Daniel 2:47 - Labrador Inuttitut Heritage Bible

⁴⁷ Ataniublo Danieli akkivâ, oᴋarlunilo: Nalonangimariktomik Gudise gudît Gudigivât, atanîllo Nâlegarivât, nalonadlartunik nalonaijaijoᴋ, nalonadlartoᴋ tamanna nalonairlugo sapilunginavit.

Daniel 2:47 Iomraidhean Croise

Genesis 41:39

Josefemullo Farao oᴋarpoᴋ: Gûdib tamakkoa tamaita illingnut nallonairmagit, taimaimat illiktut silatujomik illisimajoᴋangilaᴋ.

II Atannit 5:15

Utterivorlo Gûdib anguteᴋotinganut, ilagijane ilunnatik ilagilugit. Itteramelo sângerpa, oᴋarlunelo: Ahâk illitarksimavunga, Gûdeᴋangimat nunane ilunnaine, Israeleme kisiane; mannalo pilliumik tigusilaurit kivgarnit.

Hiobe 12:19

Ajuᴋertuijut tessiorpait aksârnigaujotut, sôngojullo mumiktipait.

Imgerut 136:2

Gûdit tamaita Nâlegangat ᴋujagissiuk; pitsiarninga itsainarmat issoᴋangitomut.

Imgerut 136:3

Nâlekat tamaita Nâlegangat ᴋujagissiuk; pitsiarninga îtsainarmat issoᴋangitomut.

Imgerut 72:11

Attannît illunatik tuksiarvigijomârpât, nallojullo illunatik kivgartoromârpât.

Imgerut 82:1

Gude nangerpok Gûdib illagêktoᴋotinginne, idluarsaijôlunelo Gûdit akkorngane.

Imgerut 96:4

Nâlegak angijôngmat, angijomiglo nertortaujuksauvok; sivuranarnersauvlune Gûdinnit tamainit.

Hesekiel 26:7

Imâk oᴋarmat Nâlegaᴋ Nâlegaujoᴋ: Ahâk, Tirusemut tikiutijomârpara avangat Nebukadnezar, Babilonib ataninga, ataniojut atanerijangat, horselijarlune, aksaloalingnik ᴋemukserlune, horsene ablângajunik, katimgajuniglo, inugiartoᴋsoarniglo ilaᴋarlune.

Daniel 11:36

Atanilo pijomajani maliklugo piniaromârpoᴋ; pimariutitsomârporlo nangminiminik, anginisautitsomârporlo nangminiminik gudinit tamainit, gudillo Gudingat oᴋarnilutigijomârpâ tatamnartunik; sulidlaromârporlo ningaumajârnirub naliuninga nâmaksiᴋârtinago; kajusijutaujoᴋ nalautsilârmat.

Daniel 2:19

Tagva nalonadlartoᴋ tamanna nalonaijartauvoᴋ Danielimut takotitjutikut unnuarmi. Danieliblo ᴋilaub Gudinga nakoridlarpâ.

Daniel 2:22

Nalonaijaivoᴋ itijunik nalonartuniglo; ᴋaujimavoᴋ tâᴋtomêtunik, ᴋaumajorlo tâpsomani iniᴋarpoᴋ.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Daniel 2:29

Igvit, ataniojotit, inangatilutit issumalauᴋpotit sunanik mattoma kingorngani pijomârtuksanik; tâpsomalo nalonadlartunik nalonaijaijub nalonaijaivigivâtit sunanik pijomârtuksanik.

Daniel 2:30

Uvangali pivlunga, nalonartoᴋ tamanna nalonaijartaulungilaᴋ uvamnut ilisimaniᴋarnisaugama inôjunit tamainit, imâgli pivlugo, tukkigijanga nalonaijartauᴋovlugo atanimut, ᴋaujimaᴋovlutillo ômativît issumanginik.

Daniel 2:37

Igvit, ataniᴋ, atanît atanirivâtit, ᴋilaub Gudingata tunitjivigivâtit nâlegauvingmik, pitsartunermiglo, sôngonermiglo, ânanaunimiglo;

Daniel 3:15

Takuitsi, atuinaugupsi ᴋangaugaloarpat tusartuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktiromavlusi opigilugolo inungoaliarimajara, nâmakpoᴋ; opigosulungikupsili, tagva tagvainaᴋ igitaujuksauvosi kiaksautiâlub ikomaliksûb ᴋiᴋânut; kinauvâlo Gudeojoᴋ piulijungnartisi aggamnit?

Daniel 3:28

Nebukadnezarilo niplipoᴋ oᴋarlunilo: Nakorijauli Sâdrakib, Mîsakiblo, Abednigoblo Gûdingat, ingiliminik tiliklitoᴋ piulilugillo kivgani tatigijini tapajullo ataniub piᴋojanganik, timimingniglo tunitjijomangitut Gûdimik assia kivgartoromavlugo opigijomavlugolo.

Daniel 3:29

Tamanna pivlugo piᴋojivunga imaitomik, inôᴋatigêt, nunaᴋatigêlônêt, oᴋausiᴋatigêllônêt nallit oᴋarnilutjijut Sâdrakib, Mîsakiblo, Abednigoblo Gudinganik avgortaulârput, iglungillo atsiviksangortitaulârput: tâpsoma assianik gudiᴋangimat taimak piuliklirungnartomik.

Daniel 4:17

Pigârtuksat tamanna kajusimautigivât, ivsornaitullo oᴋaᴋatigêklutik piᴋojijutigivât: inôjut ᴋaujimaᴋovlugit ᴋotsingnirojub aulangmago inuit ataniovingat, tuningmagolo pijomajaminut, inuillo nikanarsarnipaujungit ataningortingmagit tâpsomani.

Daniel 4:25

Inungnit ajaktortaulârpotit, natinaublo nigjutingit ilagilârpatit, tuktuvaktut iviksukatolârpotit, ᴋausititaulârpotillo ᴋilaub mitsuksoanganut, naliunirit 7nit ᴋângiutilârput ilingnik; ᴋaujimaᴋârtinak ᴋotsingnipângojub aulangmago inuit ataniovingat, tunilugolo pijomajaminut.

Daniel 4:32

Inungnit ajaktugauvotit, natinaublo nigjutingini iniksaᴋalârpotit; tuktuvaktitut iviksukatulârpotit, naliunirillo 7nit ᴋângiutilârput ilingnik; ᴋaujimaᴋartinak ᴋotsingnipângojub aulangmago inuit ataniovingat, tunilugolo pijomajaminut.

Daniel 5:11

Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;

Amos 3:7

Nâlegak Nâlegaujok sumiglônêt piniarnialungilak, kissiane angiarijane nalonaijarᴋâruniuk kivgaminut nalautaijunut.

I Korintemiunut 14:25

Taimaglo ômatingane ijersimajut sakᴋerajarput; pâmakterlunelo Gûde tuksiarviginajarivâ, kigligiutsinajarporlo Gûdemik nalâgut ilipsingnêtomik.

Deuteronomy 10:17

Nâlegak Gûdise tâmnaungmat Gûdit Gûdigijangat, nâlekallo Nâlegarijangat, Gûde angijok, pitsartudlartok kapianadlartorlo, inuit kinauninginik kamangitok, piliusianiglo tigusitsangitok.

I Timôteusemut 6:15

Tamanna piloriktoksôjub ajugaᴋangitotôjublo, ipsoma atanivît ilûnatik atanerimangata, nâlekallo ilûnatik nâlegarijangata naliunermine sakᴋertitsomârpâ.

Josua 22:22

Gude pitsartujok, Nalegak, Gude pitsartujok, Nalegak tamna ᴋaujimavok, Israelitillo ᴋaujimagivut kattakupta, idluitulliguptalonêt Nalekamut; tagva ikkajorniaranittigut uvlome!

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.