Daniel 5:18 - Labrador Inuttitut Heritage Bible

¹⁸ Ataniᴋ, ᴋotsingnipângojub atâtait Nebukadnezar tunitjivigilauᴋpâ ataniovingmik, angijônimiglo, ânanaunimiglo, inornarnimiglo;

Daniel 5:18 Iomraidhean Croise

II Atannit 25:28

Ilanaksarlunelo oᴋarᴋattigiva, iksivautangalo sivorliotipa atannît tapsomanêlauktut Babeleme ilunnatik iksivautanginit;

Imgerut 47:2

Nâlegak ᴋotsingnerpângojok kappianadlarmat, attanersoangovlune nunaksoarmut illunânut.

Imgerut 7:17

Nâlegak ᴋujagivara idluarninga pivlugo, nertoromavaralo Nâlekab ᴋotsingnerpângôjub attinga.

Imgerut 9:2

ᴋuviasugomavunga serrijomavlungalo illingne, attillo nertorlugo imgerutigijomavara ᴋotsingnerpângôjotit.

Imgerut 92:8

Igville Nâlegak poktojoksôvotit issoᴋangitomut.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 27:5

Uvanga nunaᴋsoaᴋ, inuillo nergjutillo nunab ᴋânganêtut pitsartunersoamnut talimnullo issaksimajomut pingortilauᴋpakka, tunivakkalo tunitjivigijomajamnut idluarijamnut.

Jeremia 27:7

Inôᴋatigêksuillo ilûnatik kivgartortuksauvut tâpsominga, erninganiglo, erningatalo erninganik, tâpsoma nunangata naliuninga tikerᴋârtinago; taipsomanalo tagva inôᴋatigêksuit unuktut atanersuillo kivgartortautilârput nangminermingnik tâpsomunga.

Jeremiab Ogguarutigijangit 3:35

Inûb idluarsartaujutiksanga mumiklugo poktonerpângojûb kênangata sângane,

Jeremiab Ogguarutigijangit 3:38

Ajortorlo ajungitorlo anilungilâk poktonerpângojûb ᴋaninganît?

Hesekiel 31:11

Tunijomârpara inôᴋatigêksuit pitsartunerpângata agganginut; tâpsoma ila piniarvigilârpâ; idluitoᴋsôning apivlugo ajaktorpara.

Daniel 4:17

Pigârtuksat tamanna kajusimautigivât, ivsornaitullo oᴋaᴋatigêklutik piᴋojijutigivât: inôjut ᴋaujimaᴋovlugit ᴋotsingnirojub aulangmago inuit ataniovingat, tuningmagolo pijomajaminut, inuillo nikanarsarnipaujungit ataningortingmagit tâpsomani.

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 4:2

Idluarivara Gûdib ᴋotsingnipaujub nalunaikutangit tatamnartuliningillo piniarnirijangit uvamnut nalonaijaromavlugit.

Daniel 4:32

Inungnit ajaktugauvotit, natinaublo nigjutingini iniksaᴋalârpotit; tuktuvaktitut iviksukatulârpotit, naliunirillo 7nit ᴋângiutilârput ilingnik; ᴋaujimaᴋartinak ᴋotsingnipângojub aulangmago inuit ataniovingat, tunilugolo pijomajaminut.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 5:21

Inuillo ᴋitornganginit ajaktortauvoᴋ, ômatingalo nigjutib ômatinganik adsiᴋartitauvoᴋ, iniᴋarporlo siutiᴋortojuni nujuartuni; iviksukatorpoᴋ tuktuvaktitut, timingalo ᴋausititauvoᴋ ᴋilaub mitsuksoanganut; ᴋaujimaᴋârtinago Gudib ᴋotsingnipângojub inuit ataniovingat aulangmago, pijomajaminiglo angajoᴋângortitsingmat tâpsomunga.

Daniel 6:22

Gudima ingilini tilivâ loivillo siggungit ipumingatipait, tâpkoalo idluiliorvigilungilânga; pasijaksaulunginama tâpsoma sângani; igvillotauᴋ sângni, ataniᴋ, idluitulilaungilanga.

Apostelit Piniarningit 26:13

Nagliktara atanek, uvlok ᴋeterarmat, apᴋomêtilunga, ᴋaumajok ᴋilangmit pijok takovara, seᴋerngub ᴋaumaninganit ᴋaumaluartok, tamattoma ᴋaumarsarpânga ingergaᴋatikkalo.

Apostelit Piniarningit 26:19

Tâmna pivlugo, atanek Agrippase, takolauktamnik ᴋilangmit pijomik okpingilaungitunga;

Apostelit Piniarningit 7:48

Kotsingnerpângojuble inigingilait katimaviksuit aggangnut sanamajut, sorlo nalautaijok oᴋarmat:

Deuteronomy 32:8

Kotsingnerpângojûb inôᴋatigêksuit tunitjivigilaungmagit kingormgutijaksamingnik, inuit ᴋitorngangit aviutitilaungmagit, inôᴋatigêt kiglingit âᴋiksorpait, Israêlib ᴋitorngangita unurningit issumagilugit.