Daniel 2:45 - Labrador Inuttitut Heritage Bible

⁴⁵ Sorlolo takolauravit ujaraᴋ saviujartortaulaungmat ᴋaᴋᴋamit aggangnu-ungitoᴋ, siᴋalilaungmagillo kikiak, ᴋaᴋorlilo, maggarlo, silbirilo, goldilo, Gudib angijoᴋsôjub ataniᴋ nalonaijaivigivâ sunamik mattoma kingorngani pijomârtuksanik: sinnartômanilo nalautsimarikpoᴋ tukkigijangalo nalonangimarikpoᴋ.

Daniel 2:45 Iomraidhean Croise

Genesis 41:26

Tuktuvait taipkoa sepat ajungitut tagva jârit sepat, sulugainerillo taipkoa sepat ajungitut tagva jârit. Sinnaktômaneᴋ tâmnatsainauvoᴋ.

Genesis 41:28

Taimaipoᴋ, sorlo Faraomut oᴋarama: Gûdib Farao nallojungnairtipâ piniaromârnerminik.

Genesis 41:32

Faraole maggoertorlune taimak sinnaktômangmat, tukeᴋarpoᴋ: Gûdeme tamanna kajusijutaumaringmat, Gûdelo tuavilune taimailiulârmat.

II Samuel 7:22

Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

I Kronika 16:25

Nalegak angijoksôngmat, nertornartoksôlarmelo sivuranaluarporlo Gûdinit tamainit.

Nehemia 4:14

Allakausijarpungalo parngnailerlungalo, oᴋarlungalo Erᴋanartunut angajoᴋaunerôjunullo, inugasaksoarnullo assinginut: Sivuraginiarassigik, Nâlegaksoarle erᴋsinartoksoak erᴋarsiuk, ᴋatangutiselo erniselo, paniselo, nuliaselo, igloᴋotiselo sorsugutigisigik.

Nehemia 9:32

Mânnalo Gûdivut, Gûdeojoksôjotit, sôngojotit kappianadlartotillo, nallautsititsijotit angerᴋattigêngnermik, napkiningnermiglo, siorniornartut tamaita tikkitautigijavut, atannivullo, angajoᴋaunerôjovullo, ajoᴋertortivullo, nallautaijovullo, atâtavullo, inuᴋotitillo tamaita, Assiriamiut atanningita nalliuninginit uvlok tamânna tikkidlugo, mikkijonasugitailikittôk.

Hiobe 36:26

“Ahâk, Gûde angijôvok, nallonarporlo uvaptingnut; jâringita unnurningit nautsertortaujungnangilet kinamullonêt.

Imgerut 135:5

Kaujimagama, Nâlegak angijôngmat, Nâlegaungmallo uvaptingnut, Gûdinit tamainit.

Imgerut 145:3

Nâlegak angijôvok, nertornadlarlunelo, anginingalo nautsertortaujungnangilak.

Imgerut 2:9

Ajaupiamut (opigijautiksaujomut) kikkiangojomut serᴋomitaksarivâttit, machaktitut serᴋallijaksarivâttit.

Imgerut 48:1

Nalegak angijôvok, oᴋausiongînadlarlunelo Gûdipta iglugasaksoaᴋotinginne, ᴋaᴋᴋakotingane.

Imgerut 96:4

Nâlegak angijôngmat, angijomiglo nertortaujuksauvok; sivuranarnersauvlune Gûdinnit tamainit.

Jesaiase 28:16

Tamanna pivlugo Nâlegaᴋ Gûde oᴋarpoᴋ: Ahâk, ujarᴋamik tunganartovingmik illijivunga Zioneme, ôktûtiksaujomik, iglub terreᴋuksanganik pivianartomik, tungavingmik aulajuitomik, nalliallo okpertoᴋ ᴋemâjariaᴋaromângilaᴋ.

Daniel 2:24

Tamanna pivlugo Danieli itipoᴋ Ariokimut, ataniub assiroiᴋojanganut Babilonib ilisimajunginik, oᴋautilugolo imâk: Babilonib ilisimajungit assirorniarnagit pît, ataniubli sânganut ititikit, atanilo nalonaijaivigijomavara sinnartômanirub tukkigijanganik.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Daniel 2:29

Igvit, ataniojotit, inangatilutit issumalauᴋpotit sunanik mattoma kingorngani pijomârtuksanik; tâpsomalo nalonadlartunik nalonaijaijub nalonaijaivigivâtit sunanik pijomârtuksanik.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 8:25

Silatuniminullo pingitsitorniᴋ sulidlartilarpâ; angijorortitsomavorlo nangminiminik ômatimini: unuktullo ilimasungimariktut assiroromârpait; makitaliromârpoᴋ aglât nâlikat Nâliganganut; siᴋomitaujomârporli aggangmu-ungitoᴋ.

Haggai 2:22

Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

Saggaria 12:3

Uvlormelo tâpsomane Jerusalem ujaraᴋsoangortitsomârpara oᴋumaitok inôᴋatigêksoarnut tamainut; ilûnatik oᴋumaititut tâpsomunga angijomik kilertaujomârput; inôᴋatigêksuillo ilûnatik nunaksoarme tâpsomunga katersoromârput sorᴋsugvigijomavlugo.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Mattêuse 21:24

Jêsusible kovlune oᴋautivait: Aperijomavapsetauk oᴋautsemut atautsemut; mattominga oᴋautigupsinga, oᴋautijomagivapse, kimit pitsartuneᴋarnimnik taimailiorlunga.

Mattêuse 24:35

ᴋilaglo nunalo nungujomârpuk, oᴋausikkale nungujomângilat.

Lukase 17:20

Farisêerille aperingmatsuk: ᴋanga Gûdib nâlegauvinga pijomârᴋâ? Kiovait oᴋarlune: Gûdib nâlegauving takuksaulune piniangilak.

Deuteronomy 10:17

Nâlegak Gûdise tâmnaungmat Gûdit Gûdigijangat, nâlekallo Nâlegarijangat, Gûde angijok, pitsartudlartok kapianadlartorlo, inuit kinauninginik kamangitok, piliusianiglo tigusitsangitok.

Takotitaunermik 1:19

Takojatit aglakit, tamattomanelo-itut, kingornganelo neliutuksat;

Takotitaunermik 19:17

Engelemiglo takovunga seᴋinerme nangertomik; nippersoarmullo nipliadlarpok tingmitjanut ilûnainut ᴋilaub atâgut tingijunut oᴋarlune: ᴋaititse katimalerluse Gûdeviksôjub nerrimârvianut;

Takotitaunermik 4:1

Tamattoma kingorngagut takovunga, ahâk, upkuamik upkuêrtaujomik ᴋilangme; nippelo sivorlek tussalauktara uvamnut sorlo tiptulaut oᴋartok, tâmna oᴋarivok: tamaunga majorarit takotitsomagapkit mattoma kingorngane pijomârtuksanik.