Daniel 4:34 - Labrador Inuttitut Heritage Bible

³⁴ Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 4:34 Iomraidhean Croise

II Samuel 22:31

Gudib apkosiningit ᴋanoêtoᴋatsengilet, Nalekab oᴋausingit illakangilet. Tamna sappulutauvok illunainut tatteᴋartunut tapsominga.

I Kronika 29:10

Davidiblo Gûde nertorpa, oᴋarlunelo ilagêt ilûnamasiatik sângine: Igvit Nalegak Israelib atâtapta Gûdinga nertortaulerit soraijuitomik.

I Kronika 29:13

Mânnalo Gûdivut ᴋujagivaptigit, attillo ânanaudlartok nertorpavut.

Hiobe 1:21

Oᴋalarmelo: Ussingavlunga anânama timinganit pilaukpunga, ussingavlunga ingerarniarivunga tagvunga. Nâlekab tunnilaukpait, Nâlekab tiguvait; Nâlekab atinga nertortaule!

Imgerut 10:16

Nâlegak attanniotsainarpok issoᴋangitomut; nallojut nunanganit nungutaujomârput.

Imgerut 102:24

Oᴋarpunga: Gûdîk pêrniarnanga uvluma ᴋetterᴋangane. Jâritit itsainarput soraijuitomik.

Imgerut 107:15

Tâpkoa Nâlegak ᴋujagijaksarivât, pitsiarninga tattamnartulliningilo Inuit ᴋittornganginne pinianerijangit pivlugit.

Imgerut 107:22

Tunnijijuksaulutiglo tunnergutinnik ᴋujalijutiksannik, pinniarningillo unnipkautigilugit igiaᴋomijarlutik.

Imgerut 107:31

Tâpkoa Nâlegak ᴋujagijaksarivât, pitsiarninga, tattamnartulliningillo pinniarnerijangit Inuit ᴋittornganginne pivlugit;

Imgerut 107:8

Tâpkoa Nâlegak ᴋuviagijaksarivât, pitsiarninga, tattamnartulliningillo pinniarnerijangit Inuit ᴋittornganginut pivlugit.

Imgerut 111:7

Aggangita pinniarningit mikseᴋârniôvut, idluarneôlutiglo, perᴋojangit illûnatik soᴋᴋosijuiput.

Imgerut 121:1

Arlorpunga ᴋakᴋannut ikajortaunermik tikkiutjivigijamnut.

Imgerut 123:1

Arlorpunga illingnut, ᴋillangme iksivajotit.

Imgerut 145:13

Nâlegauvît nâlegauviôvok issoᴋangitok, attanniôtinillo îtsainarpok sorairane.

Imgerut 146:10

Nâlegak attaniôvok issoᴋangitomut, Gûdeotsainarpok illingnut Zion sorairane. Hallêluja.

Imgerut 50:14

ᴋujalinermik tunnijilerit Gûdemut, angersimanerillo namaksitikit ᴋotsingnerpângôjomut;

Imgerut 66:7

Attanniôtivok pitsartunerminut issoᴋangitomut, ijikita innuᴋattigêksuit takkonârpait. ᴋemaijut tâpsominga angijorortitsungnarniangilat, Sêla.

Imgerut 7:17

Nâlegak ᴋujagivara idluarninga pivlugo, nertoromavaralo Nâlekab ᴋotsingnerpângôjub attinga.

Imgerut 9:2

ᴋuviasugomavunga serrijomavlungalo illingne, attillo nertorlugo imgerutigijomavara ᴋotsingnerpângôjotit.

Imgerut 92:1

Tamanna pivianartôvok, Nâlegak ᴋujagilugo, attillo nertorlugo imgervigilugo ᴋotsingnerpangôjotit;

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Jesaiase 2:11

Inuit piojorijutitut tautusôngojut kattalungatitaujomârput, inuillo pimmariutertut suksaujungnairtitaujomârput, Nâlegarlo kissime angijôjomârpoᴋ nalliutome taipsomane.

Jesaiase 24:15

Taimaimat Nâlegaᴋ nertorsiuk, kangiane nunaᴋartose; Nâlekab Israêlib Gûdingata attinga nakorisiuk, imarbiksûb ᴋikkertanginẽtose.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremiab Ogguarutigijangit 3:38

Ajortorlo ajungitorlo anilungilâk poktonerpângojûb ᴋaninganît?

Daniel 12:7

Angullo miᴋoᴋangitomik ᴋaᴋortamik annorâlik, kôb imanganik ᴋolangiartoᴋ, tusarpara, aggani talipîllo saumîllo issângmagit ᴋilangmut, angimariklunilo inôtsainartoᴋ issoᴋangitomut taivlugo, oᴋartoᴋ: tamanna naliuniᴋ atausiᴋ, naliunîglo maggûk, naliunirublo abvanga nâvlugit sivitutigijomârpoᴋ; noᴋarpattalo inuit ivsornaitut pitsartuningit siᴋalilugit, tamakkoa tamaita nâmaksititaujomârput.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 4:2

Idluarivara Gûdib ᴋotsingnipaujub nalunaikutangit tatamnartuliningillo piniarnirijangit uvamnut nalonaijaromavlugit.

Daniel 4:26

Napârtublo amângita miminangit nunamêtuarᴋongmatigik; ataniovît aᴋsârnigautsainalulângilaᴋ ilingnit, ᴋaujimaᴋârtuaruvit ᴋilait aulatsingmatta.

