Daniel 4:35 - Labrador Inuttitut Heritage Bible

³⁵ Silaᴋsoarmiullo ilûnamatsiatik sunaungitotun-ingmatta, issumaminik piniarami ᴋilangmiugasaksoarni, silaᴋsoarmiugasaksuillo akorngani; agganginiglo noᴋartitsijoᴋarungnangilaᴋ, oᴋarvigilugolônêt: Suvêt?

Daniel 4:35 Iomraidhean Croise

Hiobe 23:13

Tamna inutôvok, kia sangutitsomavaûk? Piniarpâlo sôrlo pijomagametut.

Hiobe 34:29

Tâmna ullapirsauteᴋartitsileraikpat, kina tagva Passiklerungnarᴋa? Tâpsomalo kênane ijerangago, kia Takkojûngnarᴋaûk? Inûᴋattigêksuit illuitut pivlugit pikpallônêt, inuglonêt atausek pivlugo.

Hiobe 40:2

“Ajugaᴋangitomut aivanigomajub ajuᴋertorniarᴋaûk? Gûdemiglo ᴋakᴋiardlijub tamanna kiogutiginiarᴋaûk?

Hiobe 42:2

Illitarksilerpunga, igvit tamainik sappinginavit, sagvangitoᴋalungilarlo illingnut isumamik atautsemiglonêt.

Hiobe 9:4

Sillatôvok sôngudlarlunelo; kina nalliutut nalliane sulilauralloarᴋâ, akkerartulauktok tâpsomunga?

Imgerut 115:3

Gûdivulle ᴋillangmêpok; pingortitsijungnarpok issumagijaminik.

Imgerut 135:6

Nâlekab tamaita pijomajane piniarpait, ᴋillangme nunamelo, imarbingme ittinersoanelo tamaine.

Imgerut 33:14

Iksivautaksoaminit aulajuitomit illunaita takkonârpait, nuname nunaᴋartut.

Imgerut 39:5

Ahâk uvlukka, aggait igluinait sanimutôningititut îtipâttit, innôtsimalo nalliuninga sunaungitotun-îpok sângne; sunaungimariktotun Inuit ilunamatsiatik îput tagvane. Sêla.

Imgerut 49:1

Nalagitse inuᴋattigêksoangôjose illunase;

Salomob Okâl 21:30

Ilisimanerlonêt, silatônerlonêt, kajusimanerlonêt sullitsengilat Nâlegak akkerartorlugo.

Okaluktok 8:4

Atanniub oᴋausinginne sôngoneᴋarmat, kialo Oᴋautitsungnarᴋaûk: Sunaliorᴋît?

Jesaiase 19:17

Jûdablo nunanga Egiptenemiunut erᴋsinaromârpoᴋ, illũnatik tamattominga erᴋailertut ᴋoaᴋsâromârput ᴋilangmiugasaksuit Nâlegangata kajusimaninga pivlugo, kajusimajutigijanga taipkonunga.

Jesaiase 26:9

Omatipkut ᴋillanârvigivagit unnuame, taimaktauᴋ anernipkut illumnẽtokut ᴋêmitigvigivagit. Erᴋartuijutaurᴋojatit attulerangatta nuname, tagva nunaᴋsoarmiut idluarnermik illiniarput.

Jesaiase 43:13

Mãnanittauᴋ uvanga tâmnauvunga, aggamnillo piuliklerteᴋangilaᴋ. Piniaruma, kia agviaromarᴋângâ?

Daniel 6:27

Piuliklipoᴋ saputjivlunilo, nalonaikutanik tatamnartuniglo piniarpoᴋ ᴋilangmilo nunamilo; tâpsomalo Danieli piulivâ loivit pitsartuninginit.

Jona 1:14

Tamanna pivlugo Nâlegaᴋ ᴋaigarsugvigivât, oᴋarlutik: Kenuvigidlarpaptigit, Nâlegaᴋ, angutib oma inôsinga asserortaujutiginiaratigo, auglo passijaksaungitoᴋ iliniarnago uvaptingnut; igvit, Nâlegaᴋ, idluarijarnik piniaravit.

Apostelit Piniarningit 11:17

Gûdible ipkoa uvaptitut tunergutinik tunitjivigingmagit, okpermatta Nâlekamut Jêsuse Kristusemut, uvanga kinauvêk, Gûde inerterungnarapkô?

Apostelit Piniarningit 4:28

Piniarlutik pijuksaulârtunik, mattoma sivorngagut aggangnut ilisimanernullo kajusimajutigilauktarnik.

Apostelit Piniarningit 5:39

Gûdemille pikpatta, aserorlugit ajorpase; Gûdemut akkerartoromajutitut naipitauᴋonase.

Apostelit Piniarningit 9:5

Oᴋautivâle; Nâlegak, kinauvêt? Nâlegak oᴋarpok: Jêsuseovunga unangmijat.

I Korintemiunut 10:22

Nâlegarlônêt ningarosuktitsomavitigô? Tâpsomangat pitsartunersauvitâ?

I Korintemiunut 2:16

Kiale Nâlekab issumanga illisimavaûk? Kialônêt ajoᴋertorniarpaûk? Uvagulle Kristûsib issumanganik peᴋarpogut.

Efêsusemiunut 1:11

Tâpsomûna uvaguttauᴋ kingormgujijuksautitauvogut, sivorngagut anerimajogut issumasimaninganut, tamaitaᴋsoarnik piniartub pijomajame issumasimaninga maliklugo;

Josua 2:2

Tagva attannak Jerichome oᴋautsauvok: Ahâk, unuarme tamattomane tikkitoᴋarpok ovunga angutinik Israelitinnit nuna nautsertoromavlugo.

I Samuel 3:18

Tagva Samuelib oᴋautiva tamainik, angigutjivigilungilâlo sunamik. Tamnale oᴋarpok: Nalegauvok, pinniarle namagijaminik.