Daniel 4:27 - Labrador Inuttitut Heritage Bible

²⁷ Tamanna pivlugo, ataniᴋ, atanituinira idluariuk, ajornitillo sattôtigikit idluarnimik, idluitulinitillo nâpkiningnimik aklujunik; ulapirᴋsautît sivitonisaunajangimangât.

Daniel 4:27 Iomraidhean Croise

Genesis 11:4

Oᴋarpullo: Attê, iglugasaksoarnik sanalauᴋta nuvuguseᴋsoarmiglo, nuvua aktuatilugo ᴋilangmut, erᴋanartiluta, siamartitautailivlutalo nunanut tamainut.

I Atannit 21:29

Takkovit ᴋanok Ahabe nikkanasarmat ingminik sâmne? Tamânna pivlugo nikkanarsarmat ingminik sâmne, ᴋanoêtok tikkikojomalungilara tapsoma uvlungine; erningatale uvlungine ᴋanoêtok tikkerkojomavara iglunganut.

Imgerut 119:46

Kigligiutsinitit oᴋautigivakka attanît sângine, sillasiungilangalo;

Salomob Okâl 11:2

Piojorinek sakᴋerpat, tagva kangusuktitaunek ᴋaivoktauk; piojorijuitunnele ilisimaneᴋarpok.

Salomob Okâl 16:6

Napᴋigosungnermut mikseᴋârnermullo idluitullinek ullapᴋosertauvok, sivôranermullo Nâlekamik idluinek attortautailivok.

Salomob Okâl 28:13

Idluitullinerminik missiudjijok, tamna sulliniatsengilak; kigligiksartorle, ipperaijorlo makkoninga, tamna napᴋoarijauniarpok.

Jesaiase 10:13

Taimna oᴋarmat: Aggama pitsartuninginut tamanna piniarpara illisimanimnullo, uvanga sillatogama. Nunaᴋatigêt kiglingit ablatsautipakka perᴋutingillo pêjarpakka, iksivautaᴋsoarmẽtullo ochotipakka parngnertut.

Jesaiase 47:10

Pingijaitoᴋsônit tattigivat issumaᴋarlutit: Takunârtoᴋangilaᴋ uvamnik. Illisimanivit sillatunivillo uivêringmattit, õmatikkut oᴋarpotit: Uvangauvunga, uvaptut-itoᴋangilaᴋ.

Jesaiase 47:8

Taimaimat, mattominga tussarᴋovagit mãna, igvit ikligosuktotit, terliklutit inôjotit, oᴋauseᴋartotillo õmatingne: Uvangauvunga, uvaptut-itoᴋangilaᴋ. Uigarniojomâtsangilanga, ᴋitorngairutinermik tukkisijomângilanga.

Jeremia 29:7

Iglugasaksuillo aularutijauviotitama ilipsingnik ulapirᴋsautiksanganik pinasuaritse, Nâlakamullo tuksiutisigik; tâpkoa ulapirᴋsauteᴋarningine ilipse ulapirᴋsauteᴋarniarapse.

Jeremia 38:20

Jeremiale oᴋarpoᴋ: Pitilulângilâtit. Nâlalauruktôᴋ Nâlakab nippinga, makkonane oᴋautigijamne ilingnut; idluarᴋutigilârangne, tarnîllo inôjomârpoᴋ.

Hesekiel 18:7

Oᴋumaiksartitsingikune kinamik, satoraksaᴋ utertikuniuk akkiliksaᴋarvigijiminut, aksorornermut aᴋsârningikune, kâktoᴋ aitoruniuk nerᴋiksaminik ussingajorlo annorârtikuniuk;

Hesekiel 29:3

Oᴋalerit, oᴋarlutillo: Imâk oᴋarpoᴋ Nâlegaᴋ Nâlegaujok: Ahâk, sâvigivagit, Farao, Egiptenib ataninga, kôkôriartoᴋsoangojotit angijoᴋ, ineᴋartotit nuname kôksoâk akorngangne, oᴋartotit: Kôksoara nangminerivara, senalauᴋpara uvamnut ilingatilugo.

Hesekiel 29:9

Nunalo Egipten inuêrlunelo sunairutijomârpoᴋ; ᴋaujijuksauvullo uvangaugama Nâlegaᴋ; tâmna oᴋarmat; Kôksoaᴋ perᴋutigivara, uvanga senalauᴋpara.

Joel 2:14

Kina ᴋaujimavâ anusingorniangimangât issumatârlunelo, ᴋemainiangimangâllo saimanartomik kingunermine, tunergutiksamik nerᴋiksamik tunergutiksamiglo imiksamik Nâlekamut Gudipsingnût?

Amos 6:13

Ilipse sunaungitomik ᴋuviasuteᴋartose, oᴋartose: Pitsartuniptingnut nakjutâlungilagût?

Jona 3:9

Kina ᴋaujijungnarᴋâ Gude sanguniangimangât ᴋaᴋialerlunelo, allailunelo ningarnersoaminik, asserortauᴋonatâ?

Habakûb 1:11

Anoretulle tikiaᴋijotut ᴋângiutilârpoᴋ, pidlaraksautilunelo: ilâ, tâmna pitsartunerminik Gûdelik.

Sefania 2:15

Tamadja iglugasaksuit ᴋuvianartoviolauᴋtut terliklutik ineᴋartut, ômatimingne oᴋartut: Uvangauvunga, uvaptullo itoᴋangilak: taimale sunaᴋangitungorpok, aᴋopiviksatuinauvok nergjutinut nujuartunut! Ilûnatik apᴋusârtut tâpkoninga kokoviarutigilarpait, aggatiglo pataktorlugit.

Mattêuse 3:8

Attêle, sakᴋêgitse paunganik nalonaijaijunik ᴋaᴋialernipsingnik!

Lukase 11:41

Ahâk, perᴋutipsingnit tunijiniaritse (Aklujunut), ilûnatik sujungaijutiksauniarput tagva ilipsingnut.

Apostelit Piniarningit 24:25

Paulusele oᴋâlangmat idluarnermiglo, ikliguktailinermiglo, erᴋartuijoᴋaromârtomiglo, Fêlikse ᴋoaᴋsârpok oᴋarlunelo: Mânna aularit; ulapingikuma ᴋaiᴋojomagivagit.

Apostelit Piniarningit 26:20

Oᴋâlavlungale sivorlermik Damaskusemêtunut Jerusalemêtunullo, ilûnainullo nuname Jûdêamêtunut, taimaktauk nalojunut, ᴋakialerᴋovlugit sâgiarᴋovlugillo Gûdemut ᴋaᴋialernerublo piniarᴋojanginik idluartunik piniarᴋovlugit.

Apostelit Piniarningit 8:22

Tamanna pivlugo ᴋaᴋialerit tamattominga idluilungnernik, Gûdemullo tuksiarit ômativît isumalungningit isumagijaujungnainiangimangâta.

II Korintemiunut 5:11

Nâlegak tagva nâlektaujariaᴋartoᴋ ᴋaujimagaptigo inuit okpertinasuarpavut, ᴋaujijauvogulle Gûdemut. Nerriukpungale ᴋaujijaugaptatauᴋ issumapsingnut.

Galâtsiamiunut 5:13

Ilipsele ᴋatangutikka, kivgaujungnairᴋovluse ᴋaiᴋojaumavose. Udsertoritsele, kivgaungineᴋ atornerluktailivlugo, uviningmut akkuliuterᴋonago; kivgartortigêklusele pititse naglingnermut.

Galâtsiamiunut 5:22

Anernerub perortisangangit tamadja: Naglingneᴋ, ᴋuviasungneᴋ, ullapirsaineᴋ, ᴋenuersârneᴋ, inôtsiarneᴋ, pitsiarneᴋ, okperneᴋ, piojoringineᴋ, ikliguktailineᴋ.

Galâtsiamiunut 5:6

Kristuse Jêsuseme kipimanerlônêt kipimanginerlônêt atungimanik; okpernerle naglingnikut piniarnernik saᴋᴋertitsijoᴋ.

Efêsusemiunut 4:28

Tiglilauᴋtoᴋ tigligungnairle, sanalunele aggangminut ajungitomik piniarle, tunijaksaᴋarᴋovlugo ajoᴋsartunut.

Deuteronomy 24:13

Nelunaikutarijanga aumitinga ᴋepingalo utertitaksarivat tâpsomunga seᴋinek nipilerᴋârtinago, ulikopalijarlune inilagungnarᴋovlugo, pilloriktitauᴋojiᴋovlugolo ilingnik; tamanna idluarᴋutiginiarpat Nâlekab Gûdivît sângane.

Deuteronomy 32:27

Omisuktit ningarosuktitaugiangit ilimagigapkit keta, ômigijingit issumertuilutik oᴋarajarput: Aggavut sulidlarput, Nâlekablo tamakkoa tamaita piniangilait.

Deuteronomy 8:17

Oᴋarᴋonaglo ômatingne: Nukima aggangmalo talerpiub pitsartuningata piksavaksoaᴋartipânga makkoninga.

I Pêtrusib 4:8

Tamanna pivlugo silatuleritse erᴋomavluselo tuksiaritse. Tamainille anginerpângojomik, nagliktigêgitse ilungertordluse; naglingnerub ajornerit unuktoᴋsôningit mattungmagit.