Daniel 2:44 - Labrador Inuttitut Heritage Bible

⁴⁴ Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 2:44 Iomraidhean Croise

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

II Samuel 7:13

Taipsomalo attera iglolioraksariva, uvangalo attaniovingata iksivautanga soᴋᴋosijuititsomavara soraijuitomik.

II Samuel 7:16

Igluille, attanniovîllo soᴋᴋosijuituksauvuk issoᴋangitomut sângne, iksivautallo soraijuituksauvok issoᴋangitomut.

Imgerut 145:13

Nâlegauvît nâlegauviôvok issoᴋangitok, attanniôtinillo îtsainarpok sorairane.

Jesaiase 60:12

Nallojut attaniovillo kivgartoromangitut illingnut nungutaujomârmatta, inungillo asserortauvlutik.

Hesekiel 37:25

Nunaᴋaromârpullo nuname tunilauᴋtamne kivgamnut Jâkomut, atâtapse nunagilauᴋtangane; nunagilârpâllo tâpkoa, ᴋitorngangitalo, erngutangitalo, issoᴋangitomut; kivgaralo Davide angajoᴋârilârpât issoᴋangitomut.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Daniel 2:34

Takonâlauᴋpotit ujaraᴋ saviujartortauᴋârtinago aggangnu-ungitoᴋ, tâpsomalo inungoaᴋ annauvâ itigangitigut kikiangojutigut maggaujutigullo siᴋalilugillo.

Daniel 2:35

Tagva kikiaᴋ, maggarlo, ᴋaᴋorlilo, silbirilo, goldilo atautsikut sikalijaudlarput, ililutiglo iviksukatitut siᴋalijaumajutitut katjugvingmut aujarmi; annoriblo tiktautipait, ᴋikarviksairutivullo; ujaraᴋlo, inungoab annaunitinga ᴋaᴋᴋaᴋsoangorpoᴋ nuna nâmavlugo.

Daniel 2:37

Igvit, ataniᴋ, atanît atanirivâtit, ᴋilaub Gudingata tunitjivigivâtit nâlegauvingmik, pitsartunermiglo, sôngonermiglo, ânanaunimiglo;

Daniel 2:43

Sorlolo takolauravit kikiak akusimajoᴋarmat maggarmik, taimâk akulârput nangminimingnik inuit kinguvânginut; nipingautijomângilalli, sorlo kikiak maggarlo akulutik ajormanik.

Daniel 4:3

Nalunaikutangit angijôdlarput, tatamnartuliningillo pitsartudlarput! Nâlegauvinga issoᴋangitomut itsainarpoᴋ, atanioningalo kinguvârênit kinguvârênut ipok.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Daniel 6:27

Piuliklipoᴋ saputjivlunilo, nalonaikutanik tatamnartuniglo piniarpoᴋ ᴋilangmilo nunamilo; tâpsomalo Danieli piulivâ loivit pitsartuninginit.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Daniel 8:25

Silatuniminullo pingitsitorniᴋ sulidlartilarpâ; angijorortitsomavorlo nangminiminik ômatimini: unuktullo ilimasungimariktut assiroromârpait; makitaliromârpoᴋ aglât nâlikat Nâliganganut; siᴋomitaujomârporli aggangmu-ungitoᴋ.

Migga 4:7

Tusiaktullo amiakotitsomârpakka, ajaktortaujullo inôᴋatigêksoangordlugit; Nâlegarlo ataniojomârpoᴋ tâpkonunga ᴋaᴋame Zioneme mânamit issoᴋangitomut.

Haggai 2:22

Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

Haggai 2:7

Inôᴋatigêksuillo ilûnnaita sajukpilâtitsomârpakka, inôᴋatigêksuillo ilûnatik ᴋilanârijangat tikitsomârpoᴋ, iglolo tamanna ilumilârpara ânanaunersoarmik, oᴋarpoᴋ Nâlegaᴋ Zebaot.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Johannese 12:34

Tagva inuit kiovât: Perᴋojanit tusarpogut Kristûse isoᴋangitomut-itsainarmat. ᴋanorlo oᴋarᴋât: Inûb Erninga ᴋangatartitaujariaᴋarpôᴋ? Inûb Erninga tâmna kinauvâ?

Ebrêerinut 12:28

Tamanna pivlugo Nâlegauvik aulajuitoᴋ pigaptigo, saimarsauteᴋarluta (atutsiarlavut); tamattomunga Gûde kivgartorlugo ᴋuviagijanganut, kuksasukluta naipertugarivlugo.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 2:27

Mianeriniarpaillo ajaupiamut kikiangmut, machaliortiblo iluleᴋutingititut serᴋomitsomârpait, sôrlo uvangatauk Atâtamnut perᴋojaugama;