Daniel 3:13 - Labrador Inuttitut Heritage Bible

¹³ Tagva Nebukadnezarib ningadlarnimini ilungitudlarniminilo, Sâdraki, Mîsakilo, Abednigolo ᴋaitauᴋovait. Angutillo tâpkoa âtauvut ataniub sânganut.

Daniel 3:13 Iomraidhean Croise

Genesis 4:5

Kainele tunergutâlo ᴋuviagingilak. Tagva Kaine ningarosulerpoᴋ angijomik, kênangalo kattalungavoᴋ.

Salomob Okâl 17:12

Nâmanersauvok aklak piaraᴋotiminik aksartaujok pârlugo, pârnermit silaitomik silaidlarningane.

Salomob Okâl 27:3

Ujarak oᴋumaipok, siorᴋallo okikasalungilat; silaituble ningaumajarninga oᴋumainersauvok tamangnit.

Salomob Okâl 29:22

Angut ningaumajartok akkerartorneᴋartitsivok, kassêtorlo idluitullivok unuktunik.

Daniel 1:7

Aipaitôᴋojaujullo angajoᴋângata attitârtipait; Danielelo atsirarpâ Beltesasaremik, Hananialo Sâdrakemik, Misailelo Mîsakemik, Asarialo Abednegomik.

Daniel 2:12

Tamanna pitjutigivlugo ataniᴋ ningadlarpoᴋ ᴋaningaumajâdlarporlo, Babiloniblo ilisimajungit tamaita toᴋotauᴋovait.

Daniel 3:19

Tâva Nebukadnezar ilumitauvoᴋ ningadlarnimik, kênangatalo tautua ablatsangolipoᴋ Sâdrakimut, Mîsakimullo, Abednigomullo; taimaimallo oᴋarluni piᴋojivoᴋ kiaksauteâluk 7ertorlugo ônarnisautitaksaringmatsuk ilusirivaktanganit.

Mattêuse 10:18

Atanernullo atanersoarnullo âtsomârpâse pivlunga, taipkoa nalojullo nalojungnairutiksanginut.

Markuse 13:9

Ilipsele nangminipsingnik udjertoritse. Erᴋartuivingmut katimavingmingnullo pititsomârpâse; issaᴋajaujariaᴋarpose, ataniojunullo ataniviksoarnullo âtaujariaᴋarpose, uvanga pivlunga, nelojungnairutiksanginut.

Lukase 21:12

Tamakkoale tamaita perᴋârtinagitk tiguluse unangmijomârpâse, ilinniarvingmingnullo parngnanairsimavingmingnullo pititsomârpâse, ataniojunullo angajoksoarnullo âtsomârpâse, atera pivlugo.

Lukase 6:11

Tâpkoale ᴋevidlutik issumalulerput; oᴋaᴋatigêlerlutiglo, ᴋanok (Jêsuse) piniaromavlugo.

Apostelit Piniarningit 24:24

Uvlulle ilangit nângmatta Fêlikse tikilerpok nuliane Drusilla Jûdiojoᴋ ilagilugo, Pauluselo ᴋaiᴋolerpâ, tusalâllo, oᴋâlatilugo okpernermik Kristusemut.