Daniel 4:3

Nalunaikutangit angijôdlarput, tatamnartuliningillo pitsartudlarput! Nâlegauvinga issoᴋangitomut itsainarpoᴋ, atanioningalo kinguvârênit kinguvârênut ipok.

Daniel 4:32

Inungnit ajaktugauvotit, natinaublo nigjutingini iniksaᴋalârpotit; tuktuvaktitut iviksukatulârpotit, naliunirillo 7nit ᴋângiutilârput ilingnik; ᴋaujimaᴋartinak ᴋotsingnipângojub aulangmago inuit ataniovingat, tunilugolo pijomajaminut.

Daniel 4:36

Naliutomi tâpsomani silatunira utipoᴋ uvamnut; ataniovingmalo nitornautiksanganut inornarnira takominarniralo utipuk uvamnut; atanituijimalo angajoᴋâᴋsoarilauᴋtamalo nalipsarpânga, palangilititauvunga ataniovimni, angijoᴋsoarmiglo nâlangnartitauvunga.

Daniel 5:18

Ataniᴋ, ᴋotsingnipângojub atâtait Nebukadnezar tunitjivigilauᴋpâ ataniovingmik, angijônimiglo, ânanaunimiglo, inornarnimiglo;

Daniel 5:21

Inuillo ᴋitornganginit ajaktortauvoᴋ, ômatingalo nigjutib ômatinganik adsiᴋartitauvoᴋ, iniᴋarporlo siutiᴋortojuni nujuartuni; iviksukatorpoᴋ tuktuvaktitut, timingalo ᴋausititauvoᴋ ᴋilaub mitsuksoanganut; ᴋaujimaᴋârtinago Gudib ᴋotsingnipângojub inuit ataniovingat aulangmago, pijomajaminiglo angajoᴋângortitsingmat tâpsomunga.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Daniel 7:14

Tunitjiviovorlo nâlegaunimik, ânanaunimiglo, ataniovingmiglo, inôᴋatigêt, nunaᴋatigêllo, oᴋausiᴋatigêllo ilûnatik kivgartorᴋovlugit tâpsominga; nâligauninga nâligauniovoᴋ issoᴋangitoᴋ, sorairniangilaᴋ, atanioningalo assirotauniatsangilaᴋ.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Daniel 9:14

Tamanna pivlugo Nâlekab idluitoᴋ kamagivâ tikiutilugolo uvaptingnut; Nâlegaᴋ Gudivut idluarpoᴋ piniarnimini suliarijamini tamaini, uvagullo nippinga nâlilungilavut.

Jona 1:14

Tamanna pivlugo Nâlegaᴋ ᴋaigarsugvigivât, oᴋarlutik: Kenuvigidlarpaptigit, Nâlegaᴋ, angutib oma inôsinga asserortaujutiginiaratigo, auglo passijaksaungitoᴋ iliniarnago uvaptingnut; igvit, Nâlegaᴋ, idluarijarnik piniaravit.

Migga 4:7

Tusiaktullo amiakotitsomârpakka, ajaktortaujullo inôᴋatigêksoangordlugit; Nâlegarlo ataniojomârpoᴋ tâpkonunga ᴋaᴋame Zioneme mânamit issoᴋangitomut.

Lukase 1:33

Jâkoblo iglunganut ataniojomârpok issoᴋarniangitomut, atanioningalo naggateᴋaromângilak.

Lukase 18:13

Pimaklertele ᴋaninane nangerpok, ᴋilangmullônêt ârloromangitok; sagvingminulle patiksimajok oᴋarlune: Gûde, nâpkigilaunga idluitoksôjunga.

Johannese 5:26

Sôrlo Atâta inôseᴋarmat ingmine, taimâktauk Ernine tunitjivigivâ inôseᴋarᴋovlugo ingmine.

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

I Timôteusemut 1:17

Gûdele, atanivik issoᴋangitok, nungusuitorlo, takuksaungitorlo silatujotôjorlo nâlengnarsile nakoridlartaulunelo issoᴋangitoksoarmut. Amen.

I Timôteusemut 6:16

Toᴋosuitotôjok tâmna, ᴋaumajome tikiviksaujungnangitomêtok; inûb atautsiblônêt takolaungitanga takojungnangitangalo, tâmna nertortaunermik pile nâlegauvingmiglo issoᴋangitomik! Amen.

Takotitaunermik 10:6

Tâmnalo taivlugo, inôjok issoᴋangitomit issoᴋangitomut, pingortitsilauktok ᴋilangmik ᴋilangmêtuniglo, nunamiglo nunamêtuniglo imarbingmiglo imarbingmêtuniglo, (Engele) oᴋamarikpok, mânamit neliuneᴋarungnairtuksaungmat;

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 4:10

Angajoᴋaunerôjut 24 it pâmaktervigivât iksivautaᴋsoarme iksivajok, tuksiarvigivlugo issoᴋangitomit issoᴋangitomut inôjok, niaᴋôtitiglo ilivait iksivautaᴋsûb sânganut, oᴋâlavlutik:

Takotitaunermik 4:9

Omajullo (sitamat) nertulerangatsuk nakorivlugolo ᴋujagiviklugolo iksivautaᴋsoarme iksivajok, issoᴋangitomit issoᴋangitomut inôjok,