Daniel 3:6 - Labrador Inuttitut Heritage Bible

⁶ Pâmaktingitorlo opigosulungtoᴋ tagvainaᴋ igitaujuksauvoᴋ kiaksautiâlub ikomaliksûb ᴋiᴋânut.

Daniel 3:6 Iomraidhean Croise

Genesis 19:28

Sodomab Gomorrablo nunangak takosarpâ, nunablo tamattoma erᴋâ ilûnât. Takosarmallo, sunaubva, isserluksoaᴋ nunamit ᴋangatarpoᴋ, sorlo kiaksautiâlub isserluksoanga.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Jesaiase 44:17

Amiakunganiglo Gûdingoaliorpoᴋ Gûdingoaᴋotigijomavlugo, sêrᴋortorvigivlugolo pâmaktervigivâ, tuksiarvigivlugolo nipliavigivâ: Piulilaungminga, igvit Gûdigigapkit.

Jeremia 29:22

Tâpkoalo oᴋarnerlutigijaujomârpuk Judamit aularutijaujunut tamainut Babilonemêtunut, oᴋautauvlutik: Nâlakab ilingatilitit Zedekiatut Ahabetullo, Babilonib ataningata ôtitâgiktitut ikomamut;

Daniel 2:5

Ataniubli kiovlugit Kaldêarit oᴋautivait: Erᴋaumajungnairpara. Nalonaijaivigilungikupsinga sinnartômanimiglo tukkigijanganiglo avgortaulârposi iglusilo atsiviksangortitaulârput.

Daniel 3:11

Pâmaktilungitorlo opigosulungitoᴋ igitaksaungmat kiaksauteâlub ikomaliksûb ᴋiânut.

Daniel 3:15

Takuitsi, atuinaugupsi ᴋangaugaloarpat tusartuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktiromavlusi opigilugolo inungoaliarimajara, nâmakpoᴋ; opigosulungikupsili, tagva tagvainaᴋ igitaujuksauvosi kiaksautiâlub ikomaliksûb ᴋiᴋânut; kinauvâlo Gudeojoᴋ piulijungnartisi aggamnit?

Daniel 3:21

Tâva angutit tâpkoa ᴋilaksortauvut, ᴋarlilijarlutik, ikialijarlutiglo, ulilijarlutiglo, tâpkoalo assinginik annorâlijarlutik, igitauvullo kiaksauteâlub ikomaliksûb ᴋiᴋânut.

Daniel 3:7

Taimaimat naliutomi tâpsomani inôᴋatigêt ilûnatik tusarvingini tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik, inôᴋatigêt ilûnatik nunaᴋatigêllo oᴋausiᴋatigêllo pâmaktiput inungoarlo goldiojoᴋ ataniub Nebukadnezarib napartitanga opigilugo.

Daniel 5:19

Anginilo tâpsomunga tunijanga pivlugo, inôᴋatigêt, nunaᴋatigêllo, oᴋausiᴋatigêllo ilûnatik sajukput sivôralutiglo tâpsoma sângani; issumaminik toᴋopait, issumaminik inôᴋôvait; issumaminik ᴋagvartipait, issumaminiglo nikanarsârtipait.

Daniel 6:7

Atanioviub angajoᴋâᴋsoâgik, tilijaujullo, atanirusillo, atanituijullo, aulatsijullo ilûnatik kajusiᴋatigêkput ataniᴋ piᴋojaᴋartitsijuksaungmat, sôngojomiglo initirijutiksaliorluni, kinalônêt ᴋinulipat sumik gudit inuillônêt nalianit, igvit assingnit, ataniᴋ, uvlut 30 nâvlugit, tâmna loivit itisâluanut igitaksaungmat.

Mattêuse 13:42

Kiaksaumullo ikomalingmut egitsomârpait; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 13:50

Egidlugillo kiaksaumut ikomalingmut; tagvane ᴋeavaksoadlarneᴋaromârpok aglerulârneᴋaromârlunalo.

Mattêuse 4:9

Oᴋautivlugolo: Makkoa tamaita ilingnut tunijomavakka, pâmaktervigijomagumga, tuksiarvigivlungalo.

Markuse 6:27

Ataniublo niaᴋoêrsije tilisârpâ, niaᴋoalo aijauᴋovâ. Tâpsoma parngnanairsimavingmut niaᴋoêriartorpâ,

Takotitaunermik 14:11

Aniangitalo iserlunga ᴋongmuaromârpok issoᴋangitomit issoᴋangitomut; inilangajungnangilallo uvlôtilugo unnuamelo, nergjutemik tâpsomalo adsingoanganik tuksiarveᴋalauktut, atingatalo nelunaikutanganik illaliulauktut.

Takotitaunermik 9:2

Netteᴋangitok mattuêrmago, iserluksoak netteᴋangitomit anivok, sorlo iserluk kiaksautesoarmit, seᴋinerlo silalo tâᴋtoksôlerpuk netteᴋangitub iserlunganut.