Daniel 5:12 - Labrador Inuttitut Heritage Bible

¹² Aniniᴋ opinartoᴋ, ilisimanilo, issumatonilo, nalonaijainilo sinnartômanirit tukkigijanginik, nalonartuniglo nalonaijainiᴋ, ilaᴋudjârnilo ilaᴋêmajunik naipitaungmatta Danielimi tâpsomani, ataniub atsirartangani Beltesasarimik; tagva mâna Danieli ᴋaiᴋojauli, tâpsomalo tukkigijanga nalonairniarpâ.

Daniel 5:12 Iomraidhean Croise

Imgerut 16:3

Ivsornaitut nunamêtut, ânanausijaujullo, tâpkoa illunaita ᴋuviagivakka.

Salomob Okâl 12:26

Iluartub ilannârijinne idluartomik unertutiva; Gûdeᴋangitulle apᴋotingata uivêrivait.

Salomob Okâl 17:27

Silatuneᴋartub oᴋausine unuᴋongilait, angullo silatôjok annerneᴋarpok sinaungaitomik.

Hesekiel 28:3

Ahâk, ilisimanersauvotit Danielemit; nelonartoᴋangilaᴋ ijerungnartanginik ilingnit;

Daniel 1:17

Inôsuktulli tâpkoa sitamat Gudib silatutilugillo poᴋitipait aglalerinini tamaini ilisimanimilo: Danielilo tukkisivoᴋ takotitjutinik sinnartômaniniglo tamainik.

Daniel 1:7

Aipaitôᴋojaujullo angajoᴋângata attitârtipait; Danielelo atsirarpâ Beltesasaremik, Hananialo Sâdrakemik, Misailelo Mîsakemik, Asarialo Abednegomik.

Daniel 2:26

Atanerublo akkivâ, Danielilo, Beltesasarimik attipsâlik, oᴋautivâ: Igvit nalonaijaivigijungnarpingâ sinnartômanimik takojamnik tukkigijanganiglô?

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 4:8

Kingornganili Danieli itipoᴋ najugamnut, Beltesasarimik attilik, gudima attinga maliklugo, ilumilik Gudit ivsornaitoᴋsôjut anininganik; sinnartômanilo unipkautigivara tâpsomunga, oᴋarlunga:

Daniel 5:14

Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.

Daniel 5:16

Tusaumavagilli nalonaijaisôngogavit nalonadlartunik, ilaᴋêmajullo ilaᴋudjârlugit; mâna tagva aglaksimajut atuarungnarungni, nalonaijaivigivlungalo tukkigijanganik, annorârtitaulârpotit aupaloriktunik, ujamiktaujuksauvlutillo goldiojunik ᴋongisikut, nâligauvingmalo pingajuanut ataniojuksauvlutit.

Daniel 6:3

Daniel iᴋanarnipauvoᴋ angajoᴋâᴋsoarnit atanirusinillo, piojomik aniniᴋarami ilumini, atanilo issumaᴋalipoᴋ angajoᴋâᴋsoangortitsomavlugo ataniovingmut ilûnânut.

Daniel 6:4

Angajoᴋâᴋsoâgli atanirusillo pasiklirutiksarsiorasuarput Danielimut ataniovik pitjutigivlugo; piviksamigli pasiklirutiksamiglônêt nagvângilat, tâmna nitornadlarmat, pilungnimiglônêt idluitomiglônêt nagvârviongilaᴋ.

Kolossamiunut 1:29

Tamattominga sananasuarpungatauk ilungertordlunga, ilupkut pitsartutisijok pitsartutigilugo.