Daniel 3:7 - Labrador Inuttitut Heritage Bible

⁷ Taimaimat naliutomi tâpsomani inôᴋatigêt ilûnatik tusarvingini tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik, inôᴋatigêt ilûnatik nunaᴋatigêllo oᴋausiᴋatigêllo pâmaktiput inungoarlo goldiojoᴋ ataniub Nebukadnezarib napartitanga opigilugo.

Daniel 3:7 Iomraidhean Croise

Jeremia 51:7

Babilone ᴋajûtaulauᴋpoᴋ goldeojoᴋ Nâlakab aggangine, silaᴋsoarmiunik tamainik tallatitsijomik; inôᴋatigêksuit imilauᴋput vaininganik; taimaimat inôᴋatigêksuit issumairutivut.

Daniel 2:46

Tagva ataniᴋ Nebukadnezar pâmaktipoᴋ, Danielilo opigivâ, piᴋojivorlo tunitjivigijaksaringmatsuk tunigutinik niᴋiksanik tipitsiariksautiksaniglo.

Daniel 3:10

Igvit, ataniᴋ, piᴋojaᴋartitsivotit inuit ilûnatik tusartut tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktilutiglo opigijaksaringmatsuk inungoaᴋ goldiojoᴋ:

Daniel 3:4

Oᴋâlajorlo nippiᴋortovluni nipliavoᴋ: Oᴋoksi ilipsi inôᴋatigêngojosi nunaᴋatigêngojosilo oᴋausiᴋatigêngojosilo.

Daniel 3:5

Tusatuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik, pâmaktituksauvosi inungoarlo goldiojoᴋ ataniub Nebukadnezarib napartitanga opigilugo;

Daniel 3:6

Pâmaktingitorlo opigosulungtoᴋ tagvainaᴋ igitaujuksauvoᴋ kiaksautiâlub ikomaliksûb ᴋiᴋânut.

Daniel 3:8

Naliutomili tâpsomani Kaldêarit ilangit ᴋaivut, Judillo pasilugit.

Apostelit Piniarningit 14:16

Tâpsoma naliutune anigortune nalojut tamaita isumamingnik inônialauktut kamagingitsertorpait.

I Johannesib 5:19

Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 13:3

Niaᴋungitalo illangat sorlo toᴋonartomit ikilersimajok, takovara, ikingalo toᴋonartôgalloak mamilaukpok, nunaᴋsoarmiullo ilûnatik tataminiarutigivât nergjutsoak.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

Takotitaunermik 19:20

Nergjut tagva tigujauvok, tâmnalo illagilugo nelautaijok nelangaitok, tâpsoma takoane tatamnartulidlalauktok, tamakkonunga tamartilaungmagit nergjutsûb nelunaikutanganik tigusimajut, adsingoanganiglo tuksiarveᴋalauktut; tâpkoa magguk ômavlutik egitauvuk ᴋôrᴋumut orᴋsorutelingmik ikomaᴋsoalingmut.