Daniel 5:11 - Labrador Inuttitut Heritage Bible

¹¹ Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;

Daniel 5:11 Iomraidhean Croise

Genesis 41:38

Faraublo kivgane oᴋautivait: Nagvârniaralloarᴋitâ angumik ôma assianik, Gûdib anerninganik illumilingmik?

II Samuel 14:17

Kivgaillo issumaᴋalaukpok: Nalekama attanniub oᴋausingit manigoiniôjuksauvut uvamnut; nalegara attannek Gudib Engelingatut îmat, tussarungnarmat sunamik idluarmangat idluimangallonêt. Tamanna pivlugo, Nalekab Gudivit illaginiarpâtit.

Hesekiel 28:3

Ahâk, ilisimanersauvotit Danielemit; nelonartoᴋangilaᴋ ijerungnartanginik ilingnit;

Hesekiel 28:4

Ilisimanernut silatunernullo pitsartusivotit, katersilutillo goldemik silberemiglo ᴋematulivingnut;

Daniel 1:4

Inôsuktunik ᴋanoingitsiartunik takominartuniglo, issumagiktunik, ilisimajuniglo, silatojuniglo, poᴋituniglo, ilusitsiariktuniglo sapilungitunik kivgartornimik ataniub iglungani; ajoᴋitoraksaringmagillo Kaldêarit aglanginik oᴋausinginiglo.

Daniel 2:11

Ataniublo oᴋautauᴋojanga tamanna inornadlarpoᴋ, assiᴋangimarikporlo nalonailêjungnartomik tamattominga atanimut, gudit kissimik, tâpkoalo iniᴋangilat uvinilingni.

Daniel 2:22

Nalonaijaivoᴋ itijunik nalonartuniglo; ᴋaujimavoᴋ tâᴋtomêtunik, ᴋaumajorlo tâpsomani iniᴋarpoᴋ.

Daniel 4:18

Sinnartômaniᴋ tamanna uvanga ataniᴋ Nebukadnezar takovara, igvillo, Beltesasar, nalonaijaruk tukkigijanga, ilisimajut ilûnatik ataniovimnêtut sapimaringmatta nalonaijaivigivlunga tukkigijanganik; igvilli sapilungilatit, gudit ivsornaitut aniningat ilingnêngmat.

Daniel 4:5

Takovunga sinnartômanimik ᴋoaᴋsârûtigijamnik; issumaliornimalo iglimnêtilunga niaᴋumalo takotitjutigijangita ulapipânga.

Daniel 4:6

Tamanna pivlugo piᴋojivunga Babilonib ilisimajungit tamaita itititauᴋovlugit najugamnut, nalonaijaiᴋovlugit uvamnut sinnartômanirub tukkigijanganik.

Daniel 5:14

Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.

Daniel 5:7

Atanilo nippiᴋortovluni ᴋaigarsukpoᴋ angakuit, Kaldêarillo, uvloriaᴋsiortillo itititauᴋovlugit. Ataniublo Babilonib ilisimajungit oᴋautivait: Inuit naliat aglangnik tâpkoninga atuarsijungnartoᴋ, nalonaijaivigilungalo tukkigijanginik, annorârtaulârpoᴋ aupaloriktunik, ujamiktauvlunilo goldiojunik ᴋongisimigut, nâligauvingmalo pingajuanut ataniolârpoᴋ.

Apostelit Piniarningit 12:22

Inuille nipliavigivât: Tamadja Gûdib nipinga, inubleungitok.

Apostelit Piniarningit 14:11

Inuille Paulusib pijanga takogamitsuk, niplialerput, oᴋarlutik Likaôniamiut oᴋausingit atorlugit: Gûdit inuktitunilivlutik akᴋarvigivâtigut.

Apostelit Piniarningit 16:16

Tuksiarvingmulle aitiluta, arnak kivgak uvaptingnik pâᴋsivok, anernilik pijomârtuksanik oᴋasûmik; angajoᴋânelo perᴋutinik akluitipait, sivorngagut oᴋarame pijomârtunik.

Takotitaunermik 3:9

Ahâk, Sâtanasib ajoᴋertuivianit illangit pitiniarpakka, oᴋartut Jûdionermingnik taimainatiglo, saglovlutigle pijut. Ahâk, iliorvigijomavakka tikerᴋovlugit, itikavît sânganut tuksiarlutik, illitarsiniarlutiglo, igvit nagligigapkit.