Daniel 4:5 - Labrador Inuttitut Heritage Bible

⁵ Takovunga sinnartômanimik ᴋoaᴋsârûtigijamnik; issumaliornimalo iglimnêtilunga niaᴋumalo takotitjutigijangita ulapipânga.

Daniel 4:5 Iomraidhean Croise

Genesis 41:1

Jarik magguk nângmanik, Farao sinnaktômavoᴋ: kôksoarme nangerdlune.

Daniel 1:7

Aipaitôᴋojaujullo angajoᴋângata attitârtipait; Danielelo atsirarpâ Beltesasaremik, Hananialo Sâdrakemik, Misailelo Mîsakemik, Asarialo Abednegomik.

Daniel 2:1

Nebukadnezariblo atanioningata jâringita aipangani Nebukadnezar sinnartômavoᴋ sinnartômanimik; aniningalo ulapitauvoᴋ uinganêrutivorlo.

Daniel 2:3

Ataniublo oᴋautivait: Sinnartômanimik sinnartômavunga, aniniralo ulapitauvoᴋ sinnartômaniᴋ ᴋaujijomadlarapko.

Daniel 4:10

Imailauᴋput niaᴋuma takotitjutigijangit iglimnêtilunga: Takovunga, ahâglo, napârtoᴋ nunab ᴋiᴋâni, poᴋtojoᴋsôdlarporlo.

Daniel 4:13

Inangatilungalo iglimni niaᴋuma takotitjutigijangagut takovunga, ahâglo, pigârtuksaᴋ ivjornaitorlo aᴋᴋarpuk ᴋilangmit.

Daniel 4:15

Amângitali miminangit nunamêtuarlit, avaluᴋarlutik kikiangmik ᴋaᴋorlimiglo, natinaub iviksukangini nutaijoᴋtuni; ᴋausititaulillo ᴋilaub mitsuksoanganut, nirgjutillo piksarsiorᴋatigiligit nunab iviksukanginik;

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 5:10

Ataniub nâligangitalo oᴋausingit pitjutigivlugit, ataniub anânanga itipoᴋ nirrimârvingmut; arnarlo nipliluni oᴋarpoᴋ: Ataniᴋ, issoᴋangitomut inôgit! Issumavît ulapiniaranitit, tautuillo ablatsauniarani;

Daniel 5:11

Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;

Daniel 7:1

Belsazarib, Babilonib ataningata, jâringita sivorlipângani, Danieli sinnartômavluni takotitjumik takovoᴋ niaᴋomigut, iglimini inangagami: sinnartômaniᴋ tagva aglagutigivâ, pijoᴋartullo unipkautigilugit.

Daniel 7:28

Tamakkoa tagva nâvut tamâni. Uvangali Danieli, issumama ulapidlarpânga, tautugalo ablatsangolipoᴋ; tamannali torᴋorpara ômatimni.