Daniel 4:4 - Labrador Inuttitut Heritage Bible

⁴ Uvanga Nebukadnezar ulapitiᴋarnanga iglumnêlauᴋpunga, inôluamariklungalo igloᴋsoamni.

Daniel 4:4 Iomraidhean Croise

Jesaiase 56:12

(Oᴋarput): Kaileritse, vainemik aiklerluta imertudlalerta tallanartomik; ᴋaupallo uvlometut illingajoᴋarle, piluartomik aglât.

Jeremia 48:11

Moabe inôsungnerminit siornioriaᴋalaungilaᴋ, ᴋikkatsainarpoᴋ kinganeᴋumine, kovijauᴋattalaungilaᴋ ᴋattaujamit ᴋattaujamut, aularutijaulaungilarlônêt; taimaimat mamarnine pigitsairnarpâ, tipingalo soᴋositsangilaᴋ.

Hesekiel 28:17

Omatit piojorivoᴋ ânanaunît pivlugo, ilisimanîllo asserorpat pinnarnarsinît pivlugo: uvangale egipagit nunamut, pitipagit atanit sânginut takoᴋovlugit ilingnik.

Hesekiel 29:3

Oᴋalerit, oᴋarlutillo: Imâk oᴋarpoᴋ Nâlegaᴋ Nâlegaujok: Ahâk, sâvigivagit, Farao, Egiptenib ataninga, kôkôriartoᴋsoangojotit angijoᴋ, ineᴋartotit nuname kôksoâk akorngangne, oᴋartotit: Kôksoara nangminerivara, senalauᴋpara uvamnut ilingatilugo.

Daniel 2:11

Ataniublo oᴋautauᴋojanga tamanna inornadlarpoᴋ, assiᴋangimarikporlo nalonailêjungnartomik tamattominga atanimut, gudit kissimik, tâpkoalo iniᴋangilat uvinilingni.

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 5:8

Ataniublo ilisimajungit ilûnatik itiput tagva, aglaᴋsimajulli atuarungnangilait, atanilônêt nalonaijaivigijungnarnago tukkigijanginik.

Sefania 1:12

Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.