Daniel 3:29 - Labrador Inuttitut Heritage Bible

²⁹ Tamanna pivlugo piᴋojivunga imaitomik, inôᴋatigêt, nunaᴋatigêlônêt, oᴋausiᴋatigêllônêt nallit oᴋarnilutjijut Sâdrakib, Mîsakiblo, Abednigoblo Gudinganik avgortaulârput, iglungillo atsiviksangortitaulârput: tâpsoma assianik gudiᴋangimat taimak piuliklirungnartomik.

Daniel 3:29 Iomraidhean Croise

II Atannit 10:27

Baaliblo nappajunga, ᴋattimavinga ilaliudlugo serᴋomipât, annagvingortipâllo uvlok tamanna tikkilugo.

Esra 6:11

Uvamnit perᴋojak tamanna tunnijaumavok; innuit nalliat oᴋautsinik ukkuninga ablatsangortitsilerpat, tagva tapsoma iglunganit ikâtjet illangat tigujaujuksauvok nappartaujuksaulunelo, tamnalo nivingatilugo tapsomunga; iglungalo aksivingortitaule.

Imgerut 3:8

Nâlekame ikajortiksarsiviksauvok, saimartitsinîllo innuᴋotingnut pile! Sêla.

Imgerut 76:10

Inuit kenajungninginut igvit nertornartigavit, tapseruseruteᴋarpotillo ᴋanningajârnernub amiakunganik.

Daniel 1:19

Ataniublo oᴋaᴋatigivait, ilûnatiglo akorngani naipitaujoᴋangilaᴋ Danielitut Hananiatullo Misailetullo Asariatullo; taimaimat tâpkoa ataniub sângani ᴋikarᴋojauvut.

Daniel 1:7

Aipaitôᴋojaujullo angajoᴋângata attitârtipait; Danielelo atsirarpâ Beltesasaremik, Hananialo Sâdrakemik, Misailelo Mîsakemik, Asarialo Abednegomik.

Daniel 2:17

Danielili angirarpoᴋ tagva, ilanilo Hanania, Misailelo, Asarialo ᴋaujitilugit tamattominga;

Daniel 2:47

Ataniublo Danieli akkivâ, oᴋarlunilo: Nalonangimariktomik Gudise gudît Gudigivât, atanîllo Nâlegarivât, nalonadlartunik nalonaijaijoᴋ, nalonadlartoᴋ tamanna nalonairlugo sapilunginavit.

Daniel 2:49

Danieliblo ataniᴋ ᴋinuvigivâ, Sâdrakilo Mîsakilo Abednigolo aulatsijungortipait Babilonib nunangata pijaksanginik; Danielili ataniub itiviksoanganêtuarpoᴋ.

Daniel 2:5

Ataniubli kiovlugit Kaldêarit oᴋautivait: Erᴋaumajungnairpara. Nalonaijaivigilungikupsinga sinnartômanimiglo tukkigijanganiglo avgortaulârposi iglusilo atsiviksangortitaulârput.

Daniel 3:12

Angutit, Judit ilangit, aulatsijungortitatit Babilonib nunangata piksanginik, Sâdraki, Mîsakilo, Abednigolo, angutit tâpkoa kamagingilâtit, ataniᴋ; kivgartulungilait gudingoat, inungoarlo goldiojoᴋ napartitat opigingilât.

Daniel 3:15

Takuitsi, atuinaugupsi ᴋangaugaloarpat tusartuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktiromavlusi opigilugolo inungoaliarimajara, nâmakpoᴋ; opigosulungikupsili, tagva tagvainaᴋ igitaujuksauvosi kiaksautiâlub ikomaliksûb ᴋiᴋânut; kinauvâlo Gudeojoᴋ piulijungnartisi aggamnit?

Daniel 3:17

Taimaigiaᴋarpat, Gudivut kivgartortavut sapilungilaᴋ piuliluta kiaksautiâlungmit ikomaliksoarmit; piulijomavâtigullo aggangnit, ataniᴋ.

Daniel 3:28

Nebukadnezarilo niplipoᴋ oᴋarlunilo: Nakorijauli Sâdrakib, Mîsakiblo, Abednigoblo Gûdingat, ingiliminik tiliklitoᴋ piulilugillo kivgani tatigijini tapajullo ataniub piᴋojanganik, timimingniglo tunitjijomangitut Gûdimik assia kivgartoromavlugo opigijomavlugolo.

Daniel 6:28

Danielilo tâmna pilluangolipoᴋ Dariusib atanioningani, Korasiblo Persiamiojub atanioningani.

Deuteronomy 32:31

Tâpkoa ᴋairtungat ᴋairtuptitut ingilak, ômigijivut taimak issumaᴋarput.