Daniel 2:9 - Labrador Inuttitut Heritage Bible

⁹ Sinnartômanili nalonaililungikupsiuk uvamnut, tagva atausênarmik piᴋojaᴋarpoᴋ ilipsingnut pijuksamik; sagloninik tukiᴋangituniglo atuinaruigapsi oᴋausirijomavlugit uvamnut, ilinganiᴋ assiangotsiarivlugo; tamanna pivlugo sinnartômaniᴋ nalonairsiuk uvamnut, ᴋaujiniarpunga tagva nalonaijaivigijungnarapsinga tukkigijanganik.

Daniel 2:9 Iomraidhean Croise

I Atannit 22:22

Tamna oᴋarpok, aularomavunga, annerniojomalungalo nellagôngitok taipsoma nellautaijoᴋotingita ᴋaningine ilûnnaine. Tamnalo oᴋarpok: Igvit tillioraksarivat, sullidlarniarpotillo, aularit taimailiorlutillo.

I Atannit 22:6

Tagva Israelitit atanningata nellautaijut 400 deôkasait ᴋatimaᴋovait, oᴋautilaitalo: Ramotemut Gileademêtomut aijuksauvîk sorsugvigilugit, nippotijaksarivakkalonêt? Tapᴋoa oᴋarput: Majorarit takpaunga, Nâlekab tunniniarpait atanniub agganginut.

Ester 4:11

Atanniub kivgangit ilûnatik, inugiartoksuillo atanniub nunangine ᴋaujimavut, atannermut ittertoᴋarangat avaluliorsimajub illuanut, angullonêt, arnarlonêt, ᴋaiᴋojaulungitomik, tamna perᴋojak malliklugo tokᴋotaksaungmat; kisianeungitok atanniub ajaupiane opigijautiksak Goldeôjok issautiguniuk tapsomunga, inôᴋovlugo. Uvangale mâna uvlune 30 gine ᴋaiᴋojaulaungilanga takᴋamunga atannermut.

Salomob Okâl 12:19

ᴋanek nellagôrtok sorairniatsengilak; oᴋarle nellangaitok ijib kabluᴋealarningatut; atautsetut akkunêrtigijôvok.

Jesaiase 41:23

Mattoma kingorngane pijomârtuksat oᴋautigisigik uvaptingnut, tukkisijomârpogut tagva, Gûdeogapse. Illa, piniaritse ajungitomik piungitomiglõnêt, takkôtilluta sôngonersaujomautijomârpogut tagva. —

Jesaiase 44:25

Nallautainerdluktut nallunaikutanginik nungutitsijunga, pijomârtuksaniglo oᴋarpaktut illisimaitillugit, sillatojuniglo uttertitsijunga, sillatuningat sillainartillugo.

Hesekiel 13:17

Igvillo, inûb erninga, kênait sâtiuk inôᴋativit paninginut, ômatimingnit nelautaijunut, nelautaivigikillo,

Hesekiel 13:19

Uvangalo naggonartungortipapsinga inuᴋotima akorngane senaugaksaᴋ tigumiaratuinaᴋ niaᴋôjallo serᴋomakut pivlugit, tarnit toᴋojuksaungitut toᴋotsomavlugit, tarnillo inôjuksaungitut inôᴋojomavlugit, saglokitsinipsingnut inuᴋotimnik, saglonernik tusaromajunik.

Hesekiel 13:6

Uivêrinartunik takovut, saglovlutiglo nelautaivut, oᴋarlutik: Nâlegaᴋ oᴋarpoᴋ; tilijaunatiglo Nâlekamut: inuillo okpertipait oᴋausingit nelautsititaulârmatta.

Daniel 2:16

Danielili itipoᴋ, atanilo ᴋinuvigivâ issumaksarsiorviksaᴋartitaujomavluni, nalonaijaijungnarᴋovlugo tukkigijanganik atanimut.

Daniel 2:21

Tâpsoma naliunirit iliorviksallo ablatsângortipait; atanît pêjarpait, atanîllo ilivait; ilisimaniᴋ tunivâ ilisimajunut, silatunilo tâpkonunga silatunimik ᴋaujimajunut;

Daniel 2:8

Ataniᴋ kiovoᴋ oᴋarlunilo: Nalonangitomik ᴋaujivunga katsungagapsi, malugosugapsi iᴋaumajungnainimnik.

Daniel 3:15

Takuitsi, atuinaugupsi ᴋangaugaloarpat tusartuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktiromavlusi opigilugolo inungoaliarimajara, nâmakpoᴋ; opigosulungikupsili, tagva tagvainaᴋ igitaujuksauvosi kiaksautiâlub ikomaliksûb ᴋiᴋânut; kinauvâlo Gudeojoᴋ piulijungnartisi aggamnit?

Daniel 5:28

Peres; ataniovît avgortauvoᴋ tunijauvlunilo Mediamiunut Persiamiunullo.

Daniel 5:31

Dariusiblo Medenimiub ataniovik pigilipâ, jâriᴋarluni 62nik.

Daniel 7:25

Tâpsomalo ᴋotsingnipângojoᴋ oᴋarnilutigijomârpâ, ᴋotsingnipângojûblo ivsornaitungit unangmidlarlugit; issumaᴋalârporlo naliunirit piᴋojallo ablatsangortitsomavlugit, tâpkoalo tunijaujomârput tâpsoma agganginut naliutoᴋ, naliutullo, naliutûblo abvanga nâvlugit.

II Korintemiunut 2:17

Gûdib oᴋausingit asserᴋotsitilugit pinginapta, asserᴋotsititsijutitut ipkotitunaᴋ unuktutitut; nelâgôrlutale Gûdemillo Gûdiblo sângane oᴋâlavogut Kristûsemê.