moabelo aksapalloajuksauvoᴋ meriartamine, mitautauniarlunalo.

Jeremia 50:28

Kemâjut aulartullo nunamit Babilonemit nippingat, Zioneme unipkautigijomavlugo Nâlakab Gudipta akkiniarninga, katimaviksoarne akkiniarutigingmago.

Jeremia 50:29

Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.

Hesekiel 28:17

Omatit piojorivoᴋ ânanaunît pivlugo, ilisimanîllo asserorpat pinnarnarsinît pivlugo: uvangale egipagit nunamut, pitipagit atanit sânginut takoᴋovlugit ilingnik.

Hesekiel 28:2

Inûb erninga, Tirusib angajoᴋânga oᴋautiuk: Imâk oᴋarpoᴋ Nâlegaᴋ Nâlegaujoᴋ: Omatit pingijaitoᴋsôngmat, oᴋaravillo: gudiovunga, iksivavunga Gudib iksivautaᴋsoangane, imarbiksuit ᴋerᴋâne; inutuinaugaloartilutit, gudeonaglo, ômatillo adsiutinangne Gudib ômatinganut;

Hesekiel 28:5

Ilisimanersoarnut niuverniarnernullo pitsartunît angijororpat, ômatillo piojorititauvoᴋ pitsartuneᴋarnît pivlugo:

Hesekiel 31:10

Tamanna pivlugo imâk oᴋarpoᴋ Nâlegaᴋ Nâlegaujoᴋ: Taimak poᴋtotigingmat, pappingalo nuvujat akornganêngmat, ômatingalo piojoringmat poᴋtoninga pivlugo;

Daniel 11:12

Sorᴋsuktoᴋatigêksuillo aularutijaujomârput, tâpsomalo ômatinga piojorijomârpoᴋ; tausendioᴋâtartuniglo oggotitsijomârpoᴋ, sâlaᴋaromângilarli.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Daniel 8:11

katimgajoᴋsuit nâliganganut aglât angijorortipoᴋ, aᴋsârpâlo tunigutinik nokᴋajuitunik, iningalo ivsornaitovik oggotitauvoᴋ.

Habakûb 2:4

Ahâk, tarninga pingijaidlarpoᴋ, nelâgôrlungilaᴋ iluane; idluartûble okpernine inôtiginiarpâ.

Apostelit Piniarningit 17:25

Inuit agganginuttauk kivgartortaujariaᴋangilak, sumik ajoᴋsartotut; nangminek tamaita inôtingmagit anerneᴋalertilaitalo, piksanginiglo tamainik tunitjivigingmagit.

I Korintemiunut 8:4

Gûdeungitunut tunergutinik nerrinek pivlugo ᴋaujimavogut tagva, Gûdeungitok nuname sunautsangimat, Gûdeᴋangimallo atausetôjub assianik.

I Timôteusemut 3:6

Okpilerᴋammertoungitok, piojorerᴋonago Sâtanasiblo erᴋartuininganut kataᴋonago.

Ebrêerinut 4:13

Pingortitamiglo takuksaungitoᴋangilaᴋ tâpsomunga; ilûnamasiatigle ijersimanatiglo saᴋᴋersimavut ijîkita sângangne; tamanna oᴋautigivavut.

Takotitaunermik 9:20

Amiakoᴋarporle sulle inungnik, kappianartunut tamakkonunga toᴋotaungitunik, ᴋaᴋialingituniglônêt aggangmik piniarningit pivlugit, Sâtanaselo gûdingoallo goldit, silberillo, ᴋaᴋorlillo, ujarᴋallo, ᴋejuillo sanamajut, tautugungnangitullônêt tussarungnangitullônêt arvertarungnangitullônêt tuksiarvigigamigit.

Idluarsaijut 16:23

Filisterille ataningit katimaleramik Gûditik Dagon tunnergutiksamik âtsivigijomavlugo, ᴋuviasugomavlutiglo, oᴋarput: Gûdipta omigijivut Simson tunnilaukpa aggaptingnut.

I Samuel 17:26

Tagva Davide angutinut nangerᴋattigijaminut oᴋarpok: Sunamik tamna pinniarvioniarᴋa Filisteremik ominga ullimarniktok, kangusuktitaunermiglo tamattominga pejaijok Israelemit? Kinauvâle Filistere kippisimangitok una, Gudib omatsainartub sorsuktuksaksoaᴋotingit mittautigingmagit?

I Samuel 17:36

Taimak kivgavit tamarmik Loewelo aklarlo annaulaukpak. Taimaglo manna Filistere tamna kippisimangitok îtuksauvok taipkoa illangatut; Gudib omatsainartub sorsuktuksaksoaᴋotingit mamailisarlaungmagit.