Daniel 4:11 - Labrador Inuttitut Heritage Bible

¹¹ Napârtoᴋ angijororpoᴋ sôngosilunilo, poᴋtoningalo tôᴋpoᴋ ᴋilangmut, takuksauvorlo nunab issua tikidlugo.

Daniel 4:11 Iomraidhean Croise

Genesis 11:4

Oᴋarpullo: Attê, iglugasaksoarnik sanalauᴋta nuvuguseᴋsoarmiglo, nuvua aktuatilugo ᴋilangmut, erᴋanartiluta, siamartitautailivlutalo nunanut tamainut.

Hesekiel 31:12

Takorngartallo, erᴋsinarnerpât inôᴋatigêksoarnit, toᴋopât egilugolo; akkerungillo kataksimavut ᴋaᴋᴋane naᴋsarnelo tamaine, akkeroarsungillo serᴋomitauvut nunab kôngine tamaine; inôᴋatigêllo ilûnatik nuname atersârput taggalininganit, ᴋemaklugolo.

Hesekiel 31:5

Tamanna pivlugo perorsêviub napârtunginit tamainit poᴋtonerpaulerpoᴋ; akkeroarsungillo unuksivut, akkerungillo takijororput imaᴋatsiarningata nuitingmagit.

Mattêuse 11:23

Igvillo Kapernaum, ᴋangatarsimajotit ᴋilak tikidlugo, kappianartovingmut kanunga ajaktortaujomârpotit. Sodomame taimâk angitigijunik tatamnartokalaukpat, sorlo ilipsingne, sulle uvlome asserortautailinajalaukput.

Deuteronomy 9:1

Omat, Israêl, uvlome Jordan ikârniarpat, iterniarlutillo inôᴋatigêksuit anginersat pitsartunersallo ilingnit piginiarlugit, iglugasaksuillo angijut, ᴋilangmut tôᴋtunik avalulit;