Daniel 4:37 - Labrador Inuttitut Heritage Bible

³⁷ Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Daniel 4:37 Iomraidhean Croise

II Kronika 33:19

Tuksiarningillo, ᴋannorlo tussartauninga, ajorningillo, idluitulliningillo, innillo sannavigilauktangit poktojunik, nappartuniglo Gudingoalingnik, Gudingoaniglo, manigotitiᴋârtinago, ahâk, tamakkoa aglaksimavut takkojut unipkausingine.

Ester 6:10

Atannek Hamanemut oᴋarpok: Tuavitit, annorâglo, horselo tigukik, sôrlo oᴋalauravit, Mardachailo, Jûdeôjok atanniub itterviksoangata sillatâne iksivajok taimailiorvigiuk; inoksarto; arniarane sumik oᴋautigilauktarnik.

Imgerut 119:75

Nâlegak ᴋaujimavunga idluarsainitit idluarmatta, nertornarlutillo nikkanarsârtilauramga.

Imgerut 99:4

Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Exodus 18:11

Mânna nalojungnairpunga Nâlegak anginersaungmat Gûdinit tamainit; pingijairᴋsârningine tâpsoma alliutivait.

Exodus 8:4

Ilingnullo inuᴋotingnullo kivgarnullo tamainut narrâjit tikiniarput.

Jesaiase 23:9

Kilangmiugasaksuit Nâlegangat taimak issumaᴋarpoᴋ, nertûtigijangit allianartut illũnaita nungutsomavlugit, nertortaujullo tamaita nuname nachogijautitsomavlugit.

Jesaiase 5:16

Kilangmiugasaksuille Nâlegangat nertornartitsomârpoᴋ erᴋartuinerminut, Gûdelo ivsornaitoᴋsôjoᴋ ivsornaititsomârpoᴋ idluarsainerminut.

Jeremia 50:29

Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.

Hesekiel 16:56

Katangutille Sodoma ᴋanernut oᴋautaulaungilaᴋ piojorinivit uvlungine;

Hesekiel 16:63

Erᴋaiᴋovlutit kangusuᴋovlutillo, oᴋausiksairutiᴋovlutit kangusungnit pivlugo; issumagijungnaivigigupkit tamainik piniarnerijarnik, oᴋarpoᴋ Nâlegaᴋ Nâlegaujoᴋ.

Daniel 4:26

Napârtublo amângita miminangit nunamêtuarᴋongmatigik; ataniovît aᴋsârnigautsainalulângilaᴋ ilingnit, ᴋaujimaᴋârtuaruvit ᴋilait aulatsingmatta.

Daniel 4:3

Nalunaikutangit angijôdlarput, tatamnartuliningillo pitsartudlarput! Nâlegauvinga issoᴋangitomut itsainarpoᴋ, atanioningalo kinguvârênit kinguvârênut ipok.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 5:4

Vainitorput, nitorpaillo gudingoat goldimit silbirimillo, ᴋaᴋorlimit, kikiangmillo, ᴋijungmit, ujarᴋanillo sanamajut.

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

Apostelit Piniarningit 17:24

Gûde silaksoarmik pingortitsijok pinginiglo tamainik, Nâlegaugame ᴋilangmullo nunamullo, katimaviksoarne aggangnut sanamajune iniᴋangilaᴋ;

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 16:7

Engelemiglo assianik Altâremit tussarpunga oᴋartomik: Ahamarik Nâlegak, Gûde ajugaᴋangitovitôjotit, erᴋartuinitit mikseᴋârtôvlutiglo idluartôvut.

I Samuel 2:3

Nertudlartinise, pingijaidlarniselo sorairlit, ᴋannipsingnêtoᴋarungnairle pimariuternermik; Nalegak Gudeôngmat kammatsiartok tamattominga, kajusinerlo taimaitok sulliᴋolungila.