Daniel 3:28 - Labrador Inuttitut Heritage Bible

²⁸ Nebukadnezarilo niplipoᴋ oᴋarlunilo: Nakorijauli Sâdrakib, Mîsakiblo, Abednigoblo Gûdingat, ingiliminik tiliklitoᴋ piulilugillo kivgani tatigijini tapajullo ataniub piᴋojanganik, timimingniglo tunitjijomangitut Gûdimik assia kivgartoromavlugo opigijomavlugolo.

Daniel 3:28 Iomraidhean Croise

Genesis 9:26

Amma oᴋarivoᴋ: Nakorijaule Nâlegaᴋ, Semib Gûdinga; Kânaanelo kivgaujuksauvoᴋ tâpsomunga.

I Kronika 5:20

Ikajortaulaukpullo tapkoa akkerartorungnarlugit, Hagariterillo ilagijangillo ilûnnaita tunnijauvut agganginut. Gûdemut nipliarmatta sorsungnerme; tapsomalo tussarpait, tattigingmatsuk.

II Kronika 20:20

Uvlarârsukullo parngnailerput, aularlutiglo Tekoab sunaᴋajuitunganut. Aulartillugillo Josafate nangerpok oᴋarlunelo: Naleksinga Judamiôjose Jerusalemiôjoselo: Nalegak Gudise okperisiuk, tagva ussornarniarpose; nallautaijoᴋotingillo okperisigik, tagva sullidlarniarpose.

II Kronika 32:21

Tagva Nalekab Engelit illangat tilliva, tapsoma sorsuktuksat sôngojungit illunaita, attannillo angajoᴋaunerôjullo illunaita Assiriamiut attanningata tangmarviane nungupait, kangusuklunelo utterpok nunaminut. Gudigijamelo iglunganut ittermat, ochotipâk tagvane saviksoarmut, timinganit nangminerijanganit pilauktuk.

Esra 1:3

Kina mana akkunapsingne tapsoma innuᴋotinginut illingajok, tamna Nalekab Gudingata aipariliuk, takpaungarlunelo Jerusalemut Judamêtomut, igloliorlunelo Nalekab Israelib Gudingata iglunganik. Gudeôvok tamna Jerusalemêtok.

Esra 6:11

Uvamnit perᴋojak tamanna tunnijaumavok; innuit nalliat oᴋautsinik ukkuninga ablatsangortitsilerpat, tagva tapsoma iglunganit ikâtjet illangat tigujaujuksauvok nappartaujuksaulunelo, tamnalo nivingatilugo tapsomunga; iglungalo aksivingortitaule.

Imgerut 103:20

Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

Imgerut 147:11

Nâlekab sivôragijine ᴋuviagivait, pitsiarninganik sungertuteartut.

Imgerut 33:18

Ahâk, Nâlekab ijingata sivuragijine takkonârpait, pitsiarninganik nerriuktut.

Imgerut 33:21

Omattipta ᴋuviasutigingmatsuk, attingalo ajungitok tattigivavut.

Imgerut 34:22

Nâlekab kivgame tarningit piulivait; illunatiglo tatteᴋartut tâpsominga passijaksauniangilat.

Imgerut 62:8

Inôjose tattigitsainarsiuk sorairase; ômattise nâvissigik sânganut; Gûde tattigivavut, Sêla.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 37:36

Tagva Nâlekab Engelinga aᴋᴋarpoᴋ, Assiriamiut tangmârvianne toᴋojartorlugit angutit 185,000 it. Uvlâkullo makkingmatta, ahâk, toᴋungajoᴋarpoᴋ illũnâne.

Jesaiase 50:10

Kia akkunapsingne Nâlegaᴋ sivoragivaûk, kivgangata nippinga nâleklugo? Tâᴋsoakut arvertartub ᴋaumaksartaungitublo Nâlekab attinga nerriugiliuk, Gûdinelo tattigiliuk!

Daniel 2:47

Ataniublo Danieli akkivâ, oᴋarlunilo: Nalonangimariktomik Gudise gudît Gudigivât, atanîllo Nâlegarivât, nalonadlartunik nalonaijaijoᴋ, nalonadlartoᴋ tamanna nalonairlugo sapilunginavit.

Daniel 3:25

Tâmna kiovoᴋ oᴋarlunilo: Ahâk, angutinik sitamanik ᴋilaksorsimanatik pisuktunik takovunga ikomab ᴋiᴋâni, ôtaunatiglo, sitamangallo tautuᴋarpoᴋ gudit iningatut.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 6:16

Ataniᴋ piᴋojivoᴋ tagva, Danielilo ᴋaipât igilugolo loivit itisâluanut. Ataniublo nipliluni Danieli oᴋautivâ: Gudivît soraijuitomik kivgartortavît piuliniarpâtit.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Mattêuse 4:10

Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.

Apostelit Piniarningit 4:19

Pêtrusible Johannesiblo kiovait oᴋautivlugillo: Nangminek kiglisiniaritse, Gûdib sângane idluarmangât, ilipse uvaptingnut nâlektaunersaugupse Gûdemit.

Apostelit Piniarningit 5:19

Nâlekable Engelingata parngnanairsimaviub upkuanga angmarpâ unnuame, anitilugillo oᴋarpok:

Rômiunut 12:1

Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)

I Korintemiunut 13:3

Pikkalo tamaita piliutigigalloarupkit aklujunut, timigalo ikomamut nungutautigalloarupko, naglingneᴋarnangalo, atorajangimarikpoᴋ uvamnut.

Filippimiunut 1:20

Taimâk utakᴋivlunga ᴋilanâdlarlungalo neriukama, kangusuktitaunianginama sunalônêt pivlugo; (nerriukpungale) ilerasuktinanga, ilusiptut tamât mânatauᴋ aglât Kristuse angijomik timipkut nertortauniarmat, inôgumalônêt toᴋogumalômêt.

Ebrêerinut 1:14

Taipkoa ilûnatik anerniongilât kivgartortuksauvlutik; tilijaumajut kivgartorᴋojauvlutik piulijaunermik kingormgujijomârtût pivlugît?

Ebrêerinut 11:37

Ujarᴋanut millortauvut, ullimâdlartauvut, kapijaudlarput, saviksoarmut toᴋotauvut; arvertalauᴋput saukallo tuktuvaillo aminginik annorâᴋarlutik, saksâdlarlutik, kiksarnartomik atorlutik, kappiasuktitaularmiglo;

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

Takotitaunermik 12:11

Sâlagidlarpâlle Saugârsûb aunganut, kigligiutsinerijamiglo oᴋausinginut, inôtsitiglo ivlerilaunginamigit toᴋo tikidlugo aglât.