Daniel 2:34 - Labrador Inuttitut Heritage Bible

³⁴ Takonâlauᴋpotit ujaraᴋ saviujartortauᴋârtinago aggangnu-ungitoᴋ, tâpsomalo inungoaᴋ annauvâ itigangitigut kikiangojutigut maggaujutigullo siᴋalilugillo.

Daniel 2:34 Iomraidhean Croise

Imgerut 118:22

Ujarak igluliortut nachogijangat, tâmna ujarangornerpok terreᴋomut.

Jesaiase 28:16

Tamanna pivlugo Nâlegaᴋ Gûde oᴋarpoᴋ: Ahâk, ujarᴋamik tunganartovingmik illijivunga Zioneme, ôktûtiksaujomik, iglub terreᴋuksanganik pivianartomik, tungavingmik aulajuitomik, nalliallo okpertoᴋ ᴋemâjariaᴋaromângilaᴋ.

Jesaiase 60:12

Nallojut attaniovillo kivgartoromangitut illingnut nungutaujomârmatta, inungillo asserortauvlutik.

Jesaiase 8:9

Idluitullititse, nunaᴋatigêktose, serᴋomitaujomârpose. Tussaleritse, illũnase ungasiktome nunaᴋartose: parngnaileritse, serᴋomitaujomârpose — illa parngnaileritse, serᴋomitaujomârpose.

Hesekiel 32:28

Igville navgortaulârpotit kipimangitut akorngane, nelangalârpotillo tâpkoa ilagivlugit saviksoarmut toᴋotaumajut.

Hesekiel 47:5

Amalo ôktorpait talit 1,000, sunaubvalo kôk ikârvigijungnangitara: kutjersimangmat, imeᴋ puibjorviojungnarpoᴋ, erᴋangale tutijaujungnangilaᴋ.

Daniel 2:33

Niugik kikiangovuk, itigangillo ilangagut kikiangovut ilangagullo maggaᴋ.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Daniel 8:25

Silatuniminullo pingitsitorniᴋ sulidlartilarpâ; angijorortitsomavorlo nangminiminik ômatimini: unuktullo ilimasungimariktut assiroromârpait; makitaliromârpoᴋ aglât nâlikat Nâliganganut; siᴋomitaujomârporli aggangmu-ungitoᴋ.

Saggaria 12:3

Uvlormelo tâpsomane Jerusalem ujaraᴋsoangortitsomârpara oᴋumaitok inôᴋatigêksoarnut tamainut; ilûnatik oᴋumaititut tâpsomunga angijomik kilertaujomârput; inôᴋatigêksuillo ilûnatik nunaksoarme tâpsomunga katersoromârput sorᴋsugvigijomavlugo.

Saggaria 4:6

Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.

Mattêuse 16:18

Oᴋaupagillotauk: Pêtruseovotit, ᴋairtomullo mattomunga illagêktoᴋotikka tungatitsomavakka, taᴋtoksûblo pitsartuningata sâlaginiangilait.

Johannese 1:13

Tâpkoa aungmit pingitut, uviniub pijomajanganillônêt, angutib pijomajanganillônêt, Gûdemille erniangomajut.

Apostelit Piniarningit 4:11

Ujarak taimnauvok, ilipse igluliortose egilauktase, iglub terreᴋoa ujaraulernertok.

II Korintemiunut 5:1

ᴋaujimavogulle, igluvut (timivut) nuname atortoᴋ asserorpat, igloᴋarapta Gûdemut igloliangomajomik, iglomik aggangnu-ungitoᴋ senamajomik, nâksaungitomik ᴋilangme.

Ebrêerinut 9:24

Kristuse itingimat ivsornaitovingmut aggangnut senamajomut, (taimna mikseᴋârtomut, ᴋilangmêtomut adsigêgutiksaᴋ,) ᴋilangmulle iterpoᴋ, pivluta saᴋᴋeromavlune Gûdib kênangata sângane.

I Pêtrusib 2:7

Ilipsingnut tagva okpertose pivianarpoᴋ; okpingitunulle ujarak taimna, igloliortut nachogijangat, terreᴋuksaliangotitaumavoᴋ,

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.