Daniel 5:13 - Labrador Inuttitut Heritage Bible

¹³ Danielilo tagva itititauvoᴋ ataniub sânganut. Ataniublo nipliluni Danieli oᴋautivâ: Tâmnauvêt Danieli, aularutitaumajut Jûdamit ᴋitorngangita, ataniub atâtama tikiutijangita Jûdamit, ilangât?

Daniel 5:13 Iomraidhean Croise

Esra 10:16

ᴋittorngallo parngnanairsortaumalauktut taimailiorput. Ajochertuijublo Esrab atâtallo angajoᴋaunerôjut atâtagijamik iglungine, illunatiglo taijaumajut manna apterpait; ingipullo taᴋᴋit 10 ingata uvlungata sivurlingane, pijoᴋartut tapkoa nautsetoromavlugit;

Esra 10:7

Akpautigijauᴋovâllo Judame illunane, Jerusalemelo ᴋittornganut parngnanairsortaumalauktunut illunainut, Jerusalemut kattimalerᴋovlugit.

Esra 4:1

Judakulle Benjaminekullo akkerartortingit tussaramik, parngnanairsortaumalauktut ᴋittorngangit Tempeleliormatta Nalekamut Israelib Gudinganut;

Esra 6:16

Israeliblo ᴋittorngangita, ajochertuijut, Levitit parngnanairsortaumalauktullo ᴋittorngangita assingita Gudib iglungata attortautainarninga uvloksiorpât ᴋuviasuklutik;

Daniel 1:1

Jojakimib, Jûdab ataningata, atanioningata jâringita pingajuangni, Nebukadnezar, Babilonib ataninga tikipoᴋ Jerusalemut, ilumavlugolo.

Daniel 1:2

Nâlekablo Jojakim Jûdab ataninga tunivâ tâpsoma agganginut, Gudiblo iglungata piᴋutingita ilangit; tâpsomalo aularutivait nunamut Sînarimut gudingoarmi iglunganut: piᴋutillo ilivait gudingoarmi ᴋimatulivinganut pivianartotalingmut.

Daniel 1:21

Danielilo tagvanêpoᴋ ataniub Koresib jâringita sivorlipângat tikidlugo.

Daniel 1:6

Tâpkoalo akornganêput Daniele, Hananialo, Misailelo, Asarialo, Jûdab ᴋitornganginit.

Daniel 2:25

Ariokib tagva tuavidluni Danieli ititipâ ataniub sânganut, oᴋautivâlo imâk: Naipitsivunga angumik aularutijaujut Jûdab ᴋitorngangita ilanganik, nalonaijainiartomik atanimut sinnartômanirub tukkigijanganik.

Daniel 2:48

Ataniublo Danieli angijôtipâ, tunitjivigilugolo tunigutinik angijunik unuktunik, nâlegangortipâlo Babilonib nunanganut tamânut, angajoᴋâᴋsoangortilâllo Babilonib ilisimajunginut tamainut.

Daniel 5:11

Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;

Daniel 5:14

Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.

Daniel 5:18

Ataniᴋ, ᴋotsingnipângojub atâtait Nebukadnezar tunitjivigilauᴋpâ ataniovingmik, angijônimiglo, ânanaunimiglo, inornarnimiglo;

Daniel 5:2

Vainitorsimavlunilo Belsazar piᴋojivoᴋ ᴋajûtat goldiojut silbiriojullo ᴋaitauᴋovlugit, atâtami Nebukadnezarib aᴋsârnigarijaviningit katimaviksoarmit Jerusalimêtomit; ataniᴋ nâlikanilo nuliangillo panervgangillo imirungnarᴋovlugit tâpkonangat.

Daniel 6:13

Tâpkoalo kiovut oᴋarlutiglo ataniub sângani: Danielib ipsoma, Judit aularutijaujut ᴋitorngangita ilangata, kamagingilâtit, ataniᴋ, initirijutiksarlônêt nalonaikusilauᴋtat, uvloinarli pingasuitorluni tuksiarsôngovoᴋ.

Daniel 8:1

Ataniub Belsazarib atanioningata jâringita pingajuani takotitjut saᴋᴋipoᴋ uvamnut Danielimut, sivorngani uvamnut saᴋᴋitûb kingorngani.

Daniel 8:27

Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.

Johannese 7:1

Mattoma kingorngagut Jêsusib Galilêa ingergavigivâ; Jûdêa ingergavigijomanginamiuk, Jûdit toᴋonasuarmatsuk.

Johannese 7:3

Tagva ᴋatangutingita oᴋautivât: Parngnailerit aularlutillo Jûdêamullo ailerit, ilinniartitittauk takoᴋovlugit piniarnernik piniarnerijarnik